طيف حبيبي
لما يمر لحظه طيفك عليا
ولا لما أشوف ليك ذكرى معايا
أحسك هنا جنبي في محيط إيديا
أضمهم عليك واهمس بحبك في كفوفي
وأقول يا دنيا تعالي شوفي
لهفتي عليه و كمان خوفي
أخبيك في عيوني و أغطيك برموشي
و أكلم روحي تفديك وأقولها عنه حوشي كل العوازل دول مابيرحموشي
وتعيش هنا في دنيتي ملك متوج
سلطان زمانك هنا دنيتك هنا مكانك
ياللي ترخص الروح عشانك
و أخد من بسمتك وحنانك تاج
لِمسك راسي أحنيها
و أنادي نجوم السما أغزلك منها تاج لولي وأدعي ربي من قلبي يخليهولي وأنتم كمان إدعُوله و ادعُولي
يفرح معايا والفرح معاه ربنا يكتبهولي
حسن سعيد إبراهيم
#أيكادولي
تعليقات
إرسال تعليق