الجزء الثاني رحله في وشوش مصريه

-..انا حاسس أن بيتنا بيتغير كتير في اليومين دول بابا بيروح معايا بالكتير الساعه 9نكون في البيت انا اذاكر وماما وبابا بيتكلموا واسمع ضحكهم وسعادة أمي بالدنيا والبيت عادت فيه روح الاسره
وكل ده حضرتك السبب فيه .
=..لا باباك خلف راجل وكمان تعبه ورزقه حلال عشان كده ربنا بارك فيك وحفظك ليهم فهمني محدش له فضل عليك غيرهم.
-..عمو حسن إمبارح في الباص الطلبه كانت بتتكلم عن الموقف إللي حصل عند البوفيه مع الواد مجدي
=..هو أسمه مجدي تصدق معرفش غير منك.
-.. هو حكى ألي حصل وقال عنك شخصيه غريبه لك تواصل ذهني مع اللي أدامك بتوصله رساله من غير كلام.
=..الواد ده شكله بكاش زيكم
-..المهم أني سمعته وسيبته خااالص وبعدين ناديته يقعد جنبي وعرفته حضرتك عملت معايا أيه وكلمته عن كلامي مع حضرتك ونتيجة الحوار بينا ومن نفسه طلب مني أحددله ميعاد في مكتب حضرتك قلتله عمو حسن مكتبه مفتوح للجميع من غير مواعيد
-..عمو حسن انت خليته عمو كمان
-..لما تخرج من عنده بعد ماتتكلم معاه قولي أنت هاتقوله لقب أيه.
=..يالا سلام كل واحد على طابور فصله
-..سلام يابابا
-..سلام ياعمو

=..ميعاد المدرسه في الفصول الساعه 7:30 بتمشى في المدرسه وطالبه لسه داخله من باب المدرسه تقريبا الساعه 7:45 ناديت عليها وقربت منها وانا في طريقي ليها ريحة البرفان واصله مع الشهيق .
=..الطالبه في سنه كام
-..أنا في تالته... حضرتك مين أنا أول مره أشوف حضرتك
=.. السؤال يفرق أنا مين بالنسبه لمين للطالب ولا للهيكل الوظيفي في المدرسه
-..الأول أعرف للمدرسه وبعدين أعرف بالنسبه للطالب
=..أنا كابتن حسن مسؤل التقويم السلوكي ومستمع للطلبه بالنسبه للمدرسه
وبالنسبه لطالب أنا صديق ومراية الطالب ألي يشاركني مشاكله وهمومه.
=..ممكن أسألك سؤال
-..طبعا اتفضل حضرتك
=..عايزاني أسأل بأي صفه منهم الوظيفيه ولا ألي بحبها وألي بيحبها الطلبه مني.
-..مادمت أنا طالبه عايزه بصفتك مع الطلبه.
=..في سبب لتأخيرك عن ميعاد الطابور والحضور في الميعاد الرسمي.
-..بصراحه أنا بسهر كتير ومش بعرف أنام بدري ده غير أن النهارده الحصه الأولى مدرس الماده بيجيلي البيت درس خصوصي لوحدي.
=..شئ عظيم تحبي نتكلم في المكتب ولا هنا واحنا بنتمشى
-..في المكتب ممكن اشرب قهوه مع حضرتك
=..طبعا
-..يالا بينا
(تلاحظ من أسلوبها إنها بتسهر مع حد بيشجعها ع السهر أكبر منها)
=..مرعي قهوتي وقهوة الانسه أسمك أيه
يرد مرعي -..البرنسيسه قهوتها معروفه
ضحكة ضحكه فكرتني بمدام زوزو
=..بصيت لها بصه غضب من ضحكتها فهمتني وقطعتها وكانت عايزه تقوم تمشي...أستني و نكمل كلامنا أصحاب الشخصيات القويه مش بيهربوا من الغلط القوي هو ألي بيواجه غلطه مش يهرب منه صح.
-..أنا أسفه بعد أذن حضرتك عايزه أمشي
=..أكمل كلامي
أصحاب الشخصيه الضعيفه بيتبع كلام أي حد بيوجهه لهلاكه او لدماره بيمشي مغمض مش بيعرف يواجه مشاكله لوحده

أنتي مين فيهم حددي شخصيتك وعلى اساسها ياتشربي قهوتك معايا أو تشربيها في الكافيه.
=..لحسن الحظ مرعي كان وصل بالقهوه
بصيتلها و قلتلها براحتك يسعدني انك تشربيها هنا.
-..أنا فعلا هاشربها هنا
حضرتك بتكلمني ليه كده ليه خوفتني منك وبعدين طمنتني تاني ليه كده
=..لو كنتي صاحيه لكلامي لما قلتلك اني مرايتك كنتي فهمتي .... عمرك ماهتعملي غلط و اعمل اني ماشفتهوش كله هايظهر في مرايتك.. فهمتيني كده
-..الغلط بدء مني لما صوتي ارتفع بالضحكه .. أنا أسفه
=..مفيش أسف خلاص الموضوع بالنسبالي اتنسى لأني وصلتلك منه رساله وأنا متأكد إنها وصلتك الظاهر أنك ذكيه جدا بتفهمي طبع إللي بيكلمك.
-..ممكن أسأل حضرتك سؤال
حضرتك بتشرب سجاير؟
=..عمري ماشربتها خالص
-..ولا شيشه
=..ولا شيشه كمان
-..حضرتك بتسهر فين
=..في البيت مع أسرتي
-..يابختهم بحضرتك
=..ممكن أنا أسألك
-..أتفضل طبعا
=..سهرك في كافيه أستانلي أضاف لشخصيتك حاجه محترمه كويسه تنمي شخصيتك؟
-..حضرتك عرفت أزاي اني بسهر في أستانلي؟
=..أسمع أجابتك أولا
-..خالص كله فراغ وبحاول أخنقه وأهرب لهناك من حياتي في البيت
=..والهروب ده من فتره طويله كان حل ولا زاد التوتر النفسي؟.
