دمعه متعلقه
يادمعه متعلقه في الرموش
مين يطبطب مين يحوش
كلام الناس جارح ولا يرحموش
والطيبين مابينهم مايعيشوش
يادمعة العين كفايه خلاص
لا عاد حب لا عاد إخلاص
قلوبهم عايزه من قسوتها رصاص
حسن سعيد ابراهيم
أيكادولي
متعلقين
متعلقين بقشة يمكن ضعيفة أو قويه زي خيط عنكبوت أحلام الفرح أصبحت مشانق موت أيام الهم ليه عايشنها وأيام الفرح بتموت حتى الدمع بيتكلم يقول ليه الفرح سكوت حتى أنين الروح عاجز يطلع من جوايا صوت حاسس اني مكلوم ساكن ظلام بطن الحوت يا أيام العمر مُري من غير مرار ويا دقايق الزمن كل ثانيه أحتضار عايش حياتي غريب وده عنوانها باختصار بين ضفتين حياتي نهر العمر شلال انتحار حتى عود غصني أشواك ولا مرة نبت أزهار مليت الترحال من غصن لغصن زي الفراش ع الأشجار وسلمت أمري راضي يقين برب الأقدار ✍️🏿حسن سعيد مرسي تم الحفظ والتوثيق
تعليقات
إرسال تعليق