الشاعر حسن سعيد

مايستهلش بتعاتب قلبك ليه على سوء قراره ذنبك و ذنبه إيه تزيد مراره اللي حصل ده قدرك م البدايه وافقت على اختياره روحك و بتعاقبها ليه قلبك في ألمك حد حس بيه غيرك ظالم و عايش حياته صوت ألمك نغم بيرقص عليه لو تقولي راح فين شبابك والفرحه الي كانت على بابك طيب واللي باقي من عمرك كمان راح تضيعه في أحزان رغم غيرك سعيد بهجرك و بيحكي لناس أنه جرحك اللي باقي من نبضك  خليه لروحك و وبايديك داوي جروحك و بين سطورك احكي بوحك لكن ما تبكيش وجدد في الحياه طموحك حسن سعيد إبراهيم نبض 💓  يكتبه 📝 جمهورية مصر العربيه حقوق النشر محفوظه تم التوثيق

قلبُك الباكي يا قارئة القلوب مالذي أصابك في نبضك  بين النبضات دموع و آه في الحشى تسكنهُ هل خدعك قلبٌ أم أن قلبك عَجِزَ أن يقرأهُ تنسابُ الدِموع  بين سِطورك و الآه مدادُها تَلمِس كل قارئً حين يقرئُها فترى من يبكيها ومن يتوددها قلبك بستان لملم من الزهور ألف ربيع و استحالة قلب  كهذا في الظلام يضيع إن لم تمسحي دَمعُك فمن ذا يستطيع كوني لنفسك ترياق و انحري بفرحك كيد خائنً وضيع حسن سعيد إبراهيم نبض 💓  يكتبه 📝 جمهورية مصر العربيه حقوق النشر محفوظه تم التوثيق

أرح قلبي منك انتهينا خلاص كتبنا اخر سطر بينا لملم جراحك مني و خليك بعيد عني يمكن تعيش مرتاح واكتب على سطورك اني كنت ظالم وان عمرك معايا جراح لكن وانت بتكتب ما تنساش دورك الحزين في حياتي و اني نسيت معاك الأفراح  قول عني خاين  قول ظالم قول كداب بس  واجه نفسك في المرايا و قولي شايف ايه عيونك بتهرب من مواجهة روحك ليه انت ممكن تكدب عليا لكن هاتكدب على روحك بأيه  روح الله يسامحك كنت قربت مني ليه لما اللي بينا لعبه في ايديك ابعد عني الله يهديك حسن سعيد إبراهيم نبض 💓  يكتبه 📝 جمهورية مصر العربيه حقوق النشر محفوظه تم التوثيق

أيتها العابرة ايتها العابرة المكابرة قلبي ليس ساحتك ولا سبيل قنطرتك ايتها الناعمة الماكرة اتريدي المزيد من غضبي أم أكتب ما لك بقلبي وهبتك قلب يضُمك و كفٌ أحن عليك من دَمِك و بساطٌ تتهادي عليه في خطوك ولك المزيد كالطفلةِ أفعالك و اتحملك ملهوفٌ عليك دائما وانت لي ما أهملك اتناسى سوء فعلك و أمد إليك يدي بالمزيد أتيك و ذراعيا بإتساع السموات و حضني لك بساتين يأتيني ردك بالظنون و تشعلي النار بالوتين و مازال لك المزيد صرحك في قلبي لامس السحاب لكن حروفك تهدمهُ و حلمي بِك تقتلهُ اما لقلبك عليك نهيٌ ألا تطيعي أمرهُ كفى ليس هناك مزيد هيا اعبري أرض الكذب و الزور الي أرض من نسجك طرحها الغرور و ارفعي بيننا ألف ألف سور و سأنحِت بيننا في الصخرِ بحور نبضي الذي يُناديك سأُصمتهُ و الحنين اليك سأُسكتهُ ولهفتي عليك انتهت والوصل بيننا قطعتهُ قطعتهُ حسن سعيد إبراهيم نبض 💓  يكتبه 📝 جمهورية مصر العربيه حقوق النشر محفوظه تم التوثيق