-.. عارف حضرتك لما تكون جعان و توهم نفسك انك ادامك خروف وفي الاخر يطلع ساندوتش فول بتحاول تعيش الكذبه على نفسك ان هنا الحل لجوعك للاسره والبيت .
=..ميعاد حصتك التانيه
-..مش عايزه اطلع الحصه عايزه اكمل كلامي مع حضرتك ممكن.
=..عايزاني أسمعك ولا أسألك
-..هاتكلم ولو في سؤل لحضرتك أسألني.
بابا منفصل عن ماما من تقريبا 3سنين أتجوز وعايش في بيت تاني مع زوجته الجديده و عنده ابن عمره سنتين .
وأنا عايشه مع ماما ومش عايشه لاننا اغلب وقتنا مش مع بعض غير لما بنسهر في الكافيه .
غير كده ماما بالنهار نايمه وانا هنا في المدرسه أرجع أتغدا وأنام شويه نقوم ع المغرب نجهز ونلبس و ننزل نسهر في اي حته هنا هنا الكافيهات عارفانا وعارفه ماما اكتر . نرجع البيت ع الساعه 1، 2 انام و اصحى الصبح لوحدي اجي ع المدرسه.
وممكن يوم في الاسبوع اروح اشوف بابا واخويا وزوجته ست فوق الوصف يابخت اخويا بيها.
بس خلاص
=..أسمك أيه
-..أسماء
=..عايزاني أرد عليكي بأي صفه ألي يغشك بمسكن ولا ألي يهزك يصحيكي
-.. نفسي أفوق من الكابوس ده
=..بتحبي ماما وهيا بتموت فيكي ده ألي فهمته من أحتفظها ببنتها قلبها بعد الأنفصال صح؟
-..ماما بتتعب لما أقولها هابات عند بابا يوم واحد بس.
=..جميل هاسالك سؤال تاني
لو شوفتي ماما لاقدر الله رايحه على غيبوبه وانتي صدمتيها صدمة كهربه عشان تفوق كده بتحبيها ولا بتكرهيها ؟
-..لا طبعا كده بحبها وبحبها جدا.
=..إتفقنا الحل للمشكله دي في أيدك أسمعيني...
توهمي ماما وتحسسيها وده يكون نابع من جواكي إنك كرهتي طريقة العيشه دي ونبهيها انك في تالته ثانوي ياتتغير أو هاتروحي تكملي السنه الدراسية عند بابا لو جاب نتيجه الكلام نهدى ونجتهد ونذاكر.
ماجبش نتيجه ولسه بتسهر بره وعايزاكي معاها نتجه لطريقه التانيه .
تباتي اسبوع عند بابا وبعدين اسبوع لغاية ماتفوق لبنتها وانتي كمان تفوقي لماما وتهتمي بيها تملي عليها فراغ بابا فهماني.
-..حضرتك قولتلي الطلبه بتعتبرك أيه
=..هههههه معرفش أسأليهم
-..انا ماليش دعوه بيهم أنا هاعتبرك بابا هنا ولو في اي حاجه هاصدع حضرتك واجي هنا ممكن
=.. لو ماعملتيش كده هاكون فشلت معاكي.
...عايز في خلال شهر نوصل لحل اتفقنا
-..من النهارده مفيش كافيه ولا سجاير
=..يالا على فصلك ولو في حد كلمك تعالي خدي ورقة اذن مني للمدرس
-..حضرتك ماتعرفش لسه مين اسماء البرنسيسه
=..كانت البرنسيسه في اتجاه مش بتاعها انا عايز اسماء النابغه
عايز الكل يحس بتغير
-..اوعد حضرتك بكده سلام يا بابا
-..البرنسيسه كانت عند كابتن حسن خير يارب
-..أهلا مجدي فيها حاجه دي
-..لا ابدا الظاهر اني الاخير في الشله لسه مادخلتش هنا
-..ليه مين دخل قبلي هنا
-..شادي و سامح ومنال كمان لدرجة ان شادي حدد ميعاد لاخته سالي
-..اكيد هاتخسر لو مافكرتش تدخل يامجدي سلام عندي حصه
-.. أيه ألي بيحصل في المدرسه لسه ماكملش أسبوع في المدرسه و الشله أتغيرت وأتفرقنا عن بعض و مفيش سهر خميس وجمعه.... لا لا أنا هاحاول بكره أجمعهم في البريك ونتفق على سهره زي زمان مابقاش مجدي لو ماجمعتكم تاني.
=..صباح الخير شادي اخبارك
-..صباح الخير يا أجدع أبوعلي مانمتش بس.
=..ليه خير حصل حاجه
-.. طول الليل بنتكلم عن حضرتك وعن كل فرد من الشله أزاي أتغير بعد حلسه واحده مع حضرتك لدرجة أن سالي من أمبارح بتستعد لجلسة حضرتك.
=..أهلا منال تعالي اتفضلي
-..صباح الخير يا عمو
=..صباح النور هاتشربي حاجه
لا لا مفيش وقت انا عايزه احكي حكايتي ممكن.
