انا مجرد انسان

قصه قصيره
انا .....
مجرد إنسان عادي كنت عايش ومش عايش في دنيا الغريب لأني كنت فاهم أني فيها عايش أبد ألأبدين مُخلد لملمت من الدنيا وكنزت كتير من كل حاجه حتى الذنوب .
أخطف من هنا أكذب هنا ومابين هنا وهنا مش عارف أتوب كانت أهم حاجه عندي أحوش أجمع أكوش حرام حلال المهم أستِف و أعلي في رُزم فلوس.
لااهتميت بأبن أو بِنت ليهم عندي أيه غير فلوس وأم تايهه مابين نادي وكوافير وأصحاب سوء تصرف ترمي من مالي ماهوَ حرام جاي بدون تعب ومني لأديهم تضيع الفلوس ماسألش عن سبب.
وكبرت ولادي وحبيت أجني ثمارهم.
الشيله كانت هم وتقيله ألأبن ياخساره راح عدم سلك طريق المخدرات وأدمن المنكرات وكل الموبِقات مات منتحر.

والبنت آه من شرف راح في الوحل بالأرجُل أِندهس خلاص مالهاش بيت كل الشوارع بيتها كل المواخير بيتها .

وألأم بعد أيه جايه تدور جايه تلوم غيابي
والسجاره ومن بعدها الشيشه وكمان حتة حشيشه هيا دي ألأم .

هو ده اللي كان في شنطتي مال حرام وعلى أسرتي بان وعشان كده الشيله كانت تقيله شنطه كبيره بس من جواها فراغ.

فراغ يدبح يقتل وحرام بينخر في جسد عيله
صدق اللي قال
إطعمهم حلال يغنيك ربنا بيهم
كان يجرى أيه لو شِلت على ادي و كانوا عاشوا على أد كَدي كانت الدنيا بالخير تعدي وكنتي ياشلتي وذنوبي على اليد بتتعَدي.
حملي أللي كنت خايف عليه وشايله معايا جوايا أكله الحرام  من شنطتي وقع منها كل ما كنت بتعب واحاول أعليه.
يفيد بأيه الندم.

صحيح أطِب مطعمك تُستجاب دعوتك ف ولادك ومنهم أللي يكون في ميزانك يدعيلك بعد ماماتك

حسن سعيد إبراهيم
#أيكادولي