ماوفاش
وانت مفارقني أرمي وراك ذكريتنا معاك ماتخليهاش
وأنا كمان هابيع كل إللي كان منك حتى لو ببلاش
لأنها للأسف خلاص مالهاش مكان واللي باعني مايسواش
أرمي وراك أشواك ولع في كل أخضر أحرق زهورنا ماترحمهاش
أصل إللي يبيع مره يبيع كتير لأنه عمره مره ماشتراش
صدقني بطلبها منك تسرع في خطوة فراقك أرحل ماتستناش
ليك قلب ياخساره جبار لا يعرف ندم وعلى قسوته أبدا مابكاش
قتل حاجه في مهدها ماتقولش حب ده قتله وكمان ماسماش
مايعرف إخلاص ولا عشره إللي أتربى على الخيانه واللي فيها عاش
صدقني محيت أيامي معاك والدقايق حتى الثواني وكأننا ماتقابلناش
كان بينا عهد والعهد أنا صونته وفيت وهو خاين للعهد أبدا ما وفاش
أبدا ما وفاش
حسن سعيد ابراهيم
#0000
تعليقات
إرسال تعليق