=..طبعا انا مشتاق أسمعها
-..بابا مطلق ماما من صغري وماما تزوجت بغرض المصروفات وراجل في البيت مش بيبخل عليا بحاجه مش بيخلف واخدني بنته مربيني وأنا بنت 3سنين ومحدش فينا يعرف طريق ولا تليفون لبابا مهاجر من زماان حتى أعمامي مش بيحاولوا يقربوا مني ولا فيه تواصل بينا كل ده الشيطان بيوصلي أن السبب في ماما حاولت اكلمها وافهم منها تقولي نصيب وتفاهم لكن زوغان عينيها وأنا ببصلها وهيا بترد عليا بيشككني في سبب الانفصال بينهم دماغي على طول مشغوله في سبب الانفصال مين السبب في حرماني من بابا ودفئ الاسره عقلي مشتت مش بعرف اركز في دراستي بحاول اسرح مع الشله واهرب من تفكيري ومن وسواس الشيطان حضرتك حاسس بيا وفاهمني اكيد.
=..الموضوع في أيه في القرأن بمعناها في حاجات لو حاولنا نفهمها او نفتح جراح ممكن نكره انفسنا ونكفر بالعيشه والنعمه الي ربنا وهبها لينا.
خليني اكلمك بصراحه واسالك
بتنادي زوج مامتك بايه من سن 3سنين
-..بناديه بابا
=مين شال همك وسهر جنب مامتك في تعبك يراعيكي.
-..مفيش غيره بابا جمال
=..مين مسح دمعة ماما واحتوى البيت من كل طلباته.
-..بابا جمال
=..مين كان بيحضر حفلات المدرسه و الدنيا كلها عارفاه انه ولي أمرك
-..بابا جمال
=..مين هايتقدمله عريسك يطلبك منه
-..بابا جمال
=..طيب لو طلبت منك تمسكي قلم وادامك على مكتبك ورقتين ورقه فيها اسم بابا جمال والورقه التانيه اكتبي في اول السطر واحد هربان
وفي كل ورقه اكتبي مميزات صاحبها وعيوبه وشوفي مين هايكبر في نظرك ومين باع بنته وتخلى عنها من سنين.
بس في حاجه لازم تعرفيها ان لو يوم بابا ظهر تاني في حياتك اكيد هايكون له حق فيكي ولو صلة الرحم فقط ده بر بوالدك رغم ألي عمله انتي بنته امام الله وربنا هايسالك عن برك بيه ويحاسبه على تقصيره معاكي فهماني.
-..اكيد يا عمو تعرف ان بابا جمال وماما بيزرعوا فيا حبه عشان استغفرله على انه متوفي وانا لسه حاسه انه عايش وهايرجع ويكون انا البنت اللي عندها تلات أبهات اب باسمه واب يربي واب يوجه ويصاحب انت حضرتك الموجه والصاحب انا بحبك اوي زي بابا جمال
ربنا مايحرمني منك تسمحلي اقولك بابا حسن.
=..لو ماقولتيش هاخاصمك وازعل منك
يالا على حصتك سلام شدي حيلك فرحيني .
-..سلام يا بابا

مجدي بيتصل بالشله و أتجمعوا في البريك.
-..أيه ياجماعه جرالنا أيه مش بشوف حد ولا حد فاضي يكلمني وكل يوم أحس بواحد مننا بيتغير عايزكم النهارده في أستانلي نسهر سوى زي زمان وحشتني لمتنا..
-..سامح . عن نفسي عندي شغل وهاسهر مع ماما وبابا.
-..منال . معلش يا مجدي عندي دروس من فتره مارجعتهاش .
-..شادي . مش هقدر خارج مع سالي مشور خاص.
-..منال . انا بطلت سهر خلاص
-..يعني أيه
-..منال . بعد آذنكم رايحه عند كابتن حسن.
(منال كانت بتعاند مجدي)
-..وانتي يا برنسيسه ماسمعتش ردك
-..مجدي من فضلك لو باقي على صداقتنا تنسى الاسم ده بعد اذنكم
=..كنت بتمنى مجدي يجيلي النهارده لاني بصراحه مش ناوي اكمل في المدرسه طوال الاسبوع اهملت اسرتي و ولادي ومعرفش حاجه عنهم .
=..واحنا مروحين فوحئت بمجدي في عربية شادي سلمت عليهم وشادي شغل اغنيه قديمه عشاني .
-..ايه يامجدي انت ناسي بيتكم ولا ايه
-..انا هاجي معاك نوصل كابتن حسن .
=..انا بنزل هنا بركب تاني للبيت
-..لا لا هاوصل حضرتك مع شادي صح ياشادي (شادي في زهول من مجدي )
=.. اعذرني انا بحب افكر في يومي وانا مروح بادي نفسي مساحه للتفكير اكتسبت ايه من يومي ارجع المواقف كسبت منها استفدت ولا يوم مر من عمري وخلاص .
-.. طيب ممكن رقم تليفون حضرتك.
=..طبعا احنا وصلنا خلاص شادي بلغ رقمي ل مجدي هاستنى تليفونك سلام
=...السلاااااام عليكم وحشتوني
-..بابا حضرتك كل يوم بتنزل كل يوم بعد ماتصحينا الصبح نسلم وتنزل بسرعه وترجع بعد مانرجع من المدرسه مش حضرتك خلاص ماعندكش شغل.
-..حمدالله على سلامتك على ماتغير اكون حطيت الغدا يالا يا شوشو سيبي بابا يغير
=..تعالي ياشروق اخواتك فين.
-..نزلوا يلعبوا تحت وممكن يكونوا في السيبر.
=..ايه من امتى الكلام ده .
-..سابوا الشنط ونزلوا من غير حتى مايغيرو لبس المدرسه
-..استاذنوا مني ياحسن بس ياشروق
=..تمام يالا نتغدا
-..بابا حضرتك هاتخرج بعد المغرب .
=..معرفش لسه بس مستني تليفون عايزه حاجه ياحبيبتي .
