حسن الخاتمة
#حُسن_الخاتمة
طول عُمره سِكير ماشي بِحاله لِحاله لا شاغله بيت ولا زوجه ولا إبن مِتغرب ولا بِنت في سن جواز .
الأم تِلملم وتحاجي على ولادها ربنا أكرمه بِزوجه مُحترمه ممكن تكون سبب للهدايه
لكن مليون خساره.
الأبن في الخارج يتعب ويشقئ ويبعت فلوس للأم تحوش تشيل فلوس الأبن. والراجل حاله مستور بيصرف على ملاذاته بدون حساب.
الأبن بعد سنه و أتنين قال يا أُمي جمعتي كام معاكي ردت يابني الحمد لله رزقك واسع وربنا مبارك فيه قالها دول عُمره أنتي و بابا.
الست عشان أصليه ومن ربنا قريبه ضحت وقالت لأ بابا يطلع حج أحسن يمكن يكون سبب في التوبه عن ملاذاته
وافق الأبن وكملها فلوس الحج رحمة بأبوه و بِر بطلب أمه
إستخرج الراجل أوراق السفر جاله تليفون من رقم غريب.
وحشتني يا حاج سمع الصوت قلبه رقص بنت أللعوبان سنها بعد ال30 بشويه مُهرة جامحه كان بيشاغلها زمان و اتبغددت عليه.
أنت فين هنا في القاهره ولا في بيتك في إسكندرية ...رد بكل بجاحه أنا في إسكندرية لكن مسافر من القاهرة بعد أسبوع هاركب طايرتي من هناك.
ومسافر فين
لما أجيلك هاقولك
بنته ومراته بيسلموا عليه أخواته كمان ودعوه ركب عربيه فيها معاه أربعه حُجاج للمطار هياخدهم في الطريق.
تقبل الله يا حبيبي ربنا يرجعك مقبول مغفور ذنبك
بابا أدعي لي هناك بالستر وماتنساش تدعي لأخويا في غُربته يحفظه من بنات أوربا.
يالا سلام أحسن هاعيط
راح المطار و الهانم هناك بتقابله وتستناه لبس محتشم عشان إللي معاه
أخر نفسه عن الطيارة سافروا الركاب وراح على الشركه يبلغهم بعدم سفره طواعية .
وولاده مايعرفوش رجع مع الهانم ودخل على أستوديو أتصور أمام الكعبه وفي الحرم بالاحرام
يالا نسافر على شرم ونعيش حياتنا
.. معاك يا حاج
في مدخل الفندق بياخد مفتاحه من الاستعلامات غرفه ولا أتنين غرفه واحده وبسرير واحد لو سمحت وفي أول ليله وفي فراش الزنا مات .
هِربت الهانم وبعد يومين ريحت العفن فاحت والفضيحه كمان.
اللهم أحسن خاتمتنا
حسن سعيد ابراهيم
#أيكادولي
تعليقات
إرسال تعليق