درع ليكي يابلادي
انا اللي كنت شايل سلاحي وروحي
درع ليكي يابلادي ودلوقتي ع المعاش
واللي يفكر يوم يجيكي غازي يروح بلاش
انا ابن ارضك طينك نيلك ابن خندق ع الحدود
انا يابلدي ابن راجل رباني على عهدك وعهد الجدود
ارضنا ياولدي زي العرض
هيا شرفنا نحميها طول وعرض
عشت احمي عرينك بصدري منتظر رصاصه
بس ياخساره والخلاصه
اخدتها غدر مش في صدري
اخدتها منهم في رزقي
طب ليه وعشان ايه معرفش
عشان حرامي ورجالته يتعالجوا
مايتعالجوا
وعيالهم مالي انا بيهم
الله يحرقهم والا يخليهم
وكمان بدران اللي حاميهم
من قاع جهنم يارب اسقيهم
عارفه يابلدي
كان نفسي تروح روحي فداكي
طب هاقولك ناديني دلوقتي
تعالى هات روحك وسلاحك محتجالك
بس اطمن وماتخافش على عيالك
ان روحت انت هما بدالك
اجري واجيلك وارجع اغنيلك
واقولك
تعيشي يابلدي يابلدي تعيش
والا اقولك
تسلمي يامصر انني الفدى
زا يميني ان مدت الدنيا يدا
وسلاحي يقول
خلي السلاح الصاحي صاحي
بس ناديني
حسن سعيد ابراهيم
أيكادولي
تعليقات
إرسال تعليق