بين الحروف

المقابله كانت بالحروف

أتقابلنا أيوه ألتقينا آه بره الحدود والمسافات لا شربنا شاي ولا قهوة ولا حتى سألنا جرسون نشرب أيه لأننا يا خساره ماتواجهناش .

المقابلة كانت في منشور علقت على كلماتي و كلمه منها كلمه مني هزار في جد داخل الحدود من الاحترام إحنا الاتنين ماتخطِنهاش.

حَكتلي وأنا كمان ماخبيت عنها الحقيقه قلت كل حاجه عني إللي في حوار واللي في قصيده حتى مشاعري بيها عنها أنا ماخبِتهاش.

قلت بين كلامي أنها قريبه مني فهمتني من ردودها من هزارها من كلام جواها بين السطور تقوله أفهمه حتى أني ولا مره ماصدقتهاش.

كلامنا يطول ممكن ساعات تعدي بينا مانحسش نقول الوقت بينا فات واليوم عده علينا نحكي ونحكي وكتير حاجات لسه جوانا اكيد ماقولنهاش.

نسكت و لا نكتب ولا نرسل تحس إننا في حالة ثبات كل منا يسمع صمت التاني تغني بقلبها و بنبضي أدندن ألحاني إللي غيرها ماسمتعهاش.

مَدت أديها ليا لما حست أني كتير محتاجلها جنبي غريق بينادي كفها
رغم أنها أنقذت روحي من الغرق لاكن إيديها ماصافحتهاش

خَدتني غريق في شطها بين أمواج عِشقها عايش فرشي مِسكها وشمسها نورها لروحي يدوايها من الجراح إللي عِشتهاو نور شمسها ما يتخباش

خايف أقول أمام العالم أني بحبها يحسدوني عليها ونفترق أصل الحلو معايا مالهوش نصيب وكل شي جميل قبلها كان معايا مابيستناش.

لو عايز تعرف هو حَبها  أيوه بيعشقها أبعد من الحب بحب كمان لكن من خوفه عليها لو سألته تبكي عينيه من خوفه عليها يقولك إنه مابيحبهاش.

من زمان وهما كده بينهم كتير مشاعر و أحاسيس والداخل بينهم خارج تعيس بيحبها الحب العفيف النفيس تخيل إنه بالحروف ياحرام ماحضنهاش.

ولو عرفت إللي بينهم أو قرأت مابينهم تقول عنهم روايات وحكايات لكن والله أعلم إللي بينهم كتير يفوق الوصف والظنون و حبهم جامح ماخلاش

خليهم كده على عهدهم عايشين والناس بكلامهم للجحيم لا على بالهم و لا هما شاغلين أصل الكلام مش بيخلص وكلام الناس ما يسواش.
كلام الناس مايسواش

حسن سعيد ابراهيم
#أيكادولي