-..ايوه عايزه اهزر شويه والعب مع بابا من اسبوع ماهزرتش معايا ولا لاعبتني
-..شوشو خلي الكلام ده بعد الغدا والشاي بابا جاي تعبان .
-..حاضر ياماما
جرس الباب بيرن
=..خليكي انا هافتح
-..بابا حمدالله ع السلامه
=..اهلا يارجاله اخبار السيبر ايه
-..انا واحمد كنا في السيبر في حاجات طالبنها مننا في المدرسه وفاتورة النت في البيت مادفعتش .
=..طيب يالا يا حَبيبي نتغدا اغسلوا اديكم وتعالوا.
اتغدينا و بنشرب الشاي انا زوجتي .
=..ايه موضوع فاتورة النت ده خلصت امتى .
-..مش النت بس ايصال الكهرباء وصل وانا مش موجوده ساب لينا الكعب ومطلوب سداده في شركة الكهرباء كمان بطاقة التموين عايزه تتفعل .
=..ايه ده كله مره واحده كده .
-..ولادك اتعودوا على وجودك جنبهم و هما بيذاكرو وانت من يوم الاحد مشغول بالمدرسه و اوقات بتنزل بعد المغرب اهتمامك بغيرهم مزعلهم حسوا بغيابك فاهمني طبعا .
-..بابا لوسمحت عايز اتكلم مع حضرتك .
=..تعالى يا احمد اتفضل .
-..انا هاقوم اشوف المطبخ .
-..بابا ماتعودناش من حضرتك بعد خروجك من العسكريه انك تسيبنا كده 4ايام من غير ماتتكلم معانا حاسين ان في حد واخدك مننا .
=..شوف يا احمد فعلا انا جالي شغل في مدرسه خاصه طبيعة الشغل ان بدل مانا عندي 3ابناء لا انا مكتبي وعقلي وقلبي مفتوح يسع كل من ياخد راي او يشتكي من مشكله بتشغل عقله وذهنه عن المذاكره ومرتبها كويس على ما اعتقد .
-..اتكلم كأبن ولا كصديق مع حضرتك
=..خد راحتك .
-..انا واخواتي حسينا بغياب حضرتك عمر المرتب او الشغل يغني عن اسرتنا وتجمعنا سوى صح .
اما موضوع ان في حد بيحتاج يتكلم مع حضرتك مقدرش امنع حضرتك من حاجه بتحبها جدا لكن حاول حضرتك تنسق وقتك زي زمان .
=..احمد انا اوعدك اني مش هابعد عنكم اديني فرصه بالكتير اخر الاسبوع او يومين من الاسبوع القادم الاثنين او الثلاثاء القادم اكون معاكم .
-..اتفقنا يابوعلي .
التليفون بيرن
الو السلام عليكم اهلا مجدي ...

-..وعليكم السلام كابتن حسن اسف لازعاج حضرتك ممكن نتقابل النهارده بكره يوم الجمعه او يوم السبت زي حضرتك ماتحب واتمنى يكون النهارده لاني عايز  اقابل حضرتك خارج المدرسه ممكن.
(=..حبيت أصبر شويه على شخصية مجدي لا يفل الحديد غير الصبر عليه بنار مستعره  ومجدي الان في احتياج للكلام معايا حبيت احسسه بقيمة الكلام اعطش عقله للمقابله عشان لما اتكلم معاه يتشبع بمعاني الكلمات)
=..مجدي ممكن نخليه السبت او بعد صلاة الجمعه .
-.. بعد صلاة الجمعه ممكن حضرتك بتصلي فين .
=..هانصلي سوى في مسجد القائد ابراهيم .
-..اتفقنا سلام ياكابتن.
=..سلام يا مجدي
اخدت اسرتي وقلت اعوضهم نتمشى شويه ع البحر واكلنا جيلاتي زي مابيحبوا واتعشينا .
-..متشكره يا حبيبي ربنا مايحرمنا منك ويرزقك برزقنا .
-..بابا المره الجايه ناخد جدو وتيته معانا
=..حاضر ياشوشو
-..احنا نجمع العيله يوم كلنا في المعموره
=.. حاضر يا أحمد وانت يا عم هيما عايز ايه
-..مش هاتزعل مني يابوعلي
=..قول وربنا يستر
-..عايزك في البيت كل يوم مش مهم نخرج حتى ولا نتمشى المهم انك معانا.
=..رغم ان كلامك حلو يا واد ياهيما بس بتعرف تدخلي منين مش زي ناس تانيه بترخم ... يالا حبيبي نغير ونام عندنا مدرسه وعندنا شغل الصبح .
-..يارب تسيب الشغل يابابا .
=..بتقولي حاجه ياشوشو
-..بدعيلك من قلبي ياحبيبي ههههههههههه
=.. نامي يا تفاحه (كلمه بينا بدل ماقولها يا #تناحه عشان الموجودين )
=..اهلا شادي اخبارك ايه
-..حبيبي والله زي الفل يا بابا بس بتعب من الكلام عنك مش بيخلص .
=..مع مين خير يارب
-..بعد ماسيبتنا امبارح مجدي مابطلش تلميح عن حضرتك عايز يفهمك وانا تقلت عليه وكلامي كان بسيط عنك .
ولما روحت سالي مانزلتش من البيت ولا سابتني انزل و مابطلتش كلام عن المدرسه واكيد كل الكلام عن حضرتك .
=..ههههههههه معلش فتره وتعدي .. رايح من السكه دي ليه
-.. مجدي مستنينا هانخده معانا موصيني من امبارح .
=..كلمني امبارح وهانتقابل غلبان مجدي جدا بس بيحاول يتقمص شخصيه مش بتاعته.
