الشاعر حسن سعيد

كان حلم هناك أيوه هنا كنا وحدنا أنا وهي و الخيل رَّكبنا كل الحكايه  رمل و موج شط و شوق ولا حد معانا  في حلمنا قربت من حصنها رسمت ليها الدنيا ورديه قالت من البدايه  خاف عليه عايزه روحك بين حروفك أما السطور  هاديلك رموش عينيه وافقتها خطوة مني خطوة منها دخلت حصنها دنيا تانيه الكلمه  تكملي حروفها قبل نُطقها فهماني و أنا كمان فهمتها قالت عرش الجزيرة وحدي قلتلها ده منايا و عهدي موج بحرنا صاحبناه على الرمل أتنين و إحنا وياه بهمس وشوق داعبتها قالت حدودي وحدك ملكتها قربت من قطر الشفاه شربتها قالت هاتعطش بعدها؟ طعم غيرك حرام جاوبتها عيونها لمعت و روحها رقصت أطلقت شعرها قالت تعالى هنا أخبيك و من روحك أنا هاحميك لو ماقدرتش منها أداويك أكيد هاستحق جرحها على نبضاتي نامي يا غزوة روحي و سلامي حصونك خلاص ملكتها حسن سعيد إبراهيم نبض 💓  يكتبه 📝 جمهورية مصر العربيه حقوق النشر محفوظه تم التوثيق

حب من رمال خدعني بُهرج ألوانك و زور كلامك غرر بي تَبسمُك خلف أنيابك نِداءات الهوا منك عزفٌ على الجراح كذبت وكنت ماهرا في ذلك اغريتني حتى خلف باب سِجنك وضعتني ياما قلت هابنيلك قصور  و ازرع بساتين  تحت اقدامك وعدتني و اخلفت  و كنت كذبا كثيرا حلفت ألا تجري دموعي و ها انا حبيسة حطام بيتك داخل قصر رِمالك المُتهالِك و رأيت في جدرانه كل المهالِك اذهب عني لا اريدك فإلي النسيان مألُك حسن سعيد إبراهيم نبض 💓  يكتبه 📝 جمهورية مصر العربيه حقوق النشر محفوظه تم التوثيق

إعتذار لكن إعتذار لمين لروحك و لا روحي و لا روحنا إحنا الإتنين لإحساسك و لا إحساسي ولا إحساسنا إحنا الاتنين شهريار و شهرزاده غابوا عن زمنهم فرحانين و اتقابلوا هناك بعيد عن الهمس  وعن نظرات العين ليهم عالم تاني وحدهم دنيا ليهم مش ضدهم حلم بيها معاه  عاشت حلمه وياه و روحهم هناك واحده و الجسد جسدين نبضة قلبه تحيها  ونظرتها كانت تكفيه رمل الهوا فرشهم وشعرها ليل يسترهم و القمر شاهد على الإتنين غابوا عن وعيهم دابو سوا حبيبين ولا عاشق في زمنهم أدهم و ف لحظه برق و رعد  و ريح صفعت خدهم و رعب سكن حضن كان بيضمهم غابت البسمه عن شهريار عقله الراسي طار قلبه كمان اتصدم و الحلم الجميل في لحظه اتهدم و عادت الأرواح حزينه تسكن أجساد مظلومه بكت النجوم معاهم والدمع سكن الخدين سحاب السما غابت ضحكته والقمر طفى شمعته و غابت شمسهم يومين حتى زهور حبهم جفت في طريقهم على الجانبين يا روح الروح تعالي امسح دمعتك و تريحي حالي افرشلك رمشي تحت خطاك و شعرك ستري و شالي فديتك انا بروحي  ويرخصلك كل غالي حسن سعيد إبراهيم نبض 💓  يكتبه 📝 جمهورية مصر العربيه حقوق النشر محفوظه تم التوثيق

انا الند و الضد و أد و انا السد أنا الند لكل من حاول يكسرني او يثنيني و انا الضد لكل ندل في صورته يلاقيني وانا أد الحياه ماشي ولا همومها تطويني و انا السد عن روحي لموجه تحتها ترميني حسن سعيد إبراهيم نبض 💓  يكتبه 📝 جمهورية مصر العربيه حقوق النشر محفوظه تم التوثيق

ولا أيه ماتيجي نشاركهم تارهم مالي وجعنا هو وجعهم ولا انت شايف أيه يالا أيدك مع أيدي فك قيدك و قيدي مستني حاجه ولا أيه أبني سألني هو الخنوع ليه بصراحه خوفت أرد عليه عندي حق ولا أيه عزمك و عزمي للجهاد وصية من رسول العباد هاتعمل بيها ولا أيه سلاحنا إيمان مش عتاد و كلام نلملم بعض لا وقت عتاب و ملام بالاعتصام نقدر عليه حبل واحد رباط يجمعنا في وحدتنا الكل يسمعنا وجرحنا يالا سوا نداويه حسن سعيد إبراهيم نبض 💓  يكتبه 📝 جمهورية مصر العربيه حقوق النشر محفوظه تم التوثيق

