آخر الكلام
#آخر_الكلام
رساله مني للي كان زمان
هنا فقلبي ساكن له مكان
نقطه ومن الأول هاعيد ترتيب بينا كل الكلام
بأديك مسحت كل حاجه حتى صدق الغرام
كلامي ليك أنت أيوه يالي قلبك من جبل رُخام
ملمسك ناعم حرير ألوانك ولا ريشة فنان لكن صماء
لا تعرفي ندم ولا يأثر فيكي ملام تُجيدي فن البُكاء
عشقتك أيوه بَعترف هروب من الآلام كل نبضه عناء
أسمعي وكلامي لازم تفهميه أنا وحدي إللي يتحملك
أنا وحدي إللي عايزك و نصف روحي بس إللي تكملك
وعشان أنا عايزك تكوني ليا خلاص ناويت أحاسبك و اهملك
غيبي عن أرضي و ارحلي
هم مع ندم دفاير أجدلي
لذكرى بينا بعيونك أتأملي
قدرتي تعيشي روحي وكملي
دموعك خليها قُلتي إنك تتحملي
قلبك الجاحد لكل صبر مني عليك
كتير ناداك وكتير تبعد وياخد إيديك
أنت لسه شوفت حاجه ناويت أوريك
الفرق بين الحنان وبين غضب يكويك
أصبر عليا وشوف أنا ناويت أربيك
كل حب بينا كان
كل شوق من زمان
مين أشترى و مين هان
قلبي حبك وقلبك إستكان
مش عارف تحب ذنبي أيه
علمتك قربت منك قولي أعمل أيه
أخد بأيدك أفهمك طيب فاضل أيه
تغلط تبكي وتندم أسامح تغلط تاني ليه
هو أيه فاكر قلبي أيه
خلي بالك من إللي ناويت عليه
لازم أقسى عليك
وده آخر كلام ..... سلام
حسن سعيد أبراهيم
تعليقات
إرسال تعليق