أهل بلدي

أهل بلدي

في وشوش ولادها صفات

تعرف هما اصلا منين

مكتوب عليهم الصبر و السُكات

و العقل في حالة طحين

اللي ساكن وشه دمعه واللي ضحكات

فيها اللي تايه ما يعرف عناوين

رغم الهموم ناسها طيبين و طيبات

رغم الألم و الأنين فيهم حنين

خبط مره على باب تلاقي كرامات

يضايفوك و يباتوا هما جاعنين

ولا جرب تحتاج واحد تلاقي ألوفات

وقت الشدة ماتعرف من فين جايين

اهل بلدي و انا عاجز وصفهم بالكلمات

محتاج بحور مداد وشجر الاراضين

يا رب ادعوك يا واسع الرحمات

تحفظ مصر  للمصريين

حسن سعيد إبراهيم

نبض 💓  يكتبه 📝

جمهورية مصر العربيه

حقوق النشر محفوظه

تم التوثيق