فاكر عيونك
فاكر عيونك وكلامهم
لسه فاكر إتجاهات سهامهم
كنت برمي روحي عليهم
وأقول نبضاتي رمش صابهم
كنت بستنى بشغف لحن حرفك بشوق
وأنت بتكتب السلسبيل وأنا ارتشف دوا العليل
كلمات من نهر وحيك مع إبداعك
و أرد أنا بكلمات تمحي أوجاعك
أيوه كنت في حلمي من سنين أشوف عيونك
كنت أتمنى أكون أمل ليك ولا في ظنونك
إني ليك
عمرك لو يسبق سنين عمري عشانك أزيده
ياللي عمرك بعد عمري لكن أنت لقلبي وريده
أيه الفرق بين السنين تزيد ولا تقل
المهم أنك ساكن هنا ياسيد الكل
وحي من حضورك و إحساسك مداد
وكلماتي عنك وليك حب و وداد
لكن و رب العباد
إحترامك فاق حدود البلاد
كل أملي منك
كل حلمي أنك
تقرأ بس كلامي
تحس بروحي وهيامي
قول عليا سارق قول حرامي
هاسرق من عمرك سنينك
وأعيش هنا في عينك
ياللي السما بيتك والقمر جبينك
قولي من زمان أنت فينك
حسن سعيد ابراهيم
#أيكادولي
تعليقات
إرسال تعليق