وحشتيني ايوه مانكرشي انك وحشتيني لكن و بدون مجامله تعبت منك و احترت فيك و حيرني طبعك غلبت فيك ادادي و اطبطب عليك رغم جرحي عايش معاك في حيره نفسي اعرف ايه يرضيك يا حبيبي بالله عليك تهدى  هو العمر فاضل فيه ايه عمري قبلك محسوب عليا مَر ولا حسيت انه عمري كل حاجه في بتجري إلا حُزني ساكني ليل نهار  ولما جتني و كنت ليك اختيار ليه تفرح بحيرتي و ينكتب عليا مُر الانتظار لو سعيد بحالنا كده خليك بس وحياة كلمه حلوه لو مره انت غلط وقلتها سيب ذكرياتنا على حالها ماتحولش تهدها حسن سعيد إبراهيم نبض 💓  يكتبه 📝 جمهورية مصر العربيه حقوق النشر محفوظه تم التوثيق

نغمات الحياة الحياة مقطوعة موسيقيه نغمات متجمعه فيها ضحكه مخنوقه و دمعه مسمعه انت ايه فيها نغم ولاحالتك نشاذ كل اللي على سلمها ماشي و التزم اكيد فاز يا لحن البشر كفايه دق على روسنا توهنا سنين في عزفك والهم سكن قلوبنا حاولنا كتير ننسى و عن الظنون توبنا لكن لسه صوتكم بيقتل الحب في صوتنا اعزف لوحدك لحن روحك وخلي عزفنا لروحنا حسن سعيد إبراهيم نبض 💓  يكتبه 📝 جمهورية مصر العربيه حقوق النشر محفوظه تم التوثيق

اووو اووو اوووو اووووهه الاهلي دا جمهوريه بين الشعوب دوله ااااا معروف في كل زماااان و في اي بطوله إحنا عتاوله جماهيرك دايما معاااك خد طريقك ماتبصش  وراك اللي تحتك سيبك منه صغير ماتكبرش منه اووو اوووو اووووو اوووو القاضيه دي بطوله اااا اللي زيك ما يعرفهاش والبرونزيه كمااان اللي اسس فينا الرجوله هو حب الكياااان يا جاي دايما ورايا بتجري زي الجعاااااان حلمي دايما بعيد عليك لاني عايش كاسر عينيك دلوقتي و ف كل زماااااان اوووه اووووه اووووه اوووه حسن سعيد إبراهيم نبض 💓  يكتبه 📝 جمهورية مصر العربيه حقوق النشر محفوظه تم التوثيق

 عمر الدفى ما كان غطى الدفى لمة جميله حواليك حِجر امك ولا جدتك تداديك و ابوك متابعك في فرحك و جواه محبه و خوف عليك كانت اللمه لو في ضلمه المحبه كانت ليها نور كانت نفوسنا جميله  مش ارض بور كان زمان النور من القلوب الطيبه لو في عتمة الحوجه لكن في سرور ليه قلوبنا بدلت الجنه قبور يا روح جميله راضيه زيد من الحمد و خليك شَكور ده بعد العسر يسر يعني بعد العتمة نور حسن سعيد إبراهيم نبض 💓  يكتبه 📝 جمهورية مصر العربيه حقوق النشر محفوظه تم التوثيق

أهل بلدي في وشوش ولادها صفات تعرف هما اصلا منين مكتوب عليهم الصبر و السُكات و العقل في حالة طحين اللي ساكن وشه دمعه واللي ضحكات فيها اللي تايه ما يعرف عناوين رغم الهموم ناسها طيبين و طيبات رغم الألم و الأنين فيهم حنين خبط مره على باب تلاقي كرامات يضايفوك و يباتوا هما جاعنين ولا جرب تحتاج واحد تلاقي ألوفات وقت الشدة ماتعرف من فين جايين اهل بلدي و انا عاجز وصفهم بالكلمات محتاج بحور مداد وشجر الاراضين يا رب ادعوك يا واسع الرحمات تحفظ مصر  للمصريين حسن سعيد إبراهيم نبض 💓  يكتبه 📝 جمهورية مصر العربيه حقوق النشر محفوظه تم التوثيق

