اخرتها
#أخرتها_ترميني
على باب داري غريبه ومين يفتح
لا ولد بيرحم ولا عمر تاني يعود
الأسود كاسي الروح و اتحنى العود
باب داري شايفني عنه غريبه
و دمعه على الخد والتانيه قريبه
يا ساكن داري كبرت يابني على حضني
رويتك شهد عمري لما دبل عشانك غصني
أخرتها ترميني
أخرتها ترميني لا دار ولا فرشه تأويني
كنت بردان أضمك
نسيت يابني أمك
حساك ساند ضهرك على الباب خليك
هامشي وادعي ربنا وقفتي مايوريك
لربي راح أصلي وادعي ينجيك
ومن سوء عملك يابني يحميك
دلعك وأنا هادفع تمنه قسوتك
لكن خايفه عليك يابني من أخرتك
فوق يابني ماتخلي الشيطان يسرقك
ولا بنار وسواسه و أفعاله تحرقك
يابني تعالى هنا أسكن صدري
قبل ما تيجي تبكي على قبري
العمر مني بيروح باقي منه أيه
راضيه يابني عنك لو تعمل أيه
راضيه عنك لو تعمل أيه
حسن سعيد ابراهيم
#أيكادولي
تعليقات
إرسال تعليق