جزء ثاني قصة منصور
خيمت الصدمه وحاله من التعجب على الحاجه وعلى منصور (دُقدُق) لدرجة لم يشعُروا بمغادرة الاستاذ فاضل ومع غلقه الباب خلفه إستفاق منصور .
ستي ستي إنتي مسهمه ليه كده
مسهمه دانا هاسورق (إغماء) من كلام الباشا.
يعني موافقه ياستي
شوف يابني أنا هاصلي أستخاره 3أيام وربنا يقدم أللي فيه الخير.
مرت الأيام طويله ممله لم أخرج من البيت في إنتظار حضور منصور و جِدته
اليوم الرابع بعد إنصرافي من عندهم .
جرس الأنتركم بيرن.
ألو مين
أيوه يا فاضل باشا
خير ياحسين (البواب)
الواد دُقدُق بتاع الفول جايب ست كبيره معاه وبيسألوا عن حضرتك والأمن موقفهم في الريسيبشن بيستاذنك يطلعوا لحضرتك ولا يروحهم.
لا لا خليهم يتفضلوا.
حاضر ياباشا
إطلع في الأسانسير الدور الرابع شقة لواء فاضل على شمال الأسانسير.
منصور انا خايفه ربنا يسترنا يابني
ياستي انا بتشجع بيكي إدعيلنا وبعدين انتي صلتي واستخرتي ربنا وربنا مش هايخزلك سيبيها على الله.
وصلنا رني إنتي الجرس وسمي بسم الله.
أهلا أهلا اتفضلوا.
لالا ادخولوا كده عادي (كانوا بيخلعوا أحذيتهم).
كيس أسود في أيد منصور كبير نوعا ما
وكيس صغير في أيد جدته وضعته على ترابيزة الصالون كعادة الناس الطيبه ولاد الحاره المصريه الأصيلة فيها فاكهه كمثرى و عنب.
تعبتي نفسك ليه يا حاجه
تعب أيه ياباشا ده مش قيمتك بس دي عاده مصريه قديمه.
مستني ردكم بفارغ الصبر صدقوني مانمتش من التفكير في ردكم.
منصور و جدته بيبصوا لبعض بتعجب وسعاده مغلفه بأحراج وخجل مني.
ردت الحاجه
شوف ياباشا إحنا هانقعد معاك شهر ونشوف راي حضرتك نكمل ولا نمشي لكن في حاجه مهمه قبل ده كله.
أتفضلي قولي يا حاجه.
أنا بعرف أطبخ وعندي صحه أنضف و افرش كمان هاشتغل هنا كأني خدامه في البيت ومنصور هايساعدني بمرتب واجره يمكن نمشي بعد شهر نكون إستفدنا واشتغلنا أيه رأيك.
جرس الباب بيرن لحظه واحده
خير في أيه ياحسين
مفيش ياباشا حبيت أطمن على حضرتك الجماعه إتأخروا عندك قلقت عليك.
تعالى أدخل المطبخ هات عصير وتعالى أعمل حسابنا كُلنا.
كُلنا مين.
أنا وأنت وضيوفي أحب أعرفك الحاجه و منصور هايعيشوا معايا هنا
منصور مين تقصد حضرتك دُقدُق بتاع البليله وسِته .
أيوه من دلوقتي أسمه منصور و الحاجه إسمها الحاجه إستنى أسمك أيه يامه.
أسمي رتيبه يابني
خلاص ياحسين هات العصير
حاضر ياباشا
كل الحوار ده مع حسين البواب و الحاجه رتيبه ومنصور في حالة وجوم من هول الكلام مع حسين البواب.
حسين راجل أربعيني صعيدي جدع ابن بلد اصيل عياله في الصعيد شغال هنا لوحده من 10سنين فهمني وعارف معاناتي من الوحده كان بيطلع يلاعبني طاوله بين الوقت والتاني.
شربنا العصير وحسين نزل وبدات رحلة الحاجه رتيبه و منصور داخل الفيلا لمعرفة أماكن الغرف والحمام والمطبخ ومكتبي ومكتبة الكتب الخاصه بي والمكتبه المتوفره للجميع.
هنا غرفتكم حضرِتك ومنصور فيها سريرين وده الحمام الخاص بيكم وده دولاب للملابس ودي بالكونه الخاصه كمان أه الفرش جديد ونضيف في غيارات لسرير في الدولاب.
استاذنكم عشر دقايق على ماتغيروا لبسكم.
منصور يا منصور هات الحاجه وتعالى
انت فين ياحاج فاضل
في المطبخ تعالوا
أنا باخد ذبادي وثمرة فاكهه كانت كمثرى من كيس الحاجه رتيبه لكسر حاجز الخجل بيننا .
نتعشى الاول وبعدين نتكلم عني شويه
منصور مفيش حد خلاص غريب كُل براحتك أنت و الحاجه الساندوتشات في لبن وفي شاي براحتكم.
تعالي اتفضلي يا حاجه تعالى يامنصور عايز أعرفكم بنفسي.
في الريسيبشن على الأنتريه الحاجه على الكنبه و منصور جنبها وانا على كُرسيا الخاص.
أنا عندي 50سنه عقيد سابق شرطه زوجتي توفت من 11 سنه وعايش لوحدي أبنائي أكرم الكبير 28سنه مهندس برمجيات في النمسا و شروق 26 سنه محاسبه مع زوجها في أستراليا .
وحيد زي مانتم شايفين مفيش تواصل مع عائلتي الكل مشغول بحاله عندي املاكي اللي بتضر عائد مادي كويس لي بيساعدني في المعيشه مع معاشي الحكومي والحمد لله مستوره و أبني أكرم أبن بار بيا بيبعتلي فلوس من النمسا كل فترة هو ده فاضل باشا على فكره أنا بكره كلمة باشا في البيت كفايه الشارع والشغل سابقا هنا ممكن تناديني بالحاج فاضل الحمد لله انا حاجج لبيت الله 3 مرات.
ههههههههههه الحاجه رتيبه نامت وأنا بتكلم الساعه 10مساء.
منصور غطي جدتك ونام جنبها شويه لو قلقت خدها وأدخلوا في غرفتكم .
تعليقات
إرسال تعليق