عيونك وطن

#عيونك_وطن

.وحياتي عندك فَتحي عيونك
خلي فجر نهار الروح يشقشق
خلي قلبي يهدى يبطل يدقدق
و أوعدك بهدوء هاسكن جفونك

..مقدرش أبُص لعيونك و فيها كل ده
عارفه إنك حبيبي و أنت عارف كده
عهد عليا أخبيك فيهم وبروحي أصونك

.أشوف صورتي فيهم
و بحناني هارويهم
وأدعي يارب خليهم
ماتحلى الدنيا الا بيهم
بس بلاش بالخجل تكحليهم

..يا حبيبي صدقني مقدرش
عيونك صعبه مابترحمش
الاقيها من مين سحر العين
ولا من سهم الرمش

.طيب هاقولك خديني جواهم
أتنسم و أعيش في هواهم
أنا غريب من غيرهم
تايه صدقيني في سواهم

..هاوعدك إني فيهم أسعدك
و تسكن عيوني ولا يوم أبعدك
يا تاج راسي لقلبي سكتك
على عرش قلبي هامجدك

.أعاهدك عهد و عهدي دين عليا
إنك يا روحي أغلى ماليا
ولا غيرك تشوفها عينيا
ولا ست غيرك في الدنيا ديا

حسن سعيد ابراهيم
#أيكادولي