بتتحداني
بتتحداني ..... أتحداني
تعالى نعاند بعض ... عناد
تبعد و أبعد.... نعيش بعاد
إياك تستناني ..... عمرك
عيشه براحتك.... مش هاستناك
اللي ليك عندي أنا عملته
وحبي ليك مع اعتذار ..... قدمته
أنك تتكبر والكبرياء.... ياخدك
خليك وراه حافظ ...... على كرامتك
و أوعدك أنا كمان..... أتحداك
لا اسأل فيك..... ولا أجري وراك
لملم كل الكلام ..... عن العشق
....... عن الغرام
لملم حتى من ايدك كل سلام
أقطف اي زهرة بينا
وازرع بينا خصام
ناديني قولي يا جاني
وأنا هارد عليك حرام
شايفني جاني شايفك
ظالم حُكمك حرام
واجه نفسك و جفافها
مين قتل للروح شَغفها
دبلت جنتنا
إللي كانت بيتنا
لا حد عاشها ولا حد شافها
خلاص
عناد بعناد
هجر ببعاد
دور بين كلامنا
لو كان بينا ميعاد
لو جيتلك هاجي أواسيك
في ذكرى ماتت كانت ليك
و أقولك هناك أبعد بعيد خليك
أرجوك خليك
حسن سعيد ابراهيم
#ايكادولي
تعليقات
إرسال تعليق