خطوتين
كل خطوة منك للبعاد
بنمشيها خطوتين
خطوة منك في أتجاهك
وخطوة مني في أتجاهي
ماخلاص بقينا في أتجاهين
مابقاش بينا تفاهم إنتهى
واللي بينا راح في سكتين
ياخدك عنادك تطاوعه
قلبي يريدك ألاوعه
وأنزل دمعتين
خليك هناك في طريقك
وأنا راح أكمل وحيده
و أداري الدمعتين
بُكى القلب يا خاين
أصعب من بكى العين
خلى الخطوة بينا
خطوتين خطوتين
في طريقك دوس على كل إللي كان
إياك مره تفتكر وتقول زمان
كل إللي كان عندك هان
وعندي إنتهى فِكلمتين
يالا سلام أيوه سلام
خساره فيك الدمعتين
وأنا كمان هاخد طريقي
في البعد عنك أيوه نويت
وحدود بيني وبينك كمان بنيت
ألف حارس كمان واقفين
لو يوم حاولت تقرب خطوتين
كل اللي بينا راح ومات من سنين
خليك عايش في وهمك
أن قلبي عليك حزين
كانت دمعه وانتهت
أتبدلت ضحكتين.
عليك أنا مش راح أبكي
وأنت أبكي أبكي
أبكي بأنين
يسمعك كل خاين
يبكي زيك سنين
كلكم زي بعض نسخه واحده خاينين
نسخه واحده كلكم خاينين
حسن سعيد ابراهيم
#أيكادولي
الثلاثاء 29/يناير/2019
الساعه5مساءٍ
تعليقات
إرسال تعليق