الشاعر حسن سعيد

#تحيا_بينا #تحيا_لينا هو حالنا ده #غلطة منا ولا #خالطة منا اللي هايص واللي لايص واللي ضميره حي واللي من الطين عايص اللي بيديها ويفديها واللي بيحنيها وبيهدم فيها واحد مسهلاتي كل الأمور  و واحد يبني  أدام الحلم سور يالا غور على المرتشي ثور أصل الحكايه إحنا اللي ظالمنا مننا فينا غم في خلاط الهموم علم في القلوب والهدوم لكن مش هاتدوم طب يالا عن الحرام صوم وانت يالا شد حيلك قوم تعالى هات ايدك معايا نبني نعمر أزرع أرضي و تنور سمايا الحكايه فيها إنا منهم لله اللي كارهينا يفرحوا لحزننا ويسعدهم دمع عينا لكن تعالى نفكر  في الحل سوا ونعرف للجرح دوا مين مظلوم وبالظلم اتكوى ومين قتل حلم وبدم أخوه للخاين روى تعالوا نتلملم نتجمع نتكاتف  قولي إيه كمان تضمني واضمك أزيح عنك واشيل همك تبقى خالي وابقى عمك أو أبن خالي وأبن عمك نفهم أننا واحد ملايين لكن على قلب واحد نتعاهد يكون حلمنا واحد بلدنا بينا تحيا ولينا تحيا ماهي لو لغيرنا تحيا أحنا ليه نحيا كلماتي حسن سعيد مرسي تم الحفظ والتوثيق

رسالة الي نفسي نقطة فاصلة بيني وبين حالي من اول السطر دمعة بتجري توصف حزن و آه سكناني مرار ساكنها حير بالي روحي المتغربة بعد السلام والتحيه......  وحشتيني معقولة هان عليك حزني معقول الجفا منك انتي من غيرك انا طير مكسور الجناح يومي آه ونهاري ألم وسطري بكى عليه القلم ليلي بلا قمر والشمس مخاصمة الصباح قلبي يا غايب عن صدري نبضتك وحشاني تزلزلني عايشة بلا نبض شط بلا امواج حتى خطوتي تاهت مني وسط الطريق وحدي لكن معصوبة العين مقدر لي امشي.  أخيرا بجد وحشتوني في انتظاركم بلاش تنسوني بقلمي حسن سعيد مرسي تم الحفظ والتوثيق

عنها احكيلي يمكن بعيونك اشوفها شوفت عيونها السمرة ولا رموشها الخمرة طيب شوفت جبين القمرة ولا غصنها عود الشجرة توهت انا وخلاص روحت في خبر كان يعني سمعت منها تنهيدة ولا شوفت معاها دنيا جديدة ولا قربت ليك احلام بعيدة يمكن لامحتلك انها معاك سعيدة أنسى مش هادِلك ولا على حالي هاقولك م الأخر أبعد عنا انت شوية خليها في عيني من الجنة حورية ساكنة روح البنت العربية كل اللي بينا نبضات قلبية بقلمي حسن سعيد مرسي تم الحفظ والتوثيق

يوما ما سنلتقي في خيالك في خيالي أخطُر في بالك ولا تيجي على بالي هناك بعد نظرة عيني خلف البحر ولا مع غياب الشمس أهمس لك و تهمس لي يوما ما سنلتقي يمكن نتقابل على سطر ولا يجمعنا بيت شعر حرف منك حرف مني اكتب لك وانت تغني يناديك نبضي وتسمعني او تغمض عينك على صورتي جايز اكتب حرفك على ورده يضم الحرف دمعه شارده كتبت ع الخد يوما ما سنلتقي في الحياة خطوات كل طريق له خطوة غير التاني مين من البداية كان حنون ومين كان بطبعه اناني لكن في النهاية انتي مشتاقة وانتي اكيد وحشاني رغم اننا فيها عايشين لكن قلوبنا بتعاني على أمل إننا يوما ما سنلتقي بقلمي حسن سعيد مرسي تم الحفظ والتوثيق

رساله الي ابننا #وحش_الحدود اطمن و ارتاح قرير العين في غيرك من ولادنا كتير ملايين أسد على عرينك هاسميك يا ابن بار كتبت الجنة ليك و لوالديك سبحان من جعلك نور لهم في قلوبهم ربنا يحيك و سبعين من اهلك  جايين معاك للجنه في ايديك بارك الله في امثالك يا شهيد كام شهيد ع الارض ماشي و امهاتنا شايله كام وليد بيحلم بالشهادة في سبيل الدين و الوطن دي عقيدة ولاد جيشنا أكيد  اسمعوها مني بيقين حتى ولادك اللي منك زعلانين وقت الجد ع الحدود كلهم فدائين فدائي مصري حسن سعيد مرسي الجميع

رحله بين بوابتين  #اسمها_الحياة حياتنا بصفة عامة عبارة عن بوابتين بوابة دخول و اخرى للخروج بينهم طريق موصول.   في الطريق منحنايات و مطبات و بعض من الحُفر.  وانت ماشي بين البوابتين بتتعرف على ناس و يدخل معاك من نفس بوابتك ناس في نفس الاتجاه ماشين.  الناس اللي بتقابلهم ممكن من صفاتهم و خصالهم تغير طريقك حتى لا تجتمع بهم مرة أخرى الناس دي سهل تستغنى عنهم و تكمل مع غيرهم و تقابل غيرهم ممكن يسندوك و تحمد ربنا ان الطريق اتغير مساره بخطوتك.  اما الناس اللي داخلين معاك من نفس البوابه و في نفس اتجاهك ينقسموا صنفين صنف انت مسؤول عنه واجب عليك قيادتهم و تتحمل معهم كل همومهم حتى الوصول للبوابة الأخرى بسلام.  و الصنف التاني منهم المشوار مع بعض عادي ممكن يغيروا اتجاهم تلقائي حتى لا تُكمل معهم الطريق لأختلاف الروؤى و اختلاف التفكير مش شرط نكمل الطريق سوى.  لكن عارف الغريب اللي قابلك في حياتك على الطريق لما يوجعك مهما كان الجرح بيكون سهل تقابل اللي يداويه إنما جرح إللي مننا أو الإنفصال عنهم مهما كان الجرح في نظرهم سهل و بسيط و مايستهلش ده كله يا راجل الحزن بيقبى ...