انا ضهرك المطحون
#أناا_لمطحون
وعمري عشانك فدا
والغالي يهون
لجل عهدك أنا أموت
و أصرخ بأعلى صوت
إني لترابك أصون
يقولوا عاشق
يقولوا صبئ
يقولوا حتى مجنون
مانتي قاسيه عليه
طب ليه عاشق
هواكِ بلا حنيه
غباء ولا ملاغيه
معفره ترابك ليه يا بهيه
بحبك أيوه أقِر وأعترف
لكن دمعتي ساكنه عينيه
ماترقي يا زينة الصبايا
همك على راسي زاد
وأنا واخدُه عليها تاج
ساكن فيكِ لكن
أنا و أهلي بِعاد
هو عناد
أكون هنا على نفس الطين
ينبت ليهم زهر
وليا أنا شوك و أنين
طب خيرك بيروح فين
ماتقولي بس قولي
و أنا أخد سِرك معايا
آه آه آه يا أغلى من ضنايا
شوفي كده جرحك علم فِ الحنايا
نسيت كان أيه حتى مُنايا
منا مِغمض مِفتح عامِل مِش شايف
أيوه أِبنك ولدِك أبن نيلك
فارس من جوه لكن خايف
مقهور الحرف خاصم الشفايف
نفسي أعرف ليه بتعامليني كده
طب قولي ليه كل ده
هو أنا مش ولدك سندك عمدك
مِفرحه ليه فيا العِدا
خُديني ضُميني أرحميني مِن الحوجه
بلاها قِلة كرامه و مد أيد
جايلك بيبكي حتى الوليد
ليه مطَوعاهم في سكتهم العوجه
دول مِسلمين للغريب ولِلخوجه
مَسلوبين الإرادة متساقين سوجه (سوقه)
وي و أي من كل شكاوي الوجع
نادينا كتير ولا حد لينا سمع
عاميهم شيطانهم سقيهم غدر و طمع
يابلدي ماتنسي اني أبنك الجدع
وقت العُسر أنا يُسرك
وقت الأسر أنا حُرك
وقت الغزو تعالي ورايا أنا صخرك
أِصلُبي طولك إفردي غُصنك أنا ضهرك
أنا ضهرك المطحون
أنا ضهرك المطحون
حسن سعيد إبراهيم
تعليقات
إرسال تعليق