الشاعر حسن سعيد

       #أبواب #الدار خلف أبواب الإنتظار أشواق و نار من حنين تشتاق للغائبين جدران الدار و على الخد دمعتين يناديهم القلب في نبضاته طال الغياب والشوق نار حتى ضحكات الشفاه صارت بالفراق مرار أيا غائب متى تعود إلينا البعد منك كان قرار ألا ترحم دمع عينينا و يملئ الدار فجر النهار نرسل الأشواق تحمل لوعتنا والعصافير تنقل الاسرار لله في غيابكم شكوتنا والظنون تسكن الأفكار نمد إليكم بالحب أيدينا و نزرع لكم بساتين الأزهار نشتاقكم و كثيرا بكينا حتى صارت الدموع أنهار حسن سعيد إبراهيم نبض 💓  يكتبه 📝 جمهورية مصر العربيه حقوق النشر محفوظه تم التوثيق #أيكادولي

           #كان #نفسي كان نفسي أقولها وانت ف حضني كل سنه وانت طيب يا قلبي لكن يا رب إيه ذنبه و أيه ذنبي فرقتنا السنين بعيد عن بعض لكن فُرقنا كان بالجسد بُعد الأماكن لكن يا رب أنت عالم أنه ف روحي ساكن بعد سنين عجاف مرت علينا و دموع كتير سكنت عينينا فجئة أنا وأنت ببعض ألتقينا لكن لوقانا كان عجيب كنت فاكر جرحي يطيب لاقيت نفسي عنك غريب مديت أيدي ليك تداويك وحضني عش أتمنى يضفيك قلتلك قرب ليه بعيد تخليك شايف دموعك نهر على خدك بروحي افديك و اشيل انا عنك لكن كان جزاتي أشواك غصنك يا ريتك عشت جوايا ذكرى بتمناها أنام و اصحى أحلم يوم بلُقياها ولا إنك تنهي حكايا ما بدءناها زي سنين مرت عليا كتير ف بعادك راح أعيش لوحدي فرحة ميلادك وادعيلك تفرح و ترمي ثوب حدادك حسن سعيد إبراهيم نبض 💓  يكتبه 📝 جمهورية مصر العربيه حقوق النشر محفوظه تم التوثيق #أيكادولي

         #شواطئ #الإنتظار على شواطئ الإنتظار و خلف أمواج البحار يا حبيبي غنيتلك و على صفحات الرمال و في عالم من الخيال بروحي ناديتلك زهور محبتنا و قصص من حكايتنا حروف كتبناها و أحلام لينا رسمناها مابين جزر و مد روايتنا مهما الغربه خادتنا ولا الظروف عن بعض باعدتنا بتستاناني و استناك انا هنا و انت هناك لكن يا حبيبي أرواحنا بتقابل و الأحلام بتتلاقئ مهما كانت الدنيا فراقه لسه جوانا نبضه مشتاقه تناديلك و انديلك تغنيلي و اغنيلك تهاديني و اهاديك ومن فرح عمري أرويك و تيجي تقولي أنا أفديك يا كل ما ليا أنا ليك حسن سعيد إبراهيم نبض 💓  يكتبه 📝 جمهورية مصر العربيه حقوق النشر محفوظه تم التوثيق #أيكادولي

عارف طريقك و محدد سكتك كنت جاي ليه  مانت عاشق وحدتك قربت مني بعد سنين قلت انا شاري افديك بالعين ليك روحي من صغري وهبتها و حياتي معاك احلام رسمتها لكن جراحك غيرت فيك كتير ذنبي و لا ذنبك طبعك محتاج تفسير جاي خايف تطير معايا لجنتي طب كنت سيبني ملك في وحدتي لما انت غاوي بعاد و جاي حابب العناد قلت ليه ان اللي بينا نصيب و ميعاد خليني عايش على ذكراك على حلم جميل و حروف فكراك وانت غيب لو في الغربه دواك بس ما تخدش ولا ذكرى معاك تعالى هنا سيبهالي و روح فرحها ضحكها حتى الجروح أنسى حكايتنا وعيش حياتك غير روحك و ابحث عن ذاتك و إن مره الشوق نداك أنت عارف مكاني هناك زي زمان عنواني سلام  أيوه سلام يا أول حروف الغرام  لملم كبرياءك والعناد خِلص الكلام ومن قلب عاشق هاكمل حياتي أحلام حسن سعيد إبراهيم نبض 💓  يكتبه 📝 جمهورية مصر العربيه حقوق النشر محفوظه تم التوثيق #أيكادولي

