انا السمره

أنا السمره بلون بلدي
وعطري من عطرها
الفواح ريحان وردي

عيوني السود بحر غريق
ورمشهم جارح بيألم غريب
يقتل ويصيب القلب حريق

زادي و زوادي لقمه حلال
وفارس يعيش معايا ملك
وانا أميرة الحسن والدلال

كفوفي ليه مهد عشانه أحنيهم
وجه صبوح نهاري و مساه
وبسمه على الخدود بحب يرويهم

بيتك يا حبيبي جنتي نعيش فيها
و أسره الحنان والود أساسها
و سوا سوا مع بعض نراعيها

دورك أنت عارفه و دوري كمان
تتعب تشقئ الله معاك
برضا ربنا أكيد راح نعيش بأمان

حسن سعيد أبراهيم
#ايكادولي