عشق لا يموت معها انا حُرٌ طليق كطفلٍ مَرِح يلهو في متسع الطريق لا شيء يقيدني معها فهي الونيسة و الرفيق تحملتني سابقا في ظلمها والأن تخفض قسمها و المواثيق قالت ستمزق قلبي بيديها لكنها عند رؤياي هدأ فيها الحريق توددت لها كطفلٍ عابث يأتي نحوها رسمت تجهمها مني و انها لا تلين قائلة استفيق انسيت ما كان منك  من ظلم و جراح لا شفاء منها أم أنك بغير وعي في دربك تتبع قمرا بلا بريق يا أيها العاشق لدُميتك ترحل و تعود إليها هلا من غفوتك ترى الدرب الحقيق وقفت في محرابها شاخصا لا رد و لا عذرلي أمامها غير أني كعادتي أنتظر منها الزفير و الشهيق تعلم رغم حزنها حالي في غيابي عن رِحالها و أنني هنا منتظر يدها تنقذني من بئر سحيق حسن سعيد إبراهيم نبض 💓  يكتبه 📝 جمهورية مصر العربيه حقوق النشر محفوظه تم التوثيق

من وحي الصوره كفنوني و روحوا انتم افرحوا ليه بتبكوا بعد ما كنتم بتجرحوا ايام طفولتي معاكم قتلتوها و فرحة امي بيا دبحتوها اخدتوا منها ابنها الوحيد وهاتوا انتم لبس جديد و قبل دفنتي روحوا عيدوا و اخواتي العرب بيصقفوا للعدو ماكنتش عايز لبس منكم  ولا عيديه ولا تصبني غدر طلقة مدفعيه كنت عايز أكمل حلم صغير واشوف حمام السلام بيطير لكن أمر الله ما عنه  أحيد اني أكون ليلة العيد شهيد حسن سعيد إبراهيم نبض 💓  يكتبه 📝 جمهورية مصر العربيه حقوق النشر محفوظه تم التوثيق

لسه بنقرب    اميرة الألف سنه و سنه شهريار و شهرزاد حكايتهم عاشت معاهم أبعد من حلم ساكنهم رغم جراح الفراق بينهم لكن الحب مالي قلوبهم دارت الأيام عكس حلمهم و كل قلب خد طريق في هموم الحياه غريق دموع و آهات و خداع رفيق اتساع حياتهم كان بيضيق لا حد حاسس و لا حتى صديق وبعد العمر ما فات و السنين جمعهم قلب يبحث عن حنين و اتقابلوا بعد جراح و دموع عينين لكن حاجز لسه مانع يقرب الإتنين حتى كفوفهم تحلم بتلامس صُباعين يسألها فاكره ترد فاكره اول حرفين بين آهات شوقهم يسألوا الزمن مش كفايه كده دفعنا كامل التمن فاضل أيه تاني ولأمته نعيش وهن يا عمر راح بُكى وجراح  و ايام عدت علينا بلا افراح فاضل ايه عمرنا مننا استباح ناوي ايه معانا يا زمن هاتضمنا ولا هاتزيد وجعنا و كمان جرحنا يا ريت قبل الفرح ما ياخدنا تقولنا لو مكتوب تاني فراق و نتغرب بلاش تخلينا من بعض نقرب مع بعض ما يصحش نجرب ده احنا اتنين لبعض أرواحهم مكتوبه لكن لقاء عيونهم مستحيل لو معصوبه و قلوبهم على حالهم راضيه مغصوبه ولسه حكايتنا مش عارفين آخرتها طول العمر استنتني و انا استنتها لكن محدش عارف ايه نهايتها حسن سعيد إبراهيم نبض 💓...

دموع على جزيرتنا 2 كان حلم بسيط يضمنا كوخ صغير على شط بحرنا رمله يضحك تحت خطوتنا و اشجاره ترقص معانا و نسيم يلامس خدودنا و موج ابعد من حدودنا فرشتها حضني و فرشتي منها وقت الريح قلبي نبضه يطمنها شطي و سكني في عيونها  و انا ليها أهلها و كمان ناسها في الليل نار الشوق تولعها و في النهار بحر الغرام يزيدها لكن حلمنا ايه جراله كل واحد راح لحاله مين قتل الحلم فينا اتبدل الفرح لدموع عينينا نلوم مين الزمن يا ترى ولا نلوم بعض ع اللي جرى ايدك و ايدي لبعض مشتاقين حتى لو في العلن رافضين تعالى نضحك على روحنا و نكدب كمان على جروحنا ونقول اننا كده في سعاده و وقت البكاء نضحك بزياده و خلي اللي قي قلبك مداريه و خلي اللي في قلبي انا اولى بيه حسن سعيد إبراهيم نبض 💓  يكتبه 📝 جمهورية مصر العربيه حقوق النشر محفوظه تم التوثيق

#خطاوي الدنيا خطاوي بنمشيه سكه ولا بنختارها لكن مغصوبه الخطوة تمشيها و طريق طويل مكتوب علينا أيه أخرته يا ريت نعرف لكن الدمعه ساكنه عينينا خطوة تباعد بينا و خطوة تقربنا لكن تبعدك عن أحباب وتقربك من أغراب هو ده حال سكتنا و دي بداية خطوتنا نتغرب عن ناس قريبين و نقرب من ناس تانين نرسم ضحكه و القلب أنين إحساس بالخطوة الجايه إننا عن روحنا ليه تايهين خطوة تانيه في حلمك بحضن يضم حلم السنين تلاقي أرضك و جذورك بين سكتين سكة تبعدك و سكه تقربك الأصل في الحكايه خطوتك هاتبدئها مع مين و لفين رايحين حسن سعيد إبراهيم نبض 💓  يكتبه 📝 جمهورية مصر العربيه حقوق النشر محفوظه تم التوثيق