الجزء التاسع

وادي واحد دُقدُق ومعاه الاصل والجدعنه
ههههههههههه .
دمك خفيف زي والدك الله يرحمه يا أكرم.
إزيك يا دُقدُق إزيك يا حاجه.
الحمدلله يا فندم
سالت عليك العافيه ياباشا.
اتفضلوا عامله أيه يا شروق
بخير والله يا عمو.
قبل أي حاجه في كلمتين حابب تسمعوهم مني والرد هايكون فعل مش كلام بعد فتح الوصيه .
أكيد ياعمو اتفضل حضرتك في مكانة بابا.
استاذ أشرف انا عارف بابا كان بيحبك ويحترمك وسره معاك كان دايما يقولي يا أكرم لو غبت ومحتاج رأي أسأل حضرتك ده معناه ان تفكيركم وتواصلكم جعلكم عقل وروح واحده في جسدين اتفضل حضرتك.
بسم الله والله شاهد على ما سأقول.
أولا كلنا بنحب ونحترم شخصية فاضل بيه في حضوره و غيابه كان أب وصديق بمعنى الكلمه يُقدر و يُحترم وصاحب فكر راقي وعقل راجح وصاحب ضمير حي الإصابة في الشرطه كانت تطهير لروح من بعض الشوائب ربنا يجعلها في ميزانه.
طبعا انتم مش متابعين أموال الوالد ولا تعرفوا كتير عنها لكن الله يرحمه كاتب هنا كتير أنا عملت حصر للتركه وعملت نسختين منها نسخه ل أكرم و نسخه ل شروق  أما دُقدُق له عند الحاج مفاجئه .
نفتح الوصيه
بسم الله الرحمن الرحيم
أكرم ... شروق
نعم الابن و البنت جعلكم الله في ميزاني الحمد لله اتممت رسالتي نحوكم وقلبي راض عنكم ليس لكم في نفسي غير الرضا والدعاء من أب عاشق لكم واشهد الله إنكم وفيتم بِركم بي لكن يتبقى شئ واحد وهو الرضا بوصيتي وما فيها اعلم انني ربيتكم على التسامح والرضا بالقليل والحمد على مانحن فيه اطعمتكم من حلال وأطبت لكم المأكل والمشرب فعندي ثقة فالله وفيكم برضاكم عن وصيتي.
تُقسم التركه حسب شرع الله وكما أنزل سبحانه في محكم كتابه . هذا بالنسبة لابني وابنتي . أما حبيبي فله شئ خاص يحمله منذ فترة كأمانة عنده أخي وصديق عمري الأستاذ أشرف يقوم بفتحه الأن أمام الجميع .
ومن بعد فتحه يوجد مغلف اخر يفتح بعد المغلف الخاص ب دُقدُق.
بسم الله الرحمن الرحيم
دُقدُق انت راجل في سن صغير أبن بلد و الست والدتك عرفت تربيك رغم ظروفكم الصعبه لها مني كل تقدير واحترام كنت استناك تعدي عشان أشوف شقاوتك وسعيك لرزقك حسستني أن في خير لسه وطيبه في حارتنا عشان كده انا هارجعك الحاره اللي أنا أتولدت ونشأت فيها كتبتلك شقه ومحل في بيت والدي القديم كلامي لأكرم و شروق بيت جدكم من فترة اتهد و طلع عماره نصيبي فيه شقه تقريبا 120متر ومحل 60متر دول مني بنفس راضيه كتبتهم باسم دُقدُق لكن للأمانه انا معرفش اسمه دُقدُق ايه والعقد ناقص على أسمه انا وقعته بتاريخ سابق يعني هنا هايبان رضاكم عن كلامي والاستماع وتنفيذ طلبي أو رفضه وتنتقل ملكية الشقه والمحل للتركه بينكم لكن كلي ثقه فيكم وفي تربيتي لكم .
الشقه لاقامة دُقدُق و والدته والمحل للقشطه والعجميه ههههههههههه .
المغلف الثالث والأخير
استاذ أشرف لو ابنائي ايدوا الوصيه والعقد الخاص ب دُقدُق كمل القراءه وإن تم الرفض توقف و امشس في اجرات الوصيه حسب اهوائهم .
وهنا توجه الاستاذ أشرف لأكرم و شروق التي كانت أعينهم تفيض دمعا باشارة منهم في نفس الوقت ان يستمر وانهم متقبلين لدرجة ان شروق احتضنت ام دُقدُق و أكرم احتضن دُقدُق.
استمر أستاذ اشرف في قراءة المغلف الثالث.
أكرم انا عارف ان شروق هاتسافر لاسرتها لي عندك طلب .... طبعا سن دُقدُق تخطى الدراسه في المدارس لكني ارغب في إنه يتعلم القراءة والكتابة ويطلع على ماحوله من علوم أما الكيفية فتركتها لك .
طلب أخير حسين البواب كان راجل اصيل ومحترم معايا ومتابعني ماكنش بيسبني خالص اتمنى ان يقضي عمرة شهر كامل في رمضان تكفل بها من الوصية واسألوه الدعاء لي بالرحمة.
خلي بالكم من بعض ومن دُقدُق
السلام عليكم ورحمة  الله وبركاته
أكرم أنا هاستأذنك من نصيبي شطب شقة دُقدُق  و افرشها كمان.
وانا عن نفسي هاجهزلك المحل من كل شئ أنت أخ لينا من دلوقتي .
وبالنسبه لعم حسين بالله على حضرتك يا أستاذ أشرف حضرتك تتولى موضوع العُمره هابعته لحضرتك وقت ماتحب.
لا لا ماتشغلش انت بالك انا هاتصل بيه
بس انا عايز أكمل العقد الخاص ب دُقدُق
أنت عندك كام سنه يا دُقدُق .
دُقدُق في حالة صدمه هو و والدته من كل ماسمعوا مش هنا خالص في دنيا تانيه وامه تبكي وتحمد ربنا الحمد لله ربنا عوض صبري خير يارب لك الحمد تعبت كتير والمرض هدني لكن عمري ما يئست من رحمتك يارب.
أنا هاطلع البطاقه الشهر إللي جاي .
طيب إحنا خلاص متفقين على كل حاجه تقريبا .
أكرم انا مسافره بكره بالليل وعايزه استأذن طنط ام دُقدُق انها تسيب دُقدُق يخرج معايا بكره بعد صلاة الظهر.
خير ياشروق في حاجه.
أيوه عايزه انزل اشتري له لبس هو والحاجه لو هيا تحب تيجي معانا تشرف طبعا.
طيب انا اجازه وهاجي معاكم.
لا انت وراك مشوار تاني.
مشوار ايه
تشوف حد مقاول يشطب المحل والشقه ولا نسيت.
ايوه صحيح اتفقنا وربنا يجعله في ميزنا
لا في ميزان بابا قبلنا.