معاكي يابلدي
انا مش معاك ولا مع غيرك
كتر خيرهم و كتر خيرك
لا تناديني ولا يناديني بديلك
كرهت صوتكم عايز صوت ضميرك
نفسي هيا تناديني اسمعها مِنّها
إللي اتربيت خايف في حضنها
اللي لحمي من خير نيلها و أرضها
انا اللي تاج راسي نور من مسكها
بس هيا تنادي اصرُخي قولي ياولادي
نلبي بدل الروح ارواح لبيكِ بيلادي
ارضنا عرضنا زي ما ربانا الاهل والاجدادي
عارفه يا ام الدنيا
خلاص هالزم داري وده قراري
لا اقتراع والا انتخاب
ولا قهر والا انتحاب
ولا اصُرخ لقانون الغاب
هاقفل عليا الباب
خلاص انتهيت هاسمع الكلام
ومن بدري أطفي النور وأنام
وعلى معدتي هاربط حزام
أضحك وانا بموت في وش اللآم
لا هنادي تاني بثوره ولا غيره
وابوس ايدي وش وضهر كتر خيره
خربها من سنين مبارك ..عارف مصيره
الشيله واعره والايدين حواليها بتخطف
مره النيل مره شبابنا مره مين تاني
ماتستعجلوش
خلاص استابحنا فريسه للوحوش
خلاص استابحنا فريسه للوحوش
حسن سعيد ابراهيم
أيكادولي
تعليقات
إرسال تعليق