طاهر بين نفوس العُهر
أنا وصاحبي و شوالي عشرة عُمر
أللملم بدراعي يبلع شوالي القهر
ماهو صاحبي دراعي والحمل فوق الضهر
حافي في أرضكم طاهر بين نفوس العُهر
كل إللي حِلتي بنطلون وعليه سُتره
ناس عريانه بفلوسها ماتعرف سُتره
أرواحهم رغم الغِنا محبوسه مش حُره
الضحكه فوشوشكم نفسكم في مسره
راحل عن أرضكم فايتهالكم منوره نار
لا أنا حاببكم ولا عايز منكم ليا جار
ولا بحلم يكون لي جنبكم لو دار
قُربكم مني هم هابعد عنكم بالمشوار
بين الطُرقات أخترت أنا أعيش
دُنيا والحمد لله حظي فيها مفيش
وإن صِعبت يوم عليها أقولها ماتبكيش
خسيسه يا دُنيا في نظري ما تسويش
يا شاغل بالك بالدُنيا وهموم بُكره و مافيه
حِملك ثقيل عليك روح لربك توكل عليه
أيامك وأحوالك مرهونه بطاعتك يوم ليه
ماتنسى حسابك يوم القيامه راح تعمل أيه
حسن سعيد ابراهيم
تعليقات
إرسال تعليق