عزيزة عرشي فضلا سيدتي و ليس أمرا  ان تتولي خزائن النبضِ و ان تلملمي تلابيب روحي قَلمي في ربوعي كل الاشواكِ و أعلني للعالم حولي أن لي من الحُراسِ إمرأة بالف ملاك ضحت و تفانت في حماية مملكتي قد خاب ظني في وجودهم لسعادتي و طالت سنين عجافي أيا امراة أخرجتني من جُب أحزاني و حررت روحي من خلف القضبانِ سيدتي اعلنت لك استسلامي و ولائي حتى وان راودتني نفسي  سأعصيها و اطيعك عزيزة عرشي. حسن سعيد إبراهيم نبض 💓  يكتبه 📝 جمهورية مصر العربيه حقوق النشر محفوظه تم التوثيق

جرب العناد عايز تجرب العناد عاند و انا معاك عنادني بس خليك فاكر كلامي و اياك تشتكي و تلومني كتير كلمتك و كنت اداديك و اطلب ودك و ادعي من قلبي ان ربنا لحالي يهديك لكن اقول أيه  وانت معذبني غاوي بعاد و عناد و كمان جفا تبكي و تشكي و تسأل عن لحظة صفا طيب قولي تيجي منين وانت منك بتحرمني راح اطوعك و اعاند فيك واعمل زيك و اقسى عليك و اداري حزني على حالنا حتى لو جت عيونك ف عيوني هاتبسم و اعيش اني سعيد بحالي و لا بيك اتشغل و لا اشغل بالي يا روح الروح و كل موالي اهدى يا جميل و خالف ظنوني حسن سعيد إبراهيم نبض 💓  يكتبه 📝 جمهورية مصر العربيه حقوق النشر محفوظه تم التوثيق

قاسية  لا يلين قلبها تبكي و هي الجارحة وتشتكي ظلما حرمانها كثيرا ما أُناجيها لعلي يوم اسعد بدفء بحنانها مُبتلا انا في العشقِ تمنع عني صوت نبضها تجافيني و تريدني عطوف أين  العدل في افعالها تطلب مني السُقيا و تحرم قلبي ري نهرها تعلم مدى لوعتي و الحنين تتدلل و تزيد في دلالها هل يحق لها مخاصمتي ام يحق لي ان أقسوا في عذابها اشتاقها و تشتاقني دائما  ألين لها رغم تشددها تتلذذ هي برؤياي و تحجب عني طلة وجهها  أبداً لن يرق قلبي سأتحمل بأنين بكائها سأنتظر رغم أني المعذب حتى تُعلن استسلامها حسن سعيد إبراهيم نبض 💓  يكتبه 📝 جمهورية مصر العربيه حقوق النشر محفوظه تم التوثيق

      مليكتي في الحرملك كلهن شبيهات من قربتها من عرشي و من أهملتها دون اللتفات يتمايلن و يتعطرن الفتايات يتزين بالحُلي و بأقل  الثياب ويضعن الألوان تلك المتعطرات من تُسبل شعرها كالشلالات ومن تكتفي به على الأعناق ومنهن من تغزله ضَفيرات تتلون كل واحدة ببعض الصفات تختار ما تظنه يجذبني ولا تدري أنني عاشق لنبضات يا حاجب العرش أبلغهن بالتعليمات وجودكن وحيٌ للقصائد و القصص لكن لقلبي مليكة هي فوق الملكات تراها روحي من دون  نظرات تلمسها أناملي و فرائِصي حتى و إن طالت بيننا المسافات هي بعيني كل الزهرات لا زهرة تُجذبني أغلقت من بعدها الحدقات حسن سعيد إبراهيم نبض 💓  يكتبه 📝 جمهورية مصر العربيه حقوق النشر محفوظه تم التوثيق

