خلاص راحل

خلاص راحل عن شط كان يوم يجمعنا
ولا عن حلم لينا على الرمل مره رسمنا
خلاص كل خطوة عنك ببعد و مش راجع

شايف أمواج شطنا من ظُلمك بتجف تاني
أد إيه كنت في هواك مجروح صابر بعاني
كل مره أسامح كل مره أجني بس مواجع

شطك سكنه الظنون نبضي عليك بيهون
كنت عاشق مجنون لقلبك إللي بيخون
أتاريك في الخيانه أستاذ وليك مراجع

ذكرياتي معاك ياريت من جواك تمحيها
و ذكرياتك في ليل عاصف أنا هارميها
قراري في هواك أخذته و مش هاتراجع

حسن سعيد أبراهيم
أيكادولي