-..ربنا يسامحه والده رغم انه متوفي ويسامح والدته وهيا عايشه .
=..مجدي واقف اهه مستني .
-..ايوه شافنا ورمى السجاره من ايده
-..صباح الفل والياسمين على اجدع كابتن واجدع شادي .
=..صباح الخير يا مجدي
-..صباحك ألسطا يانجم
=..اخبار الشله ايه ياشادي مش بتخرجوا زي زمان ليه مالهم الولاد دول يامجدي .
-..بصراحه ياكابتن كده احسن
-..بتقول ايه يامجدي سمعني تاني
-..ايه ياشادي أحنا قربنا من الامتحانات مش كده يا كابتن .
=..الظاهر انك العاقل اللي فيهم يامجدي
=--.....موجه من الضحك كلنا في العربيه
-..مدوخني معاهم ياكابتن ربنا يهديهم
=..يالا على الطابور وبلاش بكش انت وهو سلام .
-..ايه ده بس يا شادي مين نازل من الباص ملتزم بالزي الخاص بالمدرسه .
-..لا لا مش ممكن اسماء خير حصل حاجه في الدنيا
-..صباح الخير يابابا مش عارف ايه الاشكال الغلسه اللي معاك دي .
=..ههههههههه معلش يابرنسيسه اعذريهم .
-..برنسيسه عليهم اكيد انما بنت حضرتك الكبيره اتمنى .
-..الدنيا حصل فيها ايه استر يارب
-..قلتلك قبل كده انت الخسران يا مجدي هاتعيش لوحدك انت حر
=..يالا على الطابور اتفضلوا
-..صباح الفل ياعم الكل
=..اهلا سامح واحشني يا اونطجي .
-..بابا عايز يتعرف على حضرتك .
=..يشرفني طبعا بلغه سلامي اكيد هانتقابل .
-..حاضر على فكره انا اديته رقم تليفونك .
=..تمام مستني مكالمته يشرفني يا حبيبي .
-..سلام يا كابتن يا زميلي ههههههه
=..ههههههههههه بكاش واونطجي
دخلت مكتبي عملت فايل لكل حاله من الولاد وسجلت النقط الخاصه بكل واحد منهم ماعدا مجدي .
-..صباح الخير يا احلى عمو حسن واجدع بابا حسن .
=..اهلا منال اخبارك ايه طمنيني عليكي .
-..زي الفل وتمام وجايه اغلس واشرب القهوه مع حضرتك وحاسبت عليها كمان .
-..قهوتك يا كابتن حسن وعصير البرتقال انسه منال .
-..متشكره يا عم مرعي .
=..مرعي ازاي تاخد الحساب من منال .
-..اتفضلي جاوبي .
-..بصراحه هددته لو ماخدش الحساب هاقول انه هو اللي بيجيب سجاير لطلبه .
-..يانهار اسود مانتي قولتي خلاص .
=..مرعي اتفضل دلوقتي وبعدين نتحاسب .
=..منال وايه كمان اتفضلي ساعديني زي ماوعدتيني .
-..عموا انا فعلا ساعدت حضرتك زي ماوعدتك بطريقتي كان في عامل تاني بيجيب أفلام مخله للطلبه والبواب بيخلع طلبه تشرب شيشه في البريك وترجع وده كله انا اتصرفت فيه مع البواب ومع عامل البوفيه .. بس الحل الجزري تربوي ومحتاجين كاميرات في مداخل المدرسه والفصول واماكن التجمعات .
=..برافوا عليكي هيا دي بنتي العاقله ... وجاري طلب الكاميرات .
شربتي عصيرك يالا مع السلامه .
-..كده ربنا يسامحك تاخد المعلومات وتكرشني طيب فين حساب المعلومات دي .
=..هاتي اسماء الطلبه وانا احاسبك وبزياده .
-..عيب ودي تيجي اطلع سر اللي بيثق فيا.
=..يالا ع حصتك

في مكتبي وبحاول اجمع شخصية سالي ميعادنا النهارده وعايز اكون ملم بتفكيرها وشخصيتها مش تلميذه في سن باقي الولاد واحتكاكها بالدنيا اكبر منهم .
سالي بتحب والدها جدا كأي بنت بتغير على والدها من اقرب الناس حتى والدتها
تخيل لما كمان والدها يتجوز بعد والدتها كمان لما الام تتوفى ويتحمل الوالد السبب كل ده مرجعيتي في شخصية سالي هيا تبحث في شخصيتي وانا كذلك هي تسمع لكلمات شادي عني وتتدارسها وانا كذلك
بنت على نسبه مقبوله من الجمال وفي ثانية صيدله وتشعر من حديثك معها انها جوفاء تتعامل مع الجنس الاخر بجفاء وجفاف المشاعر
كل دي نقاط عن شخصية سالي ولا ادري ما خلفيتي في نظرها.
=..أهلا شادي خلصت ولا لسه وراك حاجه
-..اهلا بابا انا مستنيك من بدري يالا بينا سالي مستنيانا في النادي .
=..نادي ايه انا لسه هاروح اتغدا مع الولاد .
-..انا ماليش دعوه احنا نروح وحضرتك تتفاهم معاها احنا خلاص وصلنا .
=..لا اله الا الله
-..سالي سالي بابا كان عايز يروح
-..اهلا عمو حسن اخبار حضرتك ايه
=..اخباري دلوقتي ولا لما يكرشوني من البيت هاتكونوا السبب في كده وربنا يستر.
-..شوف يا عمو حاجه من الاتنين ياتتغدا معانا هنا او نتغدا معاك هناك ايه رايك
=..موافق نتغدا هناك يالا بينا هاتصل بالبيت يحضروا غدا .
-..طيب ممكن نخليها مره تانيه بس النهارده نص ساعه بس تاخير عن البيت اتكلم مع حضرتك ممكن.
=..أمري لله أتفضلي
-..شادي ممكن استاذنك
-..طبعا انا هاتمشى شويه ورني عليالما تخلصوا الحديث السيكرت بتاعكم ...غريب انا عنك .
-..عمو اكيد شادي حكى لحضرتك عن بيتنا وظروفه وعن ابتعاد بابا عننا او بمعنى اخر ابتعادنا انا عن بابا كل ده حضرتك عارفه وعارف كمان وضعنا مع زوجة بابا واكيد حضرتك جهزت ردود على وضعنا وعلى حالتي لكن اللي ماتعرفهوش لان محدش يعرفه اني حبيت وانجرجت واتغدر بيا عاطفيا مش جسديا .
انا عشت قصة حب مراهقه شغل طلبه مع انسان غير مسؤل توهمت اني حبيته وهو كمان حبني كان الفتى الاول في المدرج معانا لأي بنت و انا كنت في حالي للاسف حكيت قصتي لبنت اعتبرتها اخت لانك تعلم انني وحيدة الاخت ويتيمة الام و مهجورة الاب فاتخذتها اخت وام وصديقه لكن هيا كانت وخداني بنك خزنه حكت للشاب ده كل حاجه عني تقدر تقول كان عايش معانا وعرف يتقرب مني ازاي تقمص شخصيه الراجل الشرقي صورة العريس في بدلة الاب وايضا جعل من نفسه وسادة دموعي مستمع جيد تعلقت به و حاول اكتر من مره يبلغ مراده  وكل مره يجد سد و رد فعل يجعله يتصدم فيتغير شئ فشئ حتى ظهر على حقيقته وعلمت انه على علاقه مش محترمه مع الانسانه الغير امينه صديقتي طبعا حمدت ربنا وانتبهت لذاتي وابتعدت عنهم ولكن وللاسف ابتعدت إلى الكافيه اللي تقابلنا فيه وهذا الوسط الذي لا أرضى عنه .
بجد محتاجه بابا جنبي جدا ومحتاجه بابا حسن معانا انا وشادي جدا .
انا بغير على بابا من زوجته في اسبوع الاجازه انا كبيره وفاهمه عودته بعد غياب بهرب من البيت انا وشادي مش بستحمل وده على حساب اني اعيش الأجازة مع والدي حضرتك عندك بنوته وتعرف يعني ايه حب البنت لأبيها فارسها الاول طبعا..
=.. تحبي نتكلم عن أي جانب الأول
-..عن بابا طبعا انا اقوى من شغل المراهقين ولعلم حضرتك لو مشكلتي النفسيه مع بابا اتحلت كل حاجه في حياتي هاتتغير للاحسن طبعا .
=..هيادي الجمله ألي مستنيها منك .
أسمعيني كويس خلينا نتكلم بعيد عن الدين والقدر والاعمار المحدده سابق في علم الله سبحانه وغيبياته وطبعا احنا مؤمنين بكده .
أيه طبيعة العلاقه بين بابا وماما قبل الحادث تقدري تقولي كانوا على حب وتفاهم وحياتكم كانت ازاي.
-..كانت قصة حب رائعه من زمان وهما في الكليه سوى وانتهت بالجواز حب رومانسي من صغرهم كنت بحلم اعيش قصتهم تحس انهم بيتكلموا من غير كلام مجرد النظر وحياتنا كانت قصه بتكتبها بايدك زي مابتحلم تصبح تلاقيه وانا وشادي كنا اسعد اتنين بالحب والتفاهم اللي جامع بابا وماما .
=..تتخيلي بابا يكون زعل على ماما وحزن عليها .
-..بابا جاله انهيار عصبي واتحجز في المستشفى شهرين ماكنش مصدق ان ماما توفت . بعدها حاولنا نخرجه من التعب النفسي والدكتور اشار اننا نساعد بابا ده لو احنا عايزينه بملئ فراغ قلبه بسبب وفاة ماما تخيل ياعموا احنا ألي اختارنا الزوجه التانيه لبابا .
=..جديده عليا دي معقوله.
-..بابا ماحبش يزعلنا وطنط مديحه كانت ست رائعه كانت عانس لم تتزوج سابقا واخدتنا زي ولادها لم تنجب .
بابا حاول يرضينا تزوج عشان حد يهتم بينا وهيا حبت بابا وحبتنا كمان بس للاسف بابا مقدرش ينسى ماما وحاول يبعد عن اي مكان يفكره ب ماما سافر يشتغل في فرع الشركه في دبي من هنا بدات المشاكل طنط مديحه متزوجه مع ايقاف التنفيذ حتى اسبوع الاجازه مع بابا بيخرجوا في فندق بابا مش عايز يدخل البيت بيتعب . واحنا افترقنا عن بابا ومفيش حد اخد مكانة ماما ولا بابا ومن هنا اعتبرت انا وشادي ان بابا هو محور كل ده تفتكر ياعموا لو بابا استمر هنا في مصر كان حالنا اتغير للاحسن.
=..سالي للاسف البيت متفرق كل واحد وله تفكير في سعادته فقط مفيش حد فكر في سعادة الاخر عارفه احسن حل ليكم ايه انكم تسافروا كلكم لبابا والعيشه معاه هناك هو يبتعد عن ذكريات تؤلمه نفسيا وانتي تبتعدي عن ذكرى مؤلمه وتمارسي حياتك كابنت لها طموح قلبها بالحب وطنط مديحه تشعر انها زوجه ولها بيت وشادي يشعر انه في اسره مترابطه اخوكي كان هاينجرف للمخدرات وربنا ستر فهماني انا عارف انك عاقله و عندك شخصيه اتمنى اشوف شروق زيك بس من غير شيشه فهماني فكري وانا معاكي.
كده انا اتاخرت على الولاد ربنا يسامحكم .
-..عارف يابابا انا بحبك زي بابا ...شادي يا شادي يالا بينا.
=..وصلت البيت والحمدلله محدش زعل من الولاد جبتلهم تشكيلة التسالي كالعاده وسهرنا سوى والصبح قمت كالعاده في يوم الاجازه اجهز انا الفطار وبتساعدني بنوتي حبيبتي شوشو نزلت عشان اقابل مجدي واصلي الجمعه في مسجد القائد ابراهيم .
في الطريق راجعت كل اللي اعرفه عن مجدي قبل ما نتقابل.
مجدي ابن ضابط شرطه استشهد في ثورة يناير وعنده اخت معاقه ذهنيا
وعايش مع جدته لوالده لان والدته تزوجت من اخر من صغره يعتبر وحيد والده اما في العمل او في الخارج سهران لا يشعر بالبيت ولا بمن هم في مسؤليته شخصيه غير سويه صاحب مزاج رغم طبيعة عمله .
الام مهمله لبيتها انعكاس لشخصية الاب انفصلا بعد ولادة بنتهم المعاقه ذهنيا بسنتين وتزوجت وهاجرت دوله اوربيه والاب استشهد في احداث 25يناير  .
هذا ما وصلني عن مجدي من اصدقائه
=.. تقابلنا قبل اذان الظهر ع البحر امام مسجد القائد ابراهيم و ذهبنا لأداء صلاة الجمعه وبعد الصلاة وجدت مجدي باكيا في احد اركان المسجد اقتربت منه ومسحت عينيه بالمسة الاب .
تحب نخرج نتكلم بره ولا تخليك هنا شويه.
-..خلينا هنا ممكن انا من زمان نفسي اجي هنا بس ماكنش عندي الشجاعه الكافيه لكده.
=.. أنت مش بتصلي يامجدي
-.. للأسف محدش نبهني لكده ولا حد اهتم من صغري يقولي صلي ولما كبرت وفهمت الصلاة والعبادات كان كل من حولي لا يساعد على الالتزام.
=..طيب اهدى كده وتعالى نصلي السنه ونتكلم بعدها .
تقبل الله يا مجدي
-.. متشكر ياكابتن حسن .
انا هاحكيلك اللي عيشته واللي اتحكالي من جدتي .
جدتي قالت ان والدي تزوج من والدتي غصب عن العيله مش مستوى عائلة والدي وكانوا رفضين الجوازه تتم لأسباب مقدرش احكيها عن اسرة والدتي . المهم والدي عصى والده وجدتي غضبت عليه واتحرم منهم واتحرموا منه ومن بعدها عاش كل طيش الشباب بالاضافه انه كان ظابط شرطه يعني لا حاكم في البيت ولا بيهاب حد في الشارع كل المساوء عملها ولما كان عمري 4سنوات كنت عايش المشاكل دي بين بابا وماما وكنت بسمع كلام يكسف تقوله ست لزوجها وهو مش عارف يرد لانه على خطئ من كل حاجه ولما ربنا اعطاه بنت معوقه ماما قالتله اتقي ربنا فينا كفايه لحد كده لم يتعظ استحملته سنتين وبعدين حصل الطلاق كان عندي وقتها 9سنوات واختي ماجده سنتين وبعدها بفتره ماما تزوجت وسافرت على النمسا مع زوجها الجديد ومن ساعتها ماشوفتهاش مكالمات تليفونيه كل كام شهر بس تبعتلي لبس انا وماجده هدايا على بيت جدتي والدتها اروح ازورهم واخد الهدايا ودي علاقتي بامي اما بابا الله يرحمه استشهد هنا في احداث مسجد القائد ابراهيم وصلينا عليه هنا كان نايم مكان مانا قاعد جسمي بيقشعر وكنت بخاف اجي هنا لوحدي في ناس طبعا كارهه الشرطه من افعال بعضهم وناس بتحبهم واكيد انا بقابل الاتنين في مدرستي الاعداديه كان بيعايرني بعض الاولاد بعمل والدي وتسلطه على الناس لانه كان جبار شخصيه صعبه جدا ماعندهوش رحمه بحد وفي ناس كانت بتأيد شخصيته في مطاردة المجرمين لازم يد من حديد معاهم وانا كنت صغير تايه مابين دول ودول ولما استشهد عرفت ان ربنا كان بيحبه طهره من ذنوبه ورزقه موتة الشهداء وعشت مع جدتي بمعاش بابا وماترسله امي من الخارج انا دلوقتي عمري 16سنه واختي 9 سنوات وجدتي عمرها تقريبا حاجه وستين وتعبت معانا هو ده مجدي ياكابتن حسن عيل شايل جبل على كتافه ايه رايك.
=.. تعالى بس جنبي واسند ضهرك على العامود عارف انا لما شوفتك اول مره قلتلك مش هاخداسمك ولا عايز اعرف فصلك لانك راجل هاتيجي لوحدك ظني ماخيبش .
خلينا في شغل بابا الاول شغل الشرطه له اعداء كتير وكل الاعداء اكيد من الخارجين عن القانون يعني اللي بيعمل غلط مش عايز حد يقوله انه غلط وممكن الاعداء دول باي طريقه يحاولوا يشوهوا صورة الراجل الشريف لكن انت بتقول ان بابا كان بيشرب ويتعاطى المخدرات حشيش يعني لكن ما أكلكش حرام من رشوه بدليل انك فيك جانب كويس وكمان ربنا ختم دنيته بميتة الشهداء وده يثبتلك ان بابا كان مع ربنا كويس اما موضوع اختك فدي كانت فعلا رساله لوالدك وممكن كمان تتطهير لذنوبه وانفصاله عن والدتك لعلها رحمه لكم من خلفية والدتك انها كانت من عائله فقيره وتعرف عليها والدك لكن هيا تحملت ايضا مساوء عائلتها بدليل انها ست محترمه انها طلبت من بابا ان يتقي الله فيكم وعندما لم تستطع ذلك طلبت الطلاق وتزوجت وهاجرت لانها لا تقوى على العيش هنا بينكم مسافه بسيطه هربت من اضطهاد بابا خوفا منه عليها وعلى زوجها من سلطته .
المهم دلوقتي انت فين من ده كله فين من اختك مسؤليتك ودينك اللي في رقبتك شرفك وعرضك اختك عملت ايه عشان تحافظ عليها ده دورك في الحياه وربنا يجعله في ميزانك هل بالسيجاره او بالسهر والمخدرات هاتحافظ عليها هل بفشلك في الدراسه واعتمادك على المعاش والدعم الخارجي من ماما هاتعيش وتصرف على اختك فين الرجوله فين النخوه تخيل انت لو في مره اخدت جرعه زياده مصير اختك ايه وجدتك اللي تعبت عشانكم تخيل لو حد اعطاك جرعه زياده بغرض الحصول على اختك وقتل جدتك لو شافته .
مجدي لازم تفوق لبيتك واسرتك اللي هيا دنيتك اختك ولا انت مش من الرجاله اللي تحافظ على شرفها وعرضها.
وفاة بابا ربنا مطلع عليها وهو دلوقتي في ذمة الله محدش يقدر يقول حاجه عليه لكن يقدروا يتكلموا عليك انت ابسط شئ هايقولوا مات وسايب بنت لعيل مهمل واخته ماشيه مش عارفه رايحه فين وكل شاب ياخدها يومين
هاتفرح بكده فين صلتك بوالدك بعد وفاته ربنا في كتابه سبحانه شرح صلة الرحم بالتفصيل في ايات كثيره المقصود منها ان لو والدك غصب عليك بالشرك والكفر بالله تعاملهم كويس مش ترميهم طبعا مهما حصل من بابا فهو بغير قصد ولا يقترب من الشرك والكفر بشئ عشان كده لازم تفوق بدل ماتفوق على مصيبه بضياع اختك وضياع شرفك وعندها هاتضيع كل حاجه فاهمني.
-..اكيد فاهم حضرتك وكنت محتاج الصدمه دي جدا محدش من خلاني او اعمامي حاول يفوقني كلهم ابعدوني عنهم محدش جنبي انا فعلا محتاجك جدا معايا
=..انت محتاج تحس ان ربنا معاك قرب من ربنا اكتر هاتحس انك ماشي تحت ظله وتطمن على جدتك واختك .
-..اوعدك يابابا حسن اني ماسيبش فرض ولا سنه الا واصليها هاتشوف مجدي تاني خالص .
=..عارف لو عملت كده هاتغير نظرتي عن والدك وعنك واطمن عليك و كمان والدك يرتاح في قبره
اتمشت لوحدي بعد ماسيبت مجدي ومش عارف  ايه حصلي ولا ليه من الاول قبلت الشغل انا فعلا اتعلقت بالولاد دول جدا  ايه الحل انا دلوقتي اللي عايز حد يساعدني.
سامح والحمدلله لملم شتات البيت واجتهد في الدراسه ووجد شخصيته التائه بين والديه وكان هو وسيلة الربط بينهم.
شادي وسالي بعد الامتحانات هايسافروا لوالدهم مفاجئه منهم للعيش معه هناك.
مجدي هايخد اخته ويسافر يعيش مع والدته لانها أجرت عمليه كبيره وطالبه تشوفهم.
منال هدات نفسيتها لما ماما وبابا جمال اخدوها وراحوا عملوا عمره قبل الامتحانات .
اسماء باتت اسبوع عند باباها مامتها تعبت و اسماء اخدت باباها وزاروها وفي احتمال يتلم الشمل تاني ويكون ليها اب في البيت واب في المدرسه وكمان ليها ام في البيت وام واخ في بيت تاني والمذاكره وخداها جد الجد.
ده كان ردي على شكري بيه يوم الاحد
الذي تأجل نظرا لسفر شاكر بيه خارج البلاد لمدة اسبوعين مع شوية طلبات من كاميرات وتغير الموظفين الفسده واستقدام بعض مشرفين واخصائين اجتماعين حديثي التخرج حتى يكون سنهم قريب من الطلبه ويكون في تواصل زهني وسني بينهم وعمل ندوات تربويه وتوجيه سلوك من اطباء نفسين وكذا ندوات دينيه للتوجيه والإرشاد التربوي وارساء عقيدة ان الانضباط الاخلاقي عقيده وليس تصرف وقتي فاكل الاديان السماويه تطلب وتأمر بالمعروف وعمل الصح والابتعاد عن ماهو موشين وسئ .
طلبت من شاكر بيه انهاء مهمتي بالمدرسه لكنه طلب مني الاستعداد للعام القادم وتأهيل اسرتي نفسيا لذلك والله اعلى واعلم بما هو قادم.
انتهت الامتحانات وتعانقة الاروح بيني وبين ابنائي في المدرسه وكلا توجه لما اشرت سابقا وللان في تواصل شبه يومي ومتابعه منهم ومني سار بيننا ترابط روحي ومنال حضرت إلى بيتي باسرتها و تبادلنا الزيارات .
غريب الزمن جمعنا وفرقنا وترابطت ارواحنا
.