سدد ديني يابني
#سدد_دَيني_يابني
أحلامنا ولبست توب مجدول بحرفنه
قالوا عنه له شبيه يشبه حبل المشنقه
بأدين ناس قلوبها تشبه قلب المدخنه
أرواحنا في أحلامنا فالخيوط متشعلقه
ناس كمان جباروت لابسه وش المسكنه
حلم هنا حلم هناك في كل حتة مِتبعزقه
أحلامنا مننا و اتسرقت حلم بعد حلم
ضغينه و عكننه
والايام بتمر شبه بعضها يوم بعد يوم
سنه بعد سنه
واللي وصل مين لحلمه المستحيل مين
أنت ولا أنا
طيب يمكن حد غيرنا من قبلنا حقق حلمه
أبونا ولا أُمنا
كله داير في دايرة المشنقه تقتل حلم تقتل أمل
تشق سواد الليل بصاروخ الأمل وأنت راكب عَجل
حتى إللي كان أملك فيه يوم تبنيه لاجل البلد بيحاربوه
وهبت ليها الولد والبنت يكونوا ليها سند مظلوم يا أخوه
قال يا بابا حلمي بره هناك مش هنا ليه إنت مصمم
يابني أنا كان حلمي أروح شهيد هناك أتعلم لحلمي تِتمم
معاك أخوك و أختك وحلمي إللي إتشنق إوعاك تنسوه
ولا إياك يحطموا فيك الإرادة وفي اخواتك يقتلوه
من هناك هادعيلكم وقول يارب يسدد دَيني على إيدكم
و كمان أمك على عهدي باقيه تصلي وبِدُعاها تِساندكم
سدد دَيني ليها يابني وعلى دَيني و دِينكم الله يعينكم
حسن سعيد أبراهيم
فداك يابلدي
تعليقات
إرسال تعليق