فداك ياوطني

فِداكَ ياوطني

ومنين أجيبلك رومانسيه
و انتي شايفه بعينيكي
راح وانتهى زمن الفروسيه

لا عاد فينا أدهم ولا عُرابي
ولا مال يكفي مهرك يابهيه
و نسينا امجادنا و تاريخ الأيوبي

رعرعوا فينا الشجب و الأدانه
وقالوا ندعي عليهم
أكتب حُب إزاي وأنا في مهانه

وانتي يامه تفرحي بيا عريس
طيب أفرحي بيا شهيد
لما يغور عن فؤاده عتريس

وطنا العربي كله لابس طرحتها
و ترامب بيرعا ويتحكم فينا
يارب قربنا ليك واكشف عن العرب خيبتها

اما أنتي يا حبيبتي راح أكتبلك رومانسي
إسمعي كلامي ده وصيتي و أمانه في رقبتك
يا أم ولدي ربيهم على حب الوطن أوعي تنسي

قولي أبوكم راح فطيس ممات شهيد على الجبههَ
لكنه وقلبه كان كل يوم هناك بيستنى ويطلبها

علم أجيال وهما يعلموا غيرهم
إن الشهاده يوم سعيد
يمكن ياخد أجر شهيد منهم
يمكن آخد أجر شهيد منكم

حسن سعيد أبراهيم
فدائي عربي