خليك بعيد
طفيت سراج نور الثقه فيهم
ونويت اعيش كدبهم و أوريهم
راح اكون ظلامهم وظلمهم
وهاكون جلاد ليهم.
كل اللي عامل صاحب
كل اللي بيضحك زور
كل اللي نورت يوم شمعتي عشانهم
واللي جنيت الشوك بدلهم
وسيبتلهم من حناني زهور
واللي ناوي يرحل عني
هاقوله من غير سلام غور
ياما كنت سفينتك وسط البحور
كمان خلاص نشفت دموع الوداع
على كل خاين على اللي باع
خليه يرحل عني ويدوق الضياع
كنت ضله كنت سنده وسط الضباع
اتاريهم الخسه في دمهم
والنداله اصل الطباع
ياخساره عليك يازمن
ضميت لحضني ناس مالهاش تمن
كنت ضحكتهم كنت فرحتهم
وكتير خانوني كمان باعوني
للي ما يؤتمن
اوعدكم كمان
ده كان زمان
انتهى زمن الحنان
واللي جاي جديد شخص تاني
مغرور اناني
واللي يطلب حناني
يدفع التمن
حناني غالي عليكم تمنه
الاصل والاخلاص عُملتي
والرجوله عندكم شيك بدون رصيد
وعشان تنول محبتي
ولا تسكن دنيتي
ارجع و اتولد من جديد
غير دم الخيانه من الوريد
واوعدك وقتها اعملك فرحه
واقولك يوم رجوعك ده عيد
لكن دلوقتي خليك راقبني من بعيد
خليك بعيد
حسن سعيد إبراهيم
تعليقات
إرسال تعليق