على خطوتها

#على_خطوتها

ماشي وراها
كل شويه تغير إتجهاتها
كل شويه تعمل حركات
تكسر مره يمين مره شمال
من غير إشارات

أنا ماشوفتش كده قبل كده
رِجليها بغَمَزات

حركة أيدها رَيحه وجايه
غوايشها تعمل نغامات
ولا جمال خطواتها خلخال
يعزف رانات
واد بيعاكس ردت...
أبوك السقا مات

أنا ماشوفتش كده قبل كده
رِجليها بغمزات

لو مره تهدي الكل يعدي
يرجع من تاني
وأنا ع الجنب هناك
وحدي بعاني
وعيوني بتصرخ منها آه ياني حرام
أدفع عمري ولا أكتر ماتقولي بكام

أنا ماشوفتش كده قبل كده
رِجليها بغمَزات

حلوه اللبانه بشفايفها
فراوله أنا وحدي شايفها
حلمت في لحظه أني خاطفها
صحيت وأنا في الإنعاش
حدش عملها قبلي وعاش

أنا ماشوفتش كده قبل كده
رِجليها فيها غَمزات

آه لو أطول البيشه ولا اليشمك
راح أكتب إسمي قبل إسمك
وبحبي يابت راح أصارحك
وأبويا وأمي  يحددوا فرحك

ما أنا ماشوفتش كده قبل كده
رِجليها بغَمَزات

حسن سعيد إبراهيم
#أيكادولي

تعليقات

إرسال تعليق

المشاركات الشائعة من هذه المدونة

متعلقين

صورة
متعلقين بقشة يمكن ضعيفة أو قويه زي خيط عنكبوت أحلام الفرح أصبحت مشانق موت أيام الهم ليه عايشنها وأيام الفرح بتموت حتى الدمع بيتكلم يقول ليه الفرح سكوت حتى أنين الروح عاجز يطلع من جوايا صوت حاسس اني مكلوم ساكن ظلام بطن الحوت يا أيام العمر مُري من غير مرار ويا دقايق الزمن كل  ثانيه أحتضار عايش حياتي  غريب وده عنوانها باختصار بين ضفتين حياتي نهر العمر شلال انتحار حتى عود غصني أشواك ولا مرة نبت أزهار مليت الترحال من غصن لغصن زي الفراش ع الأشجار وسلمت أمري راضي يقين برب الأقدار ✍️🏿حسن سعيد مرسي تم الحفظ والتوثيق
قراءة المزيد

ذات الاقنعة

صورة
ذات الاقنعة كل الاقنعة بريئة أخطرهم قناع الملاك ارحمهم قناع الهلاك قناعك وانت جريئة الوحيد يكشف الحقيقه كم مرة خدعني قناع الدموع ارفع انا الراية البيضاء واعتذر رغم اني صاحب حقوق وارجع مسامح لكن أعيش نفس الإحساس اللي فات دقيقه بدقيقه غريبه عني من يومك كل الوجوه زور رسمت جروح عتيقه قلبك الغض الرقيق قناع يخفي ذات أنياب ظننت انها لي رفيقة تعلمت الدرس استاذتي واصبح التلميذ متفوقا ينعي ذكريات صديقة ✍🏿حسن سعيد مرسي
قراءة المزيد

يوم مش اجازة

صورة
يوم مش أجازة طوال أيام العمل أي كان طبيعة عملك أي كان حتى لو على مكتب مكيف وعندك سكرتارية و عامل مكتب أي كان نوع العمل.  تنتظر يوم الأجازة بفارغ الصبر لتجديد نشاطك الذهني قبل البدني.  لكن هنا في مصر في مجتمعنا وما نعيشة من متطلبات أو من بيئة محيطة في البيت والشارع والعمارة والعمل لا تنتظر تحسين نشاطك ولا حتى التحدث مع عقلك الباطن.  في يوم الأجازة مع إيقاف التنفيذ محتاج تخرج من حالة الروتين محتاج تنهي متطلبات بيتك محتاج لروحك محتاج ترتاح بدنيا و ذهنيا.  لكل منا أسلوبه في ذلك طبعا حسب متطلبات بيتك و وقتك وحالتك النفسيه والمادية.  منا من يغلق عليه بابه بين جدران بيته لا يريد الأحتكاك أو التعامل مع أسلوب البشر الذي تعدى لفظ الفجاجة والبجاحة في كل مناحي الحياة وتعاملاتها.  منا من يذهب بعيدا في رحلة صيد سمك أو غيره لكن صعب جدا أن تجده في إنتظار صيده يفكر في غير مسؤولياته.  هذه هي الدنيا وكلنا نعلم ذلك فلِما نقسوى على بعض وكلنا لنا نفس الأحتياج.  أن نتعامل بهدوء نفسي وأخلاق راقية محترمة لا تمد عينيك لما متعنا به غيرك.  حتى لو أخذ من حقك فعند الله ال...
قراءة المزيد