صدقيني

#صدقيني

ياللي حبك على الجدران نقوش
القلب أللي حَبك حَب
قلبك ماخدعهوش
صدقيني الأخلاص بينا كتير
من الناس ماتعرفوش
أني أضحي بفرحي معاك
عشان ناس مايستهلوش

لكن هاقولك

خلي دايما عندك أمل و نوري
في الضلمه شمعه
تبكي هيا ولا تبكيش
يجري منها
ألف دمعه
أياك يوم تنسي وخليكي فاكره
ولنبض قلبي حاسه و سامعه
أنتي ذكرى ساكنه قلبي
مهما حاولوا  يجرحوه
أللي راح من عمري راح
مابين عذاب و بين جراح
واللي جاي عايشه في ذكرى
تجمعنا يوم الافراح
عيش وخلي قلبك يحلم
يوم تدينا الدنيا فترة سماح
تجمعنا مره بدون جراح
خلي قلبك على عهدك
وابعد بروحك عن النواح
عيش وخليني جنبك
ساكن حضنك ليل صباح
و إن يوم مَرٌت بِذكرى
أفتكر فَرحك معايا
وانسى طبعا الجراح
  أصل اللي حَب يوم
قلبه حُب و براح
قلبه دايما حُب و براح

حسن سعيد ابراهيم
#أيكادولي