الجزء السادس

أيوه هوه
أكرم لو سمحت أنا عايزه أقابل دُقدُق قبل السفر.
لو سمحت يا عمو ممكن تأجل فتح الوصيه بعد إذن أكرم طبعا لما يحضر دُقدُق حتى لو أنا سافرت ومش موجوده زي بابا ماحب يفرحه بهديته المجهوله في الرساله الخاصه له و اللي نجهلها كلنا أحب إنه يحضر ويقولنا أيه الرساله ونعرف بابا بيحبه أد أيه في وصيته.
شروق كلامك رائع بنت بابا صحيح.
شوف ياعمو حضرتك تعرف بابا من كلية الحقوق وعارفه كويس وعارف تربيته واللي بابا هايقول عليه يتنفذ وأحنا كلنا نفوس راضيه كمان ماعنديش مانع أن دُقدُق يحضر معانا.
شوفوا ياولاد أولا أنا هابعت ل حسين البواب يحضر عندي هنا أو هابلغه بالتليفون بِما إنه حامل للأمانه من السيد الوالد الله يرحمه يتصرف ويجبلي دُقدُق عندي بكره زي دلوقتي كويس.
كويس جدا عشان سفري.
نستأذن حضرتك ياعمو وفي إنتظار تليفون حضرتك.
عشان خاطري تعالي أتعشي معايا في البيت وارجعي باتي في الفندق أو أرجعي الفيلا إللي يريحك.
أنت عارف إني مش برتاح أنا وساميه لها طبعاها الخاص بِفكرها وعقلها مريحها أنت زوجها ومتحملها بنت عمك إللي مافكرش مره يسال عن أخوه .
ياستي الله يرحمه الكلام ده فات عليه سنين وبابا الله يرحمه مسامح إنتي عارفه بابا مش بيشيل من حد ولا بيزعل من حد.
أنت كمان طالع زيه كام سنه متجوز ومتحملها بغباء عقلها و كمان مستحمل إنها مش بتخلف ربنا يجازيك خير.
طيب عشان خاطري فرحيني نص ساعه فقط.
هامشي متنرفزه وأنت هاتزعل مني ومنها إحنا أمام الفيلا نزلني أبات هنا بالله عليك وده قسم زي بابا ماعلمنا.
لاحول ولا قوة الا بالله حاضر .
تعالي كمان عشان أكد على حسين بالنسبه ل دُقدُق .
حسين أهلا ياباشا مساء الخير ياست الكل
إزيك ياعمو مبروك وعقبال فرحتك بيها أتفضل دي هديتي ليها.
كتير ياست هانم كفايه إللي عمله المرحوم وعلى فكره الألفين  جنيه السُلفه من الحاج هاردهم على شهرين زي وعدي معاها.
ياعم حسين هو مين كان يعرف بيهم غيرك أنت و بابا سيبها على الله واللي عندك هديه من المرحوم ربنا يبارك لنا في عمرك أنا عارف بابا كان بيحبك أد أيه.
متشكر جدا يا أكرم بيه كمان الحاج كان بيحب دُقدُق جدا مكانش بيبطل كلام عنه وأحنا بنلعب طاوله.
بالمناسبه أستاذ أشرف المحامي كلمني وطلب مني حاجه غريبه إني أتصرف وأوصل لبيت دُقدُق وأجيبهولوا المكتب بكره بعد العشاء.
ياريت يا عمو عشان نفسي أشوفه قبل ما أسافر.
مسافره أمتى ياهانم
بعد بكره زي دلوقتي.
على خير إن شاء الله أنا عارف إن أبنك أسمه على إسم المرحوم ممكن تبعتيلي صورته.
حاضر ياعمو من عينيه.
بعد إذن حضرتك.
شروق في حاجه نقصاكي قبل مانزل
لا ياحبيبي متشكره جدا ربنا مايحرمني منك.
السلام عليكم.
عليكم السلام أيه أخرك كده وطبعا الهانم ماحبتش تشرفنا بطلعتها البهيه.
أكرم ليه مش بترد عليا في حاجه حصلت  المحامي صدمك بالوصيه عمو فاضل ماكتبش لينا حاجه خاصه .
يووووووو بس بس أخد نفسي واهدى وأغير واخد دش وبعدين نتكلم.
ياسلام وأنا أستنى ده كله معرفش حاجه إزاي يعني
ليه ترابيزه مش بحس أتكلم بقئ ريحني.
ربنا يريحك من عنده ويريحني أنا كمان.
بتدعي عليا الله يسامحك مش هارد عليك أنا هاقدر أنك جاي تعبان ماشي هاستنى لما تغير وحضرتك تتفضل عليا بردك.
برافوا عليكي كان لازمته أيه من الأول هاتعشيني أيه.
النهارده يوم العشا بره البيت
مش هانتعشى بره
آآآآه يارتني بيت بره مع شروق أنا نازل.
ياسيدي خلاص عشر دقايق والعشا يكون جاهز عايزه أرتاح وأطمن ياباي منك.
مش هاشيل الاكل عايزه أعرف بقئ ونبي يا كيموووو حبيبتك وبنت عمك.
بابا الله يرحمه
يارب... ها وبعدين كمل
كان بيحب ويعطف على ولد غلبان
أيه كتبله الميراث بأسمه نهار أسود
يارب صبرني أسكتي شويه أخلص كلامي
المهم بابا كاتب له جزء من الوصيه خاص بالولد ده محدش يعرفها لسه أنا وشروق أتفقنا مع عمو أشرف المحامي مانفتحش الوصيه غير في حضوره عشان كده عمو أشرف هايبعت حسين البواب يدور على بيته ونقابله هناك بكره في مكتبه.
يا نهار أسود مهبب يعني أنتم ماتعرفوش الولد ولا المحامي يعرفه ولا أسمه ولسه هاتدوروا عليه علشان ياخد فلوسكم .
أكرم أكرم أنت روحت فين ياقلبك يا أخي هايجيلك نوم بعد إللي قلته ده.
ساميه ربنا يهديكي زي مادعالك المرحوم تعالي نامي.
ليه هو أنا مجنونه منا هاديه هاديه خالص
نوم أه هانام بس في أودة الضيوف هاموت منك ومن أختك .
أكرم حبيبي كيمو الفطار جاهز ياروحي تحب أجيب لك الفطار هنا ولا تفطر في التراس.
خير أللهم أجعله خير مالك يا ساميه في حاجه يا بنت عمي.
أيه بنت عمي دي فين سمسمه فين سوما.
مفيش بس عايزه أفطر مع كيمو حبيبي.
أنا خايف من إللي بعد الفطار نفطر في السفره أو في الليفنج.
أيه رأيك في الفطار
فكرني بأول أسبوع جواز
ياحبيبي أطلب بقئ براحتي زي زمان.
ههههههههههه كنت حاسس خير يارب.
حاجه بسيطه خالص ممكن .