الجزء العاشر

طبعا يا ست هانم تحت أمر حضرتك.
اولا انا مش هانم ثانيا مفيش أمر انا زي بنتك بابا قال أن دُقدُق في مكانة اخونا يبقئ خلاص أنا زي بنتك ولا مش أد المأم بقئ.
العفو منك يابنتي كده كويس
الله جميله منك يا طنط
لا طنط أيه بقئ قولي يا أُمي .
هاستناكم بكره يا أمي بعد صلاة الضهر نخرج شويه ومعانا راجل يحمينا أخويا دُقدُق الا بجد هو ده إسمك ولا دلع
لا أسمي الحقيقي  دُقدُق.
ترين ترين ألو اهلا بيكي يا ساميه مالك في ايه بس بس طيب أهدي شويه هاكلمك كمان نص ساعه سلام دلوقتي.
يالا بينا يا أكرم نوصل ماما و دُقدُق قبل ماتروح .
سلام يا استاذ اشرف حضرتك عارف الصغننه ومقدرش اتاخر عليها في طلب مش هاوصي حضرتك على عم حسين .
لا لا ابدا ان شاء الله ابدء في الإجراءات اقرب وقت.
سلام ياست الكل ماتنسيش معادنا بكره.
في رعاية الله ياولادي.
سلام يا دُقدُق
ربنا مايحرمني منكم لا اله الا الله.
محمدا رسول الله.
أكرم حصل ايه بينك وبين ساميه عشان خاطري لو حاجه زعلتك منها تمس بابا بلاش تقولي عشان انا كمان مازعلش لكن بالله عليك سامحها دي مريضه وتعبانه ونفسيتها صعبه جدا كانت منهاره بتحبك بس زي الدبه سامحني ههههههههههه
والله صعبة عليا جدا.
شروق انا بحبها ومقدرش اتجوز عليها مهما حصل ومقدرش كمان حتى أطلقها لازم اراعي ربنا فيها دي اختيار بابا ومقدرش اغير كلامه في غيابه لو كان عايش هو او عمي كان ممكن لكن دلوقتي خلاص بس سيبيني احسسها باختلاف المعامله عشان بيتنا يستمر.
انت عارف اني مسافره بكره عايزه اطمن عليكم قبل ما أسافر.
حاضر ماتقلقيش .
وصلنا نزلني انا هنا وانت روح لبيتك.
لا هابات معاكي النهارده وارجوك ماترديش عليها غير الصبح عشان خاطري ساعديني عشان أرجع بيتي بالطريقه اللي تخليني مرتاح نفسيا عشان حياتتا تستمر.
حاضر تعالى نشتري عشا ونطلع ولا عم حسين يجبلنا.
انا مش هاتعشا هاخد زبادي واي فاكهه وخلاص.
وانا كمان يالا بينا نطلع.
السلام عليكم ازيك ياعم حسين
اهلا ولاد الغالي.
فطومه عامله ايه صوتها جايب للجراج تحت مامتها فين.
والله ياست هانم احنا بنبدل عليها نهنن ونهشك و مفيش فايده .
ههههههههههه ربنا يفرحك بيهم ياعمو.
عم حسين
نعم يا اكرم بيه
الحاج الله يرحمه عايزك تدعيله في الكعبه.
امتى ربنا يكتبهالي وانا ادعيله طبعا ربنا يرحمه ويجعل مثواه الجنه.
قريب قريب يا حاج حسين استاذ اشرف هايتصل بيك عشان كده بابا كاتب في وصيته انك تطلع عمره من الميراث بس بشرط تدعيله هناك .
لا اله الا الله يامنت كريم يارب الحمد لله والشكر لله كنت بتمناها والله وقلتها ادام المرحوم ربنا يجعلكم ويجعلني في ميزانه... امين يارب
تصبح على خير ياعموا ادخل فرح ام علي وفطومه.
وأنتم أهل الخير نفسه ياولاد الغالي.
اكرم ساميه مابطلتش ترن وتطلبني دي عاشر مره.
إحنا اتفقنا وخليكي جدعه عشان خاطري.
طيب تصبح على خير
وانتي من اهله .
ياربي أيه الحيره دي انا في موقف صعب يارب أهديهم واحفظ سر بيتهم واطعمهم الذريه إللي تقربهم من بعض.
ترين ترين ترين
خير يارب مين جاي بالليل كده في الوقت ده.
مين يا أكرم
معرفش هافتح و أشوف.
ساميه خير في ايه  حصل ايه
ايه نزلك دلوقتي.
مهتم اوي كنت هاموت عليكم انتم الاتنين تليفوناتكم مغلقه والارضي جرس ومحدش يرد حرام عليك حرام كده كنت هاموت من الخوف عليكم من الصبح لا اكلت ولا شربت كملتها بقفل التليفونات كمان يا قلبك .
ساميه ساميه كوباية مايه بسكر بسرعه ياشروق بسرعه
اهه اتفضل
ساميه حبيبتي افتحي بؤك شويه اشربي اشربي بلي ريقك.
اكرم يالا بينا على المستشفى اللي جنبنا نقيس ضغط و سكر بسرعه
حالا يالا
بسرعه بعد اذنك عايز دكتور حالا
مالها خير في أيه
داخت وقعت من الصبح ماكلتش ولا شربت.
طيب هاقيسلها السكر والضغط لغاية مالدكتور ينزل
الحمد لله السكر معقول انت شربتها حاجه عصير او مايه بسكر
ايوه من عشر دقايق
كويس والضغط مستقر مش وحش كويس.
اتفضل يادكتور
السلام عليكم ..... وعليكم السلام
ايه اخبار الضغط والسكر
تمام يادكتور مستواهم كويس هيا شربت مايه بسكر.
طيب هاتيلي السماعه واتفضل حضرتك بره شويه سيب المدام معانا .
خليك انت يا اكرم هادخل انا مع الدكتور.
حضرتك مين انا اخت زوجها اللي معانا بره.
اسمها ايه
ساميه
مدام ساميه مالك انا شايف دموعك وانتي بتحاولي تداريها في حاجه مزعلاكي.
شوية مشاكل بينهم يادكتور
طيب ممكن نعمل تشيك اب بسيط
اسمع دقات قلبك بتقول اسمه ولا مخصماه
ايوه انا عايز اشوف ابتسامتك روقي كده امال.
لا لا تمام تمام زي الفل
شوفي ياستي انا عايز اشعه سونار وشوية تحاليل بسيطه وتجيلي بكره زي دلوقتي.
اكرم بيه لوسمحت
اتفضل يادكتور تحت امر حضرتك
ممكن تهدي المدام شويه بصراحه انا شاكك في حاجه وربنا يستر
خير يادكتور
خايف يكون الجنين جراله حاجه الاشعه هاتبين .
جنين جنين ايه هيا حامل
انت ماكنتش تعرف
لا خالص و لا هيا .