حلم الغلابه جحش
ماتخافيش ولا قولك ماتضحكيش
اصل الجحش بكره يكبر واللي عنده امل بيعيش
طب هاقولك بس يابت هانت لكن ما تعيطيش
العمر بيعدي واحنا عيال لا جحش يكبر حتى الحلم مابيجيش
عارفه نفسي اقولك خليكي كده انا صغير في حلمي وانتي كمان ماتكبريش
أصل الجحش زي ماهوا مابيكلش علف ولا فيه أكل غير الحشيش
ولا اشوف ابويا يكلم ابوكي نتلم في بيتنا و في اي ؤده هناك ممكن نعيش
يا إمه تستنى الايام تعدي والجحش يكبر نبيعه ونبني ؤده من غير عريش
ونعيش على اد حالنا الغطا تغطيني واغطيكي نسف ملح عشان مفيش عيش
اصل امك وأمي نفسهم بينا يفرحوا بس مافكروش ازاي هانصرف من اليوميه ولا البقشيش
طب تعالي نستنى حلو بكره اللي من عمر جدي مابيجيش
مالك يابت حالك عدم قوسك اتحنى والشعر شاب و سنان مفيش
ماقلتلك اصبري شويه ليه انتي مابتصبريش
قلتلك خليكي هنا واستخبي خلي الايام تعدي وليها ماتظهريش
عمرك بيعدي وعمري معاكي والحلم غايب زي الفرح علينا مابيعديش
راح العمر والحلم مات وجريت الايام والشيب مابيرحمنيش
يابا الحاج من امتى بيقولي افرحي وماتبكيش
البنت بنت صاحبتي جالها العدل شاويش في الجيش
واحنا خطوه واحده نتمناها في طريقنا خطوه واحده ما بنمشيش
طيب طول النهار رايح جايه عشان اشوفه وهو ع القهوة تعبت من حش الحشيش
ان الجحش يكبر ابدا مابيكبرش ان حمل الحشيش كفي مابيكفيش
ان امي ترحمني يابت الاصغر منك اتنيلوا وانتي ليه ماتنيلتيش
خليكي كده زي البيت الوقف لاحد يعمرك والعمر يعدي ولا تتسكنيش
يابت نفسي بيكي أفرح اشيل ولدك قبل اروح ولا اجيش
ابوكي تعب منك مانتي الوحيده ياوحيده لا ابن ولا بنت وانتي لسه ماشلتيش
يامه كفايه حرام هو انتي من سم الكلام ومراره ما بتتعبيش
خلاص يامه هاتكلم معاه وربنا يقدره إحنا ونصبنا وبجودك ماتبخليش
انتي عارفه جيلنا يامه اتظلم ابوه اتخصخص وطلع بدري وشغل مفيش
قالوا نصبر وادينا صابرين وعد الايام تتغير بتتغير لكن الفرح ما بيجيش
ونبي يامه ارحميه وارحميني عارفه عشان كده مابيجيش فامتحكيش
يامه ماتحكيش
حسن سعيد ابراهيم
#أيكادولي
تعليقات
إرسال تعليق