الشاعر حسن سعيد

بحبك اه و وحشاني لكن مش هاقولهالك يا تعباني حبك جوايا ساكن ونبضك في كل الأماكن لكن عيونك نسياني شايفك في كل فجر جديد و ضحكة طفل وليد و قمر عني شريد لكن مش هاقولهالك مشتاق لنظرة عيونك لعتاب يمحي ظنونك و ضمة روح تداوي شجونك لكن مش هاقولهالك كان لازم أنتِ تحسيها يوصل لقلبك معانيها قلبي بيصرخ ناديها لكن مش هاقولهالك عارفه و انتي أكيد حاسه لكن مستنيه أيه تاني عارفه ان في غيابك كل حروفي بتعاني مش هاقولك إنك وحشاني لأنك غايبه عن عيني لكن في قلبي سكناني في كل خطوة يا حبيبتي حاسس بروحك ضماني هاقولهالك بعيوني لما عيونك يزوروني غير كده مش هاقولهالك حسن سعيد إبراهيم نبض 💓  يكتبه 📝 جمهورية مصر العربيه حقوق النشر محفوظه تم التوثيق

وحي عيونها بنت بريئه بس جريئه عيونها بحور مالهاش شط شعرها ليل خد جميل قلبي عليها اتشال و اتحط لا لا من الاول تاني بنت غريبه بس عجيبه تسكن قلبك في ثواني روحها جميله بسمتها أصليه بسهم عيونها شداني نقول و نحكي كمان مره بنت ست البنات كتبوا عنها حكايات قلبها لسه صغير حنون عمرها لسه شبابي ورد شفايفها سر عذابي حضنها يكفي عن الظنون حسن سعيد إبراهيم نبض 💓  يكتبه 📝 جمهورية مصر العربيه حقوق النشر محفوظه تم التوثيق

وحيده لكن في عمق عيونها جراح رغم ان ليها قلب براح و ابتسامة خد سماح كفها أخضر بستاني رغم ضحكتها بتعاني كل حروفها ذات معاني لها وجه بريئ طفولي بسام و روح طايره بجناح حمام كل حلمها تعيش بسلام عمرها راح تضحيه لغيرها حلمها في حياه تجملها فرحة عمرها تكملها عايشه بين حروفها قصة جميله رغم إن ظروفها وحيده عليله لكن خطوتها كسيدة نبيلة حسن سعيد إبراهيم نبض 💓  يكتبه 📝 جمهورية مصر العربيه حقوق النشر محفوظه تم التوثيق

#أغويتني أغويتني بزيف خصالك بهرتني مسلوبة الإرادة سحرتني من الاختيارات قد حرمتني داويت جراحك و أنت ألمتني طرقت بابي دون أذني لكنك عَلِمت مفتاحه اويتك بحضني في سقيعك لكنك جرحته وريدي الذي كنت ساكنه بغدرك قد ذبحته ليتك عشت بقناعك دور العاشق المتيم بارع أنت قد اتقنته لكن لا لوم عليك و لا عتاب هي غابة يسود فيها الناب لا مكان للعواطف إنها سراب أذهب وانتظر دورك في قانون الغاب. حسن سعيد إبراهيم نبض 💓  يكتبه 📝 جمهورية مصر العربيه حقوق النشر محفوظه تم التوثيق

