بهايم بلدنا

بهايم بلدنا خُرس مالهم صوت
واللي صوته منهم يطلع يموت
زي شعبنا واكل شارب شُربة حمير

وان يوم عملت ناصح تفكر
مزاجهم منك اكيد يتعكر
ادخل يالا مربط الحمير

ولا بكلامك يوم تستنكر وتشجب
عمرك ابدا لحد منهم راح تعجب
يقولك مركب في خشمه رجل حمير

طيب يا خلق هو هيا مش بلدنا
و مصيرها يوم تكون لولادنا
ولاد مين الساسه ولا ولاد الحمير

دول جحوشكم يعني من نسلكم
هو في جحش يهرب من حبلكم
أرجع جنب صف أخواتك يا بعير

واللي منكم راح يثور يوم علينا
راح نعمله ركوبه في العزبه لينا
و تلهبه من عذابنا نار السعير

كل واحد فيكم معروف ديته أيه
إللي رشوة و اللي رقصه صح يابيه
و من المعرة تُعرف يابني أكيد العير

اللي عايش على رأسه بطحه وحاسس
و إللي لينا في قوتنا بالسم داسس
وإحنا لِسانا أخرس لا شكوى ولا تعبير

حسن سعيد ابراهيم