إهداء للقوارير
إهداء لكل ست شقيانه في بيتها
أمك بنتك أختك زوجتك
أهلا مرحب بيك خدمتك
يا سي السيد في مملكتك
تؤمر على راسي ياسيدي
أخلص بس إللي في أيدي
يووه ذهقتيني إيه عني شاغلك
مدهوله وبشوفك زي بيت أهلك
مفيش مره الاقي أحمر ع الخد
ولا قميص يظهر جمال الروح و إلأد
طيب يا حبيبي مش كنت تطلب ولا تقول
أنا في البيت خدامتك أصبر بكره تنول
صباح الخير يا مراتي
ع الشغل كالعاده يوماتي
تروح وترجع بالسلامه يا حياتي
ياباي رساله مُسجله أسمعها يوماتي
أستر يارب خير يارب البيت مِتكركب
والصاله يانهار تضرب وكمان تقلب
غدا الظاهر كده والله أعلم مفيش
والأطباق في الحوض وأطباق النيش
والفَرشه فكل أوضه فوق بعضيها
والسفره كمان جايبه عاليها واطيها
أستر يارب خير يارب
الحمدلله إنك بخير يا حياتي
مالِك خير أبدا مفيش ياحياتي
أيه المنظر الغريب في البيت ده
حد سرقنا و كده ولا كده وكده
أبدا ياروحي قومت من النوم كسلانه
شايف الميش عملتهولي جارتنا فُلانه
والباديكير روعه بجد تِسلم إيديها
كانت عايزه تعملي كمان زي رجليها
قومي فزي ديب ياكلك
ميش أيه وزفت إيه من أمتى ياهانم
ده كُله
راح أطلب أبوكي والعيله وكمان أخوكي لازِم أقوله
يا حبيبي مش دي طلباتك هات لينا الغدا دِليفرلي
وإيه رأيك نتعشى كمان وحدينا أنا وأنت عند مارلي
لا دانتي أتجننتي ولا يكونش بيتكم وحشك
لو غاويه طلاق من عيني ولا أمسك فيكي ولا حايشك
أسمع بقئ عشان تعبت أنا مِنك
داخل طالع ليمونه تحت سِنك
طهقان قرفان مخنوق مضايق
ذهقان م البيت كمان مش فايق
أريحك إزاي بس قولي ياعمنا
حرام عليك كل يوم تحرق دمنا
تعبت مع ولادك تربيه و مذاكره
روحي نسيتها والله مانا فاكره
تطلب أنفذ طلباتك
يمين شمال وحياتك
سلمت أمري لِأومرك
أتهندم ماترحم من جمرك
أشوف إللي ورايا تنفخ و تتذهق
أشوف حالي في تفاصيل البيت تدقق
كنت مربوطه ليكم في ساقيه ألِف وادور
وعايز ترجع تلاقيني من الصبايا الحور
طيب أرحمني و ماتنسى بنتك
بدل جوزها مايقولك يا خبتك
أنا عايشه ليك وبيك خدامه و ملكه
أضحك في وشي تهون ضلمة السكه
ومشوار حياتنا يطول يطرح بساتين
تكون ليا الروح و أنا ليك العين
مش عارف أقولك إيه غلبتيني
طيب لسه على وعدك بتحبيني
طبعا أنا ليا مين غيرك يانور عيني
حسن سعيد ابراهيم
رفقا #بالقوارير
خليكي #قاروره
تعليقات
إرسال تعليق