متشكر منك
متشكر منك
قلمك علم واترسم
ع الخد كفك صحيح
استاذ في درسك
شرحت الآلام
من غير تجريح
وسط الهم هموم تكفيك
شبعت ولا لسه
دموعي بترويك
آسف على غبائي
فهمتك متأخر
ياخساره
حققت في قسوتك
مركز أول بجداره
بنيتك وعَليت من شأنك
على حسابي
لا ينفع فيك لوم
ولا هايجيب نتيجه عتابي
أبعد عني الله يخليك
خليك هناك من بعيد واتفرج
ياستاذ تلميذك بامتياز أتخرج
راح أرد كل أفعالك هاوريك
وحياة كل لحظة ندم لا بكي عينيك
تجيلي بالراحمه و بكفنك مادد إيدك
مش هارحمك ولا هاظلمك واسيب
الزمن اللي يرد عليك
حسن سعيد ابراهيم
تعليقات
إرسال تعليق