آآآه يامه
و آآه يامه و آآه يامه
ويا أُمهم كُلهم والدنيا معاهم
صدرك ليهم حنان تِضُميهم
وأنا ليه نايم تحت رجليهم
قالوا أهل و عروبه تسميهم
أخوال و أعمام أنا بناديهم
آآآه يامه
ذكريات يامه أنا عايش عليها
راية العروبه أحلم يوم نعليها
أرضنا المغصوبه بالدم نحميها
وأرجع أحكي لأبني بطولاتنا نغنيها
آآآه يامه
ولدي يسألني عملت أيه لقضيتنا
يابا أنت على الفدا من الصغر ربتنا
لكن كبرنا و لسه عى الخد دمعتنا
لا قمة جابت حق ولا رفعت رايتنا
حتى تخت شعار واحد عمرها جمعتنا
آآآه يامه
يابني حرام عليك ماتعذبنيش
أنا عاجز و حيله بأيدي مفيش
بتقطع من جوايا مقهور لكن مابكيش
مِتكتف و ربك بالجهاد مأذن ليش
لو ولادك سألوك عن عجزي ماتحكيش
ربيهم زي ماربيتك القضيه ماتتنسيش
إن القضيه ماتتنسيش
حسن سعيد ابراهيم
#فدائي_مصري
تعليقات
إرسال تعليق