أيوه فدائي

أيوه فدائي

أيوه فدائي و ضحكتي على وشي
الرمل فرشتي والشمس غطايا
والليل مع ربي يحلى قيامه
مش لوحدي يامه ده أنا وكل إللي معايا

أيوه فدائي

على عهدنا معاكي و أهل بلدي كمان شاهدين
يا نرجعلك فرحانين منصورين
أو تزفينا للحور العين

أيوه فدائي

سيبك من كلام كل خسيس أنه بعد إنتحاره عريس
منين و إزاي هو في جنه بتفتح لأبليس

أيوه فدائي

يامه روحي لبيت عروستي و فرحيهم لو جيت هانعمل فرحنا بلغيهم
لو جاي بعلم بلدي ملفوف قولي لعروستي حني الكفوف ولا تبكيش
هناك في الجنه بستناها وغيرها ماليش

أيوه فدائي

وانت يا بويا ضهرك ماتِحنهوش وعلم بلدي ماتنكسهوش حداد على مين وإحنا بروحنا فرحانين هنا بنصرنا أو في الجنه عند ربنا مقبولين

أيوه فدائي

يا أهل بلدي بقولكم على قلب واحد كلكم
صلوا علينا من غير دمع عين لكن تربي ولدك إن ده سلف و دين وعهد نبي قال علينا خير أجناد هما المصريين

أيوه فدائي

إزاي ياناسي تباتوا زعلانين
إزاي تباتوا زعلانين
وإحنا بشارة نبي
و على جنة ربنا رايحين

أيوه فدائي

تعليقات

إرسال تعليق

المشاركات الشائعة من هذه المدونة

متعلقين

صورة
متعلقين بقشة يمكن ضعيفة أو قويه زي خيط عنكبوت أحلام الفرح أصبحت مشانق موت أيام الهم ليه عايشنها وأيام الفرح بتموت حتى الدمع بيتكلم يقول ليه الفرح سكوت حتى أنين الروح عاجز يطلع من جوايا صوت حاسس اني مكلوم ساكن ظلام بطن الحوت يا أيام العمر مُري من غير مرار ويا دقايق الزمن كل  ثانيه أحتضار عايش حياتي  غريب وده عنوانها باختصار بين ضفتين حياتي نهر العمر شلال انتحار حتى عود غصني أشواك ولا مرة نبت أزهار مليت الترحال من غصن لغصن زي الفراش ع الأشجار وسلمت أمري راضي يقين برب الأقدار ✍️🏿حسن سعيد مرسي تم الحفظ والتوثيق
قراءة المزيد

ذات الاقنعة

صورة
ذات الاقنعة كل الاقنعة بريئة أخطرهم قناع الملاك ارحمهم قناع الهلاك قناعك وانت جريئة الوحيد يكشف الحقيقه كم مرة خدعني قناع الدموع ارفع انا الراية البيضاء واعتذر رغم اني صاحب حقوق وارجع مسامح لكن أعيش نفس الإحساس اللي فات دقيقه بدقيقه غريبه عني من يومك كل الوجوه زور رسمت جروح عتيقه قلبك الغض الرقيق قناع يخفي ذات أنياب ظننت انها لي رفيقة تعلمت الدرس استاذتي واصبح التلميذ متفوقا ينعي ذكريات صديقة ✍🏿حسن سعيد مرسي
قراءة المزيد

يوم مش اجازة

صورة
يوم مش أجازة طوال أيام العمل أي كان طبيعة عملك أي كان حتى لو على مكتب مكيف وعندك سكرتارية و عامل مكتب أي كان نوع العمل.  تنتظر يوم الأجازة بفارغ الصبر لتجديد نشاطك الذهني قبل البدني.  لكن هنا في مصر في مجتمعنا وما نعيشة من متطلبات أو من بيئة محيطة في البيت والشارع والعمارة والعمل لا تنتظر تