لا ونبي بلاش
لا ونبي بلاش ونبي
خلي النضاره
يا طُعم في سناره
مقدرش على كده
ده حتى حرام
مش فكتاب الغرام
عيونك تهبل
وكمان تخبل
اربطوني بحزام
ماتيجي تعالي
أنول إللي في بالي
آه يالا ياخال بسرعه أوام
رمشك ساحر مكار
عقلي راح من الأفكار
ماطولتك حتى فِالأحلام
خد وعد مني بإخلاص
وأنت قول موافق خلاص
نرتاح وكفايه علينا ملام
عاجبك كده حالي
تفرح فيا عُزالي
خدنا أيه منهم غير كلام
تعالى بقربك صالحني
مانت بقسوتك جارحني
تعبنا أنا وأنت من الخصام
أيوه حبيبي وماليش غيرك
عارف إن حُبي سر ف بيرك
هانعيشه أمتى... وإحنا حِطام
لا يا غالي راح الزعل و العتاب
دُبت إنت ولا قلبي أنا إللي داب
مانسألش المهم اننا نعيش في سلام
حسن سعيد ابراهيم
#أيكادولي
تعليقات
إرسال تعليق