ليكي نبضه شارده حابب أنا صوتها ونبضه تنادي حُب عايش من سنين وفيكي كام تنهيده تصرخ مع دمع العين لكن طبعك معاندا تقولي ولا تحكي ليه تجافي روحك قبل حُبك  دا إحنا روح ليها جسدين راجعي نفسك خاصمي عقلك و سيبي روحك لقلبك و النبضتين مهما كبرياءك ياخدك مني قولي خدنا من كبريائنا أيه  غير سنين عجاف وخدود عليها دمعتين راجعي نفسك فكري واقفه لوحدك ليه جاي عليك أنا بجري فاتح قلبي ليك و محني كمان الإيدين نفسي أضمك بينهم و ترتاح على صدري و اكتب على كفك كلمتين خوفك من إللي حواليك واخدك مني بلاش ظلم غيري ليك عليه تحاسبني أنا منك و أنت عارف إنك كمان النني طيب لمين راح تطمن لما من قلبك حارمني  حسن سعيد إبراهيم نبض 💓  يكتبه 📝 جمهورية مصر العربيه حقوق النشر محفوظه تم التوثيق #أيكادولي

#حلم  #بسيط كل حلمي كان بسيط ... جناحين فوق السحاب بيهم و هناك أطير ارفرف بجناح محبه وجناح حرير في مملكتك انت حبيب قلبي نن العين وهناك نعيش عمرناحبيبه و حبيب  لا دموع ولا أحزان و لا حتى نحيب غمضت عيني عليك يا حلم السنين أيدي في أيدك بين السحاب روحنا تضمني و اضمك نداوي كل جروحنا لكن هناك لاقيت قلبي نبضه حزين حاسه اني وحيده وانت عني بعيد والحب اللي كان بينا انتهى وليد فوق السحاب لاقيت نفسي بين دمعتين دمعة عتاب و دمعة روح مشتاقه حسيت بالغربه وحدي و اه فراقه والحلم انتهى بدموع على الخدين اه من القلب تصرخ جراح و اه تنادي العمر اللي راح حسن سعيد إبراهيم نبض 💓  يكتبه 📝 جمهورية مصر العربيه حقوق النشر محفوظه تم التوثيق #أيكادولي

عايز احكيلها إحساس جميل مره لوحدي و الجو عليل ويا القمر تحت نخيل غلبني حلم عمري الطويل نمت شويه ولا كتير حلم ده و لا خيال المهم محتاج منها تفسير او عن رؤياي تقولي تعبير روحي راحت لروحها قالت إن حدودي خدودها قلت لازم أكسر سدودها و اقطف منها الحُمر ورودها مديت أيدي أمسك أيدها كمان قالت حاسب يجرحك شوك الأغصان قلتلها موافق يالا تعالي بالأحضان أرويك و انسى إني ليك عطشان مسكت أيدي بأيدها و خطوة جنب التانيه كلمه بشوق كلمه بحنان روحنا في ثانيه عِشنا الثانيه غمضت و غمضت عينيه قلتلها بحبك قالت و أنت كل ماليه شعرها كان غطانا و صدري كان بيتها كل حروف الشوق وقتها أنا غنيتها و أحلى آه بشوق منها روحي سمعتها تزلزل روحي حسيت وقتها بلهفتها سمعت نبض قلبي و همس روحي قالت وحشتني يا دوا جروحي قلت ضميني يا فرحة نوحي و من وقتها وأنا حالي حال وده كل الحلم وده بوحي حسن سعيد إبراهيم نبض 💓  يكتبه 📝 جمهورية مصر العربيه حقوق النشر محفوظه تم التوثيق #أيكادولي

لو شايف اني شاغل عقلك فكر و عاملني بيه ولو ساكن قلبك أنا و صاحبه خليني أصَحابه وسكني فيه عقلك يجادلك يقولك شاغل بالك بيه ليه وقتها سيب قلبك يرد عليه يقوله من صغرنا و النصيب علينا مكتوب مهما نبعد قلوبنا تدوب كفايه ضاع عمرنا مننا عِشنا كتير أغراب و ضاع كتير في عتاب لكن بعد سنين طويله قلوبنا لسه على عهدها صاينه ودها ما هو إحنا من الطفوله أحباب ما تسيبش روحك لظنون ولا نسيت اللي كان زمان فرقنا الكلام والملام وكتر الخصام كمان تعالى مني قرب ليك عليا حق ادهولك واخد حقي فيك اضمك في قلبي وهو بالحب يرويك حسن سعيد إبراهيم نبض 💓  يكتبه 📝 جمهورية مصر العربيه حقوق النشر محفوظه تم التوثيق #أيكادولي

