رساله الي الوالي

رسالة إلي الوالي

من قلبي جناب الوالي بشكيلك
ماهو مين لينا غيرك نحكيلك
حملك تقيل بس شد حيلك
شيلت همومنا يا فارس جيلك

راح أقولك وانت أكيد عارف
ان في خسيس من قوتنا غارف
وعلى ملذاته ببذخ صارف
ضمائرهم سوده وحل مصارف

يا كبير بجد الحال علينا خطير
تعبنا من ربط الحذام والتدبير
لدرجة أكلنا لحم كلاب و حمير
و رجال السرايا لآثارنا بتعمل شير

حتى المم بيدفع فيه رشاوي
مسؤل كبير للحرام غاوي
بسيف العدل تذبح تداوي
خلصنا من كل خاين سماوي

صورتك راجل مقاتل وإحنا وراك
مليون أيد و أيد معاك مساعداك
أبعد عنك كل خاين روحه معجزاك
واحنا وراك فداها وكمان فداك

عهد علينا وقت الشده تلاقينا
بس مش في النار وحدينا
فيها ناس وانت عارف إللي خافي علينا
عنهم ربنا يغنيك وإحنا كمان يغنينا

رسالتي ليك من إبن مؤسسة الرجال
اللي لا يعرفوا خنوع ولا محال
لو طلبت #مصر أرواحهم فدها بلا جدال
فداها بلا جدال

فدائي مصري