تنهيدة روح تنهيدة روحي تناديك بعد ما طال انتظاري ليك بعتلك و سألتك قولي يا حبيبي ايه يرضيك من هنا لهناك انا احترت حوالين مكان لقانا لفيت و دُرت يمكن تحن و لا تقولي مالك لكن الظاهر انك هجرت عش كان يوم زمان لينا يضم ضحكتنا في ليالينا فاكر ولا افكرك بعهد كان بينا منقوش بالجرح في قلوبنا وعدتني و اقسمت ما تسبنيش و ان قسوتك ما تبكنيش سبتني و بكتني يا ريتك زمان ما وعدتنيش و سمعت  لكلامك  صدقني انت ما حبتنيش رغم كل ده  لسه بستناك لسه بنادي روحك من هناك انا منك و انت مني مهما كان  مين وياك نبضك هو نبضي ولا تعشق الروح سواك لسه بتمناك حسن سعيد إبراهيم نبض 💓  يكتبه 📝 جمهورية مصر العربيه حقوق النشر محفوظه تم التوثيق

جالك قلب تشكيني يا شاكي هواي لمين أشكيك كتْبتُ سطوراً و قصائد تُناديك و في الغسقِ رسائلُ عِشق لعلها تُثنيك أهديتك قلبٌ و حضن دافء ألا يكفيك و نهر حُب جاري من نبعِ قلبي لعله يَرويك اتهجد في محرابك عاشقا لعل ذلك يُرضيك لكني لم أجدّ منك إلا دلال يرهقني ولا يُحليك دعوت ربي فجرا خاشعا تعود إلي فاتح بالشوق يديك ألا ترى حالي في نبضاتي مُعذب بالله أما يكفيك يا هاجر ضمتي لما الهجر كانت يوما تحتويك قُلي بالله ما الذي يرضيك و في عالمي يُبقيك اخلصت لك متفانيا و وهبتك روحا بها أفديك و تركت لك دليلا في ظُلمة الجفا لعله إلي يهديك نبضة من القلب تُضِئ لك ما بين قلبينا و من همومك تشفيك حسن سعيد إبراهيم نبض 💓  يكتبه 📝 جمهورية مصر العربيه حقوق النشر محفوظه تم التوثيق

غربة روح هي ليه انتهت الحكايه قبل البدايه ليه الحروف بتجري زي الدموع ع الخد تكتب سطور هموم حتى السطر مظلوم في الروايه كل نبضة آه بتصرخ ليه القصه ما بتكملش ليه مكتوب حلمنا مايتحققش و نصحى على مرار غنوايه يا قلب اتحمل من الآهات جبال ياكتف شال فوق حمل الرجال ياخطوة تاهت في صحراء الترحال فاضل لنا أيه غير يقولوا عنا جِمال محتاجه ضِلَاية حالي و حالك و حال مين كمان مين بدر بذور الحب طرح شوك كسى الأغصان مين مد ايديه لينا ينادينا و مين وقت الشدة فاتنا وحدينا و مين عليه العمر هان وشاف الجرح و عز عليه يداويه ما كفايه و لحد كده كتير اوي نبع جاري للكل و قلبي مارتوي ولاحد داوا جرحنا لكنه يكتوي جف القلب خلاص بينادي مين يرويه ما تلومش قلب كان ليك و ضحكته كانت تكمل لما يشوفها في عينيك ابعد خلاص الله يخليك لو كان الهجر وجرحك ليا يسعدك و يرضيك قلبي خلاص حضنك ما عاد يأويه حسن سعيد إبراهيم نبض 💓  يكتبه 📝 جمهورية مصر العربيه حقوق النشر محفوظه تم التوثيق

           ضحكتها عليها ضحكه ما سمعتهاش حتى تفاصيلها ما شوفتهاش لكن حروف ضحكتها عالم تاني ألاقي نفسي بَعِد الحروف مره و ارجع أعِد من تاني جميلة الملامح وجهها نور و عيونها ترسل موج بحور بِحُبها انا سلطان مغرور بصراحه ماصدقتهاش لما قالت بحبك يا بت انت مجنونه أيه ذنبك تعيشي معايا شباب غُلبك قالت قلبي و ما يريده هواك و ان طال العمر أتمناه وَياك انت قمري و انا كل سماك حسن سعيد إبراهيم نبض 💓  يكتبه 📝 جمهورية مصر العربيه حقوق النشر محفوظه تم التوثيق

