مش بأيدي
#مش_بأيدي
أنا أسف وسامحوني
ياريت بأيدي
كنت أدفيكم بحضني
كنت ولعت عشانكم غصني
لكن مش بأيدي
دعوتي من قلب
عاجز حتى يلعن الخوف
إللي ساكن ناس كتير
أو حتى يلعن حاكم
ولا يسب أمير
مش بأيدي
لكن بأيديهم يشجبوا
ويبنوا قصور وملاعب
أيوه بأيدهم يشتروا مصارعين
و أنتم في البرد جوعى عريانين
ياريت بأيدي
كنت جبتلكم بطاطين
بدل العار وشيل الطين
فين رجالك يا حطين
ياريت بأيدي
كنت قلتله تعالى
و أضرب ضربتك هنا
في ضهرنا المصلوب المسنود
على جدار مايل
على عيل بنتحايل
مش بأيدي
يرمي جنيهات ولا ريالات
ولا دينارات
يستر بيها لحم البنات
اللي بتموت في المخيمات
لكن مش بأيدي
يارب خزلناهم
نايمين في سلام
ومن الدفى حرمناهم
مالهمش غيرك
عشان مش بأيدي
مش بأيدي
حسن سعيد ابراهيم
#انا_اسف_سامحوني
تعليقات
إرسال تعليق