من حقي أحلم
من حقي
أحلم بأيد تشد أيد
عامل يساعد مهندس
في حِلمهُم الوليد
و من حقي كمان
أبني بلد و من خيرها
أعيش يومي مُعزز مُكرم
بدون أملي ما يتهان
من حقي
أحصد في ولادي بُكره
فرحه لقلبي كانت
حِلم عِشته ليا من زمان
ولا مش حقي
لا ده حقي و حق كل مواطن
إنه يعيش بُكره و إمبارح
بروح تبني سنين أحلام
يتصاحب على الأيام
ويتعاهد مع حِلمه يسعالُه
بإخلاص و يكون فارس هُمام
تنور بنور جبينه الدنيا
وتتحقق الأحلام
تعالو سوا نتعاهد ونتواعد
نساند بعض
وقت الجد مفيش واحد وحده
واقف في وش الريح
كتفي بكتفك نشيل مع بعض هموم
نداوي جرح إمبارح
ونعيش من الهنا يوم
وناخد من فرح يومنا نزرع
منه في بُكره وحصاد زرعنا
لولادنا ولاحد منهم فِالهم يعيش
من حقي الحِلم يكبر ويعيش
حسن سعيد أبراهيم
تعليقات
إرسال تعليق