حكايه ليها العجب

حكايه وليها العجب .
كان ياما كان من ستين سنه عزبة في بلاد العرب كلها أوجاع أمراض ضايعه لكن في أرضها الخير كان ماليها فعلا أبدا ماليها .
كبير ورا كبير حسب كلام أهلها ماعرف ينميها .
أهلها نفسهم أتقاتلوا عليها مين يكون فارس نجاتها ولا يجوزوه ليها .
الله أكبر كان حارس في كتابه أرض الكنانه مسميها.
رسولنا أتجوز منها و عيسى كمان مر بأراضيها.
ويوسف الصديق حكم وكان على خزائن الخير بأمر واليها .
وأبو الأنبياء جاريةُ هاجر مصريه في الحج مناسك بأسمها نحيها.
مرة علينا من السنين عجاف و غدر من سم الزعاف .
ولا حد غيرنا للهم يوم شاف.
وجالنا من بعيد نور فجر بيحي فينا و ف شببنا العزيمه ولأمل.
بيقولنا يا ولاد بلدي شدوا حيلكم دقة ساعة الهمه ومعاها إخلاص في العمل.
بس الأول عاهدوني تكون ضهر وسند ننضفها من كل سوء ومن عدوها المحتمل.
عاهدناك وكلنا وراك حملك كبير وصبرنا أعظم من الجمل.
بدأت أولى خطاوينا
وكل العالم  بيتعجب علينا
كتبنا تاريخ من جديد
وأرض الكنانه فيها شريان وليد
قالوا من أول شهر هايعُم خيرها .
إللي كان مسلوب منها لغيرها.
شاركنا فيها كلنا وبعزم وقوه حفرناها
و بطولات في الإخلاص سطرناها
و أدينا بنحصد خيرها بعد ما بعرقنا رويناها
و الجديد طفل كمان وليد
قالوا إنه لما يكبر ده يوم علينا عيد
هانعمل عاصمة تنحني لها الهامات
فخر وعزة لتاريخنا زي الاهرامات
أنتم نسيتم كام واحد لأجل القناه زمان مات
دي ضريبة المستقبل لاجل ولادكم لو هانعيش  20  سنه ع الفتات
طيب حاضر نشتغل عشانهم ونتألم كمان بس في سُكات
حد فاكر عزبتنا إللي الأمراض والأوجاع ساكنه طينتها
طيب وسط المشاريع عايز مستوصف مجاني يداوي يمسح عن أهلها الدمعات.
معايش والله أداوي الواد ولا حتى أستُر من ولادي البنات.
طيب ممكن أضحي و تتحملوني و أمضلكم على شيكات.
و أهي هانت فات من ال 20 سنه صبر دقايق و ساعات.
ولا ممكن تبعتولي رسايل مساعده حتى لو من زكاتكم 5 جنيهات.
يا جيران العزبه خيرها مش لوحدها خيرها لينا كلنا
هو أنتم من البلد دي عايشين فيها ولا انتم ضدنا.
الراجل حمله كبير والغدر منكم ليه بيهد حلمنا فيه .
همنا وحلمنا دين واجب عليه واحنا باروحنا منكم نفديه .
شوف يا عمنا سجل في كشوف حرسك إسمنا معانا ولدنا و بنتنا .
حسن و جرجس محمد و بطرس
شروق و معاها مريم ماهيا أختنا .
نعاهدك لو راحة الميه نروي أرض عزبتنا بدمنا
هو إحنا بس نغني ليها دي أُمنا و حضننا و وقت الجد نهرب مفيش مننا .
ياولاد بلدي
خليكم على العهد و تعالوا نقوي عزم بعضنا البعض .
ولا نسيب ضهرنا لخاين ولا لخسيس يعض فينا عض .
آه انا معاكم كان فيه حاجات أهم من حاجات .
لكن وقت الندم علينا عدا و فات
نبكي ونموت حسره نحضر الكفانات
ولا نقوم تاني نتحدى كل العقبات
يالا بينا كفايه ندم وامسحوا الدمعات
نفسي مره أسمع منكم ضحكات
انتم و ولادي قبل الممات .
يارب أرحمنا و اكفينا شر العثرات