#ضجيج #الذكريات بين الذكريات ضجيج يؤرق مضجعي أمواج تلاطم شواطئ  تعصف بمخدعي لك فيها حضور عاصف يمزق الأشرعي تاه قاربي بين بحارنا لا شاطئ و لا مِجداف فقط إبحار بين أحلامنا و أرواح تتعانق بلا ضِفاف روحي تُصارع و تتسارع وانت في الجدال بارع جنيت انا ما كنت زارع تمر اللحظات أعوام مع ضجيج ذكراك و يدمي ألمً جرحٌ تمزق بهواك ألا رحمتني و عند رحيلك تأخذ ضجيج الذكريات معاك حسن سعيد إبراهيم نبض 💓  يكتبه 📝 جمهورية مصر العربيه حقوق النشر محفوظه تم التوثيق

#قيدك #حرر #روحي كَبِل كل ما فيا و اترك قلبي ليا أحكم قيودك حولي أظلم ولا تبالي  لا ترحم دموع تتوسلك تدعي المثاليه وأنت ما أجهلك سلطانك على جسدي كرهته وحزن أيامي معاك كأس شربته حاولت كتير معاك أغيرك  أفعالك كانت تطلب مني أخسرك بدعيلك من قلب حزين  تدوق بعملك مُر السنين وعدتني تكون أهلي و سندي وعدتك وكنت معاك على وعدي سعادتك كانت في خنوعي ما رحمت مره بقسوتك دموعي #قولي_ليه كنت ليك وطن بر و أمان يا خساره لأقيتك بقايا إنسان أشبع من عذابي في سجنك ضمني أوي لكن روحي بره حضنك كل إللي ليك فيا خسرته والقلب اللي كان بين إيديك كسرته #بدعيلك_يهديك لكن بعيد عني أرجوك خلاص كل حلمي من الدنيا مناص أهرب حتى لو بروحي لجزيرة فيها ساكنه روحي جف بينا كل إحساس كان سطر واحد بينا  مكتوب في كراس مزقتها بقسوتك و انتهت قصتنا عايشه ميته معاك هي دي حياتنا هي دي حياتنا حسن سعيد إبراهيم نبض 💓  يكتبه 📝 جمهورية مصر العربيه حقوق النشر محفوظه تم التوثيق

#ماتحلموش لملم خرافك و العتاد صدق انهم علينا شداد خد كمان من كلبك مداد نادي و قول فيهم ياولاد راح نعيد توسعات الأجداد واللي ف طريقنا خير الأجناد حاول تشد عزمهم علينا قولهم  ما يصدقوا نبينا الشهاده دم بيجري فينا واللي عقله يفكر غازي يجينا ترميه سواعدنا تحت رجلينا وقت الجد مافيش محمد و مينا يا #خاروفان  ولادنا وحوش أشبالهم أسود مايخافوش و غوصاتنا تحت سيطرتنا ما بيتوهوش صقور جَونا من دفاعاتك أبدا ما يهابوش هات سفنك و لا خليها رجالنا مابيناموش وقت الجد ولادنا من غير نصر مابيرجعوش عشان كده أنت و كلابك بهزيمتنا ما تحلموش حسن سعيد إبراهيم نبض 💓  يكتبه 📝 جمهورية مصر العربيه حقوق النشر محفوظه تم التوثيق #أيكادولي

    #عيش  #معايا تسمح لي بالرقصه دي هات أيدك ف أيدي ولامس بروحك وريدي أيوه كده ميل معايا ميل وخلي الشوق لينا دليل القمر لينا سهران والجو جميل ضمني قربني ليك كمان صاحب خطوتي على الكمان أروي لهفة قلبي العطشان أيوه خلي عينيك في عينيه عيش معايا عمر في لحظه هنيه فكرني بهمس زمان و الملاغيه خلي أيدي على كتفك تقربك مني وأنت بحنانك في حدودك سكني بحبك و عاشقه من صُغر سني شايف الناس علينا بيتهامسوا شاغلين بالهم بينا بيتغامزوا إللي يهمس واللي يشاور بيتلَمزوا  خليك معايا هنا ماتِشرُدش معاهم أسكن قلبي و سمايا وابعد عن سماهم خَدنا أيه منهم لما كُنا نُطلب رِضاهم حسن سعيد إبراهيم نبض 💓  يكتبه 📝 جمهورية مصر العربيه حقوق النشر محفوظه تم التوثيق #أيكادولي

