كان عادي جدا
#كان_عادي_جدا
كان يجرى أيه لو أتقابلنا من سنين
ولا كان يجمع هوانا يوم الحنين
كان لازم ندوق المُر كاسات
كان لازم نغني الفرح آهات
كان عادي جدا
لو جمعنا الحب والنصيب
ولا كانت شمس دنيا هاتغيب
كنا أكيد حالنا أتغير للهنا
ولا كنا عشنا الحزن في لحظنا
كان عادي جدا
السما هايجليها ليل وبعده نهار
وتجري المايه عادي تروي الازهار
والا طفل يفرح و يكبر مع حلمه
و أيد حنينه في الحزن تضمه
كان عادي جدا
كنا أكيد هانعيش الحب عُمرين كمان
لحظه حب وحنان لحظه هدوء بجنان
كنا أكيد حياتنا طعمها يتغير سُكر
وأعيش معاك الحلم من غير مافكر
كان عادي جدا
إنك تكوني من الدنيا نصيبي
وعادي كمان تقولي أنك حبيبي
لكنها الحياه نجري وجرينا مكتوب
نعشق وتعشقنا لكن تخدعنا قلوب
والمكتوب أنك صعب تكون لمحبوب
هو يتخدع من غريب وأنت ولا تتوب
كان عادي جدا
حسن سعيد أبراهيم
#أيكادولي
تعليقات
إرسال تعليق