فراشة بين الحروف حلقت حتى عنانها أبدعت في وصف فيض حنانها و استفاضت في جماليات من سكن قلبها يا ليت شعري في ركن من قصيدها كتبت و عيون الحيارى تقرأ ويحها من ناظريها ومن غَبط حُسادها لها في العشق باع ما أستطاع أحدٌ كبح جِماحِها لها في دواوين العِشق علاماتٌ مِثل أهرامِها من هذا الذي إن أراد اّلِحاق بِرَّكبِها ألهب ظهور الأقلام حتى تقصفت سُنونِها ويحهُ و ويح كل مغرور أن حاول عبور أسوارِها فقد لُبهُ و روحه و وهن نبضه إن خطا أرضِها في جُعبة حروفها سهام تصوبها نحو أهدافها إن رأت منك جميلا سمحت لك بصدها و إن رأت فيك زميمٌ اتقنت فيك رميها قليلا من تسمح له برشفة من نهرها فإن دنوت منها لا تأمن حتى تبسط رداءها و إن أنصتت ممعنتً تجدها أغمضت جفنها تعلن لك أنك قد نولت منها رضا قلبها  حسن سعيد إبراهيم نبض 💓  يكتبه 📝 جمهورية مصر العربيه حقوق النشر محفوظه تم التوثيق

     قد رحلوا يا ناقر الناقوس بربك دُلني أصابني الهوا و قد أزلني رحيلهم عني مصاب قد أهمني بين فك هَمٍ و حُزنٌ قد ضمني ارهقني السعيُ خلف من هجرني هل مرو بساحتك حين ناديتني أم هو عطفك على عاشق مجروح فداويتني رد بالله فأن صمتك بعد موتي قد قتلني حسن سعيد إبراهيم نبض 💓  يكتبه 📝 جمهورية مصر العربيه حقوق النشر محفوظه تم التوثيق

ذكريات راحلة هنا في مكان كان يجمعنا كثيرا ضحكنا و ايضا بكينا مرت بنا السنين حُبا و حنانا و غردنا مثل الطيور فوق الأغصانا كتبنا عن العشق قصة و ديوانا منذ رحيلك و الدموع تنهمر فيضانا اعيش على عهدنا مخلصة الوجدانا انتظرك في وحدتي كطيف إنسانا لم يبقى مني سوى همٌ و أحزانا كل من حولي لي صُمٌ و عُميانا لملمت الذكريات و قرأت عليها ترانيم و مداد قد جمعناه من عبق النسيم و كلمات كتبناها على جزيرة النعيم ننصت لشدوا الكلثومة و الرائعُ حليم نتعايش و نرتشف سويا كأس النديم اتذكر همسك في أُذناي فترتجف نبضاتي ولا تستقيم يذورني طيفك يسامرني و هو لي متحدث كليم رغم جرح البعاد لكن الله كان بي رؤف رحيم تبقى الذكريات دواء لقلبي الباكي عليك والسقيم لعل يوما نلتقي في غير زماننا في جنة العليم حسن سعيد إبراهيم نبض 💓  يكتبه 📝 جمهورية مصر العربيه حقوق النشر محفوظه تم التوثيق

حدائق الصبار في حدائق الصبار بين الأشواك و طعم المرار تفتحت زهرة نرجسيه الخصال لها لونها المعروف و عطرها الأخاذ. تجذب العيون بين الأشواك لكنها منيعة بينهم كأميرة بين حراس قصرها. كانت حبيبتي هكذا منذ رأيتها أول مرة أقف أمام بيتها ساعات و ساعات انتظر مرور الأيام حتى يحين يوم اجازتي و اذهب إلي قهوة أمام بيتها تطل من شرفتها استرق النظر إليها و هي تعلم بمجيئ و تسترق النظر إلي. كنا نهرب من حدائق الصبار كل سنة مرة في تاريخ نعلمه هو تاريخ أول لقاء بين عينينا. نذهب إلي مكان لازال للأن يحمل ذكرياتنا نسير مع بعضنا بضع خطوات و حولها من الأشواك ما يمنع اقترابي منها نجلس على نفس الكرسي و بيننا من الأشواك ما يمنع إطفاء الأشواق مر على هذا الحال عدة لقاءات و ما بين هذه اللقاءات و ما أراده القدر نذفت الروح كثيرا من الدمعات حسن سعيد إبراهيم نبض 💓  يكتبه 📝 جمهورية مصر العربيه حقوق النشر محفوظه تم التوثيق