#بأيدينا #أيه لسه الدمع ساكن خدك والوجع في القلب نبضك اللي فات علينا ايام ولا سنين صدقيني بكى قلبي زي قلبك لكن قولي بأيدينا أيه دموعنا ترجعه نبضي ليك نفسي الدنيا كلها تسمعه الحزن إللي عشناه قدر للقلب و العين حُبنا رغم قسوتهم ماقدر حد يمنعه أمسحي دموعك و ارسمي عليها فرحه عيشي لحظة حب عروسه و طرحه مر من السنين عذاب و كمان أنين تعالي ننسى كل حزن ننسى دنيا جارحه لو بأيدي يا ريت بأيدي كنت هربت بيك و ارجع تاني بالزمن بعيوني أناديك أطلب من جديد ودك و اعشق بحنين كل لحظه تقربنا تاني و اتعلق فيك قولي لدموعك كده كفايه و لزمان ليه حُبنا البريئ رخص عندك و هان كُنا عود أخضر لسه للفرح مشتاقين مهما حاولوا يقلعوه لسه ف الوجدان حسن سعيد إبراهيم نبض 💓  يكتبه 📝 جمهورية مصر العربيه حقوق النشر محفوظه تم التوثيق #أيكادولي

#عشق #الروح مش عارفه أعيش معاك بأي عُمر أحزاني بيك نسيتها لكِنها أثر مُر و أيامي إللي أتمنيتها معاك قصص تِسُر كل مشاعري ليك أنت وحدك حتى و أنت بعيد عني لكن مني قريب أتوه وسط ناسي و ألاقيك بري و أماني أيدك رغم المسافات بشوق وحنان ضماني كنت بتخاف عليا حتى منك رغم أني يا عمري ساكنه ظنك يا عشق الروح يا روحي خدني ليك رجعني حضنك أمسح سنين البعد و الغياب رجع لنا بِحُبك سنين الشباب وتعالى تعالى ضمني من غير عتاب خايفه مش عارفه ليه أصرخ و أقول بحبك بس أنت حاسس أوي إن شوقي و لهفتي  أبعد من خيالك  أبعد من أن قلبي منك يرتوي جفاف روحي محتاجلك يناديك تعالى قرب منايا من قلبي أرويك خدني ليك كمان كمان محتاجه أعيش دقايق بين إيديك حسن سعيد إبراهيم نبض 💓  يكتبه 📝 جمهورية مصر العربيه حقوق النشر محفوظه تم التوثيق #أيكادولي

#بين #الوجدان آااه و اتقابلنا و اتحقق حلم روحنا و الزمن حس بجروحنا كفايه يا دمع العين أحزان خلينا نعيش إللي باقي لينا حتى لو بين الوجدان بكت كتير عينينا أبتسم بقئ يا زماااااان سنين علينا و فاتت حلمنا فيها أبدا ما مات كُنا عايشين ع الذكريات على حرف و كلمه بينا على إحساس في أُغنيات باقي أيه من عمرنا و راح تحسبه باليوم و لا الساعات يمكن تعادل سنين الفرح ب لدمعاات سيبنا نعيش العمر كله إللي جاي و اللي فات في سلام كفوف أو لُقا النظرات كفايه جراح قلبنا لسه بيحلم كُنا صغار و كِبر معانا حلمنا عِشنا كل الأعمار و الجراح كل شئ مننا راح و اللي باقي من حلمنا لحظه تضمنا ننسى الحزن فيها بالافراح حسن سعيد إبراهيم نبض 💓  يكتبه 📝 جمهورية مصر العربيه حقوق النشر محفوظه تم التوثيق

#لسه #فاكر ياه يا زمن بعد كام سنه جمعتنا راجعه بتسألني لسه فاكرني إسألي قلبك أولا  إزاي قدر يسألني أيوه فاكرك و مانسيتك بين النبضه و التانيه أنا اتمنيتك و بين اللحظه و التانيه أنا استنيتك بكل حروف الشوق  في كلماتي ناديتك في كل مكان معايا مره هنا مره هناك ذكرى تمر ببالي أقف و احكي معاك أغنيه كتبنا بيت منها ولا خطوة رجلينا ماشتها ولا تاريخ له معنى فينا يمكن ذكراه في غربتنا تدفينا أيوه فاكرك و لا نستكيش ياللي حُبك لسه جوايا بيعيش عن حُبك يا ريت ما تسأليش خليني عايش حلمي إنك كمان فكراني و لا بتنسيش حسن سعيد إبراهيم نبض 💓  يكتبه 📝 جمهورية مصر العربيه حقوق النشر محفوظه تم التوثيق #ايكادولي