عربجي
العربجي له طريقه في الكلام
مهما لبس كلامه محتاج لِجام
بَدِل لسانه برجل يرفص بيها
كُرباج ورا حلال فيه الخِصام
عربجي الأصل مهما تنضف ملابسه
لسانه سليط مطلوق وحماره حابسه
لِم لسانك و أطلق حمارك رحمة بيه
طبع تربيتك بين البهايم الكل حاسه
عربجي وحالك حال مخلوقات كتير
من كلامي الكل عارفه بدون تفكير
لايق عليه البردعه غبي منه فيه
أصلك عربجي حتى لو البردعه حرير
حسن سعيد ابراهيم
تعليقات
إرسال تعليق