دموع على رمال جزيرتنا رغم حصونها و قلاع شخصيتها و سياج في صفوف متتالية و أبواب قلبها ذات المتاريس العتيقة استطاع أن يلج إلي نبع حنانها و شلال يغرق العالم من حُبها و مشاعرها الدافئة. تناسيا فرق السنين بينهم لكنه بين يديها لم يشعر بذلك سَيّدَتهُ على عرشها كان الحاكم الآمر الناهي القاضي و الجلاد. رأت فيه لوحتها في ريعانها حين كانت ترسم فارسها الأول و الأخير وجدت فيه خصال تمنتها منذ الصغر من دفء المشاعر و الإحتواء و الرجولة في القرارات و المواقف تلاقت الشخصيات و الأرواح قبل لقاء العين و الجسد . خضعت له و سلمت له مفاتيح ممالكها سواء بيتها و أسرتها تناقشه في أمورهم و أيضا فيما عشقت و أحبت عملها الذي عوضها سنين طويله في حياتها من الحرمان قبل ظهوره. كانت تكتب و تحكي خواطر على السطور فقط كانت تعيشها بين الأحلام تارة في عيون الآخرين تارة أخرى بين كلمات غيرها فتتعايش وتكتب . حتى أخذها معه إلي جزيرته مملكته التي يهرب إليها حين يحب أن يخلوا بقلمه و قلبه . مَرِحا و لَهَا و تجاذبا الأحاديث حتى صارحها بما في قلبه نحوها كانت إجابتها له غير متوقعه صفعته بكلمات بسيطة صدمته و عنفته قائلة إتأخر...

هذا حالنا بين سطور أشعاري ساكنة  تتهادي فوق الحروف بخطوة ناعمة على نبضاتي تتراقص قدماك لاهية كالطفلة عابثة لا يشغلها سوى دميتها تلهوا و تلهوا ثم تلهوا ثم تتركها راحلة تشتاقها حينا  فتعود لمداعبتها  في دلال أنثى خجولة تتمايل كأغصان القمح تتباعد ثم تدنوا ثم تتباعد فتدنوا تلومني أنا لا تلوم رياح تقلب حالها تعاتبني تعاقبني رغم إن جذورها في حضني لكنها تعشق الجدال و عيش المحال تبعد عني خوفا علي وتعود خوفا علي تطعنني بأشواك الغياب وتعود تقذفني بسهام العتاب ملتني مرات هجرتني مرات لكنها تملكت في قلبي النبضات لن ألين بعد قسوتك لن يذوب جليدي  إلا بحضنك لن تسقط أسواري إلا بصراخ نبضك يناديني حبيبي هلا ضممت حبيبتك حسن سعيد إبراهيم نبض 💓  يكتبه 📝 جمهورية مصر العربيه حقوق النشر محفوظه تم التوثيق

#يارب ياما دقت ع الراس طبول الهم من صغرنا مصاحب خطاوينا و كتير روحنا و ياما جينا ولا سابنا وحدينا ولا الزمن و اللي عمله فينا ولا اشتكينا مر العمر مرار لكن بيمر محسوب علينا والفرح من بعيد يعدي  ما يهدي نواحينا عليه ياما نادينا رسايل بعتنا ما رد حتى بأسامينا ياهل الملامه و العتاب مالكم بالي فينا الفرح خاصمنا و الجرح دمعه مدفينا يا فرح الله غالب عليك خليك مجافينا حسن سعيد إبراهيم نبض 💓  يكتبه 📝 جمهورية مصر العربيه حقوق النشر محفوظه تم التوثيق