قيد الاعتقال كبلتني العادات و التقاليد و بِر أشخاص قلوبهم لا تعرف غير الوعيد أقامت حواجز بيني و ذاتي حجبت عني روحي و قيدت نبضاتي آه  من قيد الوفا من قلبي لقلوب لا تعرف الصفا داويتها بجراحي و وهبتها رغم الدموع  أفراحي من انا لكل هذا غير طائر ضعيف الجناح لا يمل من التهجد و الصياح ربي لا تكلني لمتجبرٍ سفاح خارت قواي و لا تحملني أجنحتي و تثاقلت الدمعات حُزنا على مشاعر قد أبكتني مل الصبر من صبري فصبرا بكى القلم مدادا حُزنا على سطرا و لم يَعُد يستجيب العقل لي أمرَ فيا دنيا ارحمينا جفت من البكاء مأقينا و أبدا لا تقاعصنا و لا أهملنا حقً علينا حسن سعيد إبراهيم نبض 💓  يكتبه 📝 جمهورية مصر العربيه حقوق النشر محفوظه تم التوثيق

قلب يضمني يا قلب المحيط حضنك بيضمني لو من غير عناق تحتويني روحك سمايا و ارضي و عيونك كمان وطني غريق انا و الشط قلبك و كل المنى اللي باقي من عمري اعيشه جنبك لو خيروني  بينك و بين عيوني اختارك انت و أخالف فيك قوانين العشق و اكدب معاك ظنوني و اعيد العمر معاك من الطفوله و ارجع احبك من النظره الاولى و اقول لأيامك وحشتوني و اخدك على جناح الهوا لجزيرة من رسمك قلب و مكتوب فيه اسمك و تسمعني و اسمعك تدوب مني و ادوب من همسك يا للي بين الجفون حُسنك حسن سعيد إبراهيم نبض 💓  يكتبه 📝 جمهورية مصر العربيه حقوق النشر محفوظه تم التوثيق

في خيالي تمنيت لو راقصتها حتى لو بخيالي لكنها مثل احلام حياتي بعيدة لا تبالي تخيلتها يوما بين ذراعيا نتهادى تحت المطر و ان لنا جناحان نطير في السماء  و نعود لشجر لكنه الخيال يرفضه الواقع و القدر حبيبتي كيف تراقصني على الارض و هي ملاك سماوي لكنها تداعبني و اداعبها اغازلها و تغازلني اراقصها و تراقصني على السطور اعزف لها بنبضات قلبي و هي تغمرني بحنينها فتتراقص الخطى يهطل علينا المطر زخات و تخطوا اقدامنا فوق الآهات و لا ندري هل هو المطر ام بكاء السماء على عشق قد كُتب عليه العناء لكنه صادق الود و هي طُهرا و نقاء حسن سعيد إبراهيم نبض 💓  يكتبه 📝 جمهورية مصر العربيه حقوق النشر محفوظه تم التوثيق

كان لينا مكان كان لينا زمان مكان بيجمعنا في سعاده او ويا دموعنا لكنه في الاخر بيجمعنا  غاب اللي غاب و اختفى خلف الضباب لا قدم اعذار و لا اعتذار ولاحتى قال أسباب  و اتفرقنا خلاص عن بعض أغراب ياكرسي فين سُكانك يا قلب ليه فاضي مكانك يا موج البحر  هجروا شُطئانك و لسه عايشين على امل و انتظار بس لو نعرف كان و ليه و مين صاحب القرار يا ليل الحيارى و نهار  المظلومين الزمن دوار لو رساله من خلف البحار تجيني طيب عليك يا غايب هديني و لا طير رحال بين الشُطئان يواسيني لكن خلاص  ماتت الأحاسيس  و قامت بينا حدود و كمان متاريس لما سلمنا قلوبنا للهواجس و الوساويس كل اللي باقي ذكريات و شوية آهات وكمان معاهم صور منديه بالدمعات و حروف على سطور تكتب حُزن حداد بالكلمات حسن سعيد ابراهيم