عيش إنسان ماذا لو تبلدت المشاعر فينا و فيك مات إحساسك بغيرك كل منا له بيئة محيطه من أسرة و زملاء و أشخاص قد يلتقي بهم يوميا في طريقه تراهم و تلاحظ على وجوههم ما بهم من مشاعر و أحاسيس حتى إنك من الممكن أن تشعر و تحس بحالتهم المزاجيه و تستشعر كيف كانت ليلته من تعابير وجهه و كيف أستيقظ لبداية يوم جديد. و هم كذلك من تعابير وجهك من الممكن بل من الأكيد أنهم يعلموا بما فيك من أحاسيس ومشاعر قد تعلن عنها ملامح وجهك العابث او المبتسم. لكن كيف حالنا لو ماتت تلك الحاسة فينا ان نشعر و نحس ببعضنا البعض  ماذا لو تحولنا لأجساد مصمته تأكل و تعمل و تتكاثر و تنام فقط. ماذا لو اخذتنا الدنيا من انسانيتنا و تعايش كلا منا لغرائزه فقط سواء الجنسيه أو غريزة البقاء على حساب الآخر أن نقتات على بقاياه كإنسان أسئلة كثيرة لكن إجابتها أصعب بكثير من أن نصل لحلها بصفه منفردة لكل منا تفكيره المحدود نحوها لكل منا رؤى خاصه ببيئته المحيطه. قبل هذه المرحله التبلد والا مبالاة يجب أن تعطي كل من حولك حقهم من شعورك بهم و إحساسك نحوهم. لأن هذه المرحله هي ملاذك وقت فقدان الشعور و الإحساس  يجب علينا إستغلال إ...

كرهتيني يا ريت كمان تنسيني هاتي ذكرياتي و احرقيها و الورود وسط الشوك أزرعيها و دمعه على خدك مني داريها قولي  خساره فيك إللي كان يا خاين و اكتبي عني ماستحقش قلبك وإني كمان ما كنتش بحبك ولا استاهل يرتبط إسمي باسمك فكري في كل لحظه كانت و إزاي عليا هانت حاولي تفتكري جراحي و انسي كل جميل و إزاي كنت السبب في جرحك العليل وأنك نسيتيني و لاقيتي مُخلص بديل عيشي كل أيامك من جديد لسه عمرك جاي أبتسمي و افرحي و انسي الجراح خدي خطوه و ابعدي عن هم راح و قولي كنت حزينه و القلب أرتاح ماتوعدنيش ولا أوعديني إنك تحاولي تنسيني فكري بس في نفسك تسعديها و أيام العذاب بالفرح بدليها و ليالي السعاده كمان تحيها عيشي لنفسك لحد تاني حاولي ما تعيشيش كله يهون على نفسك ما تهونيش كفايه إللي راح عمر تاني ما تضيعيش حسن سعيد إبراهيم نبض 💓  يكتبه 📝 جمهورية مصر العربيه حقوق النشر محفوظه تم التوثيق

خبيني فيك عاشقه الغرق في بحرك رغم خوفي من هجرك رمال أحلامك مالت بالقصور عشانك بعت أحلامي و نسيتها و دموعي كتير عنك خَبيتها تجرح و تفرح بعذابي مسرور لو تقولي ذنبي أيه معاك غير أني دايبه ف هواك وعشانك هاعدي بحور لو تخاف عليا منك فيك خبيني بحنانك غير حُزن مرسوم فعيني تعالى نروي أرض حُبنا بعد بور خدني معاك جواك خليني فيك أغرق كمان لحظات العشق من الزمن أسرق في دنيا هوانا يلا نطير زي الطيور قلبي ليك دار و حُبك دنيتي يا فرح العمر يا روحي و ضحكتي تسكن جنتي وانا ليك الصبايا الحور حسن سعيد إبراهيم نبض 💓  يكتبه 📝 جمهورية مصر العربيه حقوق النشر محفوظه تم التوثيق

أيكادولي ليكي نبضه شارده حابب أنا صوتها ونبضه تنادي حُب عايش من سنين وفيكي كام تنهيده تصرخ مع دمع العين لكن طبعك معاندا تلومي ولا تحكي ليه تجافي روحك قبل حُبك  دا إحنا روح ليها جسدين راجعي نفسك خاصمي عقلك و سيبي روحك لقلبك و النبضتين مهما كبرياءك ياخدك مني قولي خدنا من كبريائنا أيه  غير سنين عجاف وخدود عليها دمعتين راجعي نفسك فكري واقفه لوحدك ليه جاي عليك أنا بجري فاتح قلبي ليك و محني كمان الإيدين نفسي أضمك بينهم و ترتاح على صدري و اكتب على كفك كلمتين خوفك من إللي حواليك واخدك مني بلاش ظلم غيري ليك عليه تحاسبني أنا منك و أنت عارف إنك كمان النني طيب لمين راح تطمن لما من قلبك حارمني  حسن سعيد إبراهيم نبض 💓  يكتبه 📝 جمهورية مصر العربيه حقوق النشر محفوظه تم التوثيق #أيكادولي

حبس انفرادي شايف ذاتي سجن لروحي زي حبس انفرادي مفتاح السجن ف أيدي لكن عاشق حبس الروح بشرب دمعي و اعزف ألمي ويا جروح على خدي علامات تجري زي الأيام لا انا بحسب راح منها كام ولا مستني تتحقق أحلام وحالي عيني بيه تبوح كل اللي حواليك ظلام ليل و نبض عليل و سند طلع عويل يرقص و انت مدبوح قفلت باب الحبس  على نفسي وحدينا في سكون كل الحياة هنا و الكون تبكي ماشي تحزن وماله لكن تضحك ماهو مسموح في حبسك الانفرادي حسن سعيد إبراهيم نبض 💓  يكتبه 📝 جمهورية مصر العربيه حقوق النشر محفوظه تم التوثيق

أحوالنا                        يا وقتنا المسروق             يا عمرنا الجاري            امتى الدنيا تروق            بيعاني و انا شاري.           يا بكرا يا اللي جاي            حنن لحن الناي            قوله أمانه عليك           يجي يفرح حالي          و انت يا إمبارح         الغدر لساه ساكن            في كل الأماكن           رايح جاي جارح            و أيه حال اليوم           رضا و لا صبر          يمكن حاله غريب         لكنه مش هايدوم       طبعنا ليه كده محتار       مفيش حال يراضينا   ...

فاكرين لما كنا زمان لمه أهل و عشرة واللي بينا كان أصلي ماهواش قشرة كان كل حب بينا كان الرباط شديد  كان الفرح ساكن عينا اتباعدنا بفعل فاعل دبر و خطط كتير رسم بمكره أفاعل كنا صُحبه زيها مفيش أيد واحده يا خساره حصل أيه ما تسألنيش كلنا سيبنا روحنا لوسواس دخل مابينا حط نار فوق جروحنا كل واحد شايل شيله من الغلط حته تقيله وافقنا نهدم بالعناد جنة كانت لعيله كان زمان طبليه واحده عليها أصناف كتيره لأننا كنا في شارع تحس إنه عيله واحده امي و أمك كانوا أخوات نجِبلكم و تبعتك لينا من عند خالتك هات يا بني الي عاش بطوله عمره ما تهنى بحاله راح عمره و لا شاف جماله لما كنا لما كُنا في ياما والأحزان في ياما حسن سعيد إبراهيم نبض 💓  يكتبه 📝 جمهورية مصر العربيه حقوق النشر محفوظه تم التوثيق

لما يبقئ الحضن حيطه و اللي حواليك كدبه و ظيطه والي له مصلحه منك يقرب بكل حيله و نفوس حويطه يرسم لمصالحة خريطه لما ينولها جري يهرب و يقول علينا ناس عبيطه و إحنا معاهم أهل طيبه بكرا من كاسه يشرب لما تتدور الخلطبيطه مر من عمايله البظرميطه أكيد نفوس ولادكم راح تجرب كتفي ياما وكتير شالهم لما مال حالي اتعدل حالهم قالوا خلاص يالا بينا حضنكم ليهم فتحتوه شيلتوا هم عنهم أبيض ضميركم سواد كان ضميرهم فرحوا هما و حِزنا إحنا ليه وحدينا يا واكل قوت الغلابه لله دعوتهم شيل انت كمان مع شيلتك شيلتهم عينهم حركت دمعه فينا ياللي فاكر دي شطاره شيل عنهم ذنوبهم واكتب باسمك يوم الحساب سوء عملهم انت ناسي ان فيه رب لينا حسن سعيد إبراهيم نبض 💓  يكتبه 📝 جمهورية مصر العربيه حقوق النشر محفوظه تم التوثيق

حزين المداد كُسر السلاح حتى رصاصهُ مع القلم ناح أين الرجال الشُداد أين هم و قت النداء حين صاح حي على الصلاة حي على الكفاح قد بكت أراضينا والسواد وشاح كفانا نحيبٌ وهيا بنا نثور في فجرنا الذي لاح يا أمة نائمة أما لك من صباح أين العالِم في مصنعه و في الغيطان أين فأسُ فَلّاح استفيقوا بني أُمتى لا تطلبوا من أشبالكم سماح كيف بكم أسودها تنعيكم نسائكم نواح باكيات على عهدكم الذي ولا وراح ما إرِثكم الذي تركتموه غير إتباع بني السفاح أما لكم من قائدٍ يُلملمكم تحت راية حي على الفلاح حسن سعيد إبراهيم نبض 💓  يكتبه 📝 جمهورية مصر العربيه حقوق النشر محفوظه تم التوثيق

فاكرة فاكرة الصوره دي ولا فاكرة قولتي أيه معاها طيب أنا رديت بأيه كفايه أني فاكر و مش ناسي أني عايش لسه فيها إحساسي إحساس أنت ما تعرفهوش قالت كلام مش كلام كان نبض روح بدلت حالي لفرح بعد أنين و جروح حسيت إحساس أنت ماحسِتهوش من وقتها قلبي دايب في هواك روحي منين ما تروح ليك و معاك لكن قلبي يا خساره مرحمتهوش على ذكراها صدقيني أنا عايش غرامي وكل فجر أفتكرك و أبعت ليك سلامي سلامي ليك يا قاسي ليه ماتردهوش عهدك عَليه أنا باقي حُبي ليك و أشواقي ليه أنت ما صُنتهوش ناوي تغيب غيب غيابك أتعودت عليه و إن هجرتني أُهجر مش هاسألك ليه خُد جرحي معاك يا ريت ما تنساهوش حسن سعيد إبراهيم نبض 💓  يكتبه 📝 جمهورية مصر العربيه حقوق النشر محفوظه تم التوثيق

خليكي على ظنك قولي لنفسك خني كمان قولي باعني كل حجج الفراق قوليها بس واجهي نفسك و صدقيها و روحك بأفكارك راضيها لومي قلبك إزاي حبني راجعي روحك أمتى حضنه  ضمني كل كلامه كان كدب  قولي ولا مره إحساسه هزني ولا صدق مشاعره شدني و ما تنسيش كمان تقولي نظرة عينيه خاينه على كل إللي رايحه و جايه فكري نفسك بخيانتي و اتعلمي من غلطتك المرة الجايه ماتندميش اللي هجرك خسران باعك فامتشتريش بعمرك قلب خاين مايساويش عايزك شراع في وش ريح ياخد روحك لمكان بعيد يفرح قلبك بلا تجريح في بحر شوقك ما تقربيش لجزيرة شطها غير الأحزان مفيش في وحدتك مرتاحه في ذكرى ليا ما تفكريش خليكي على وعدك من ورا قلبك ما تسامحنيش حسن سعيد إبراهيم نبض 💓  يكتبه 📝 جمهورية مصر العربيه حقوق النشر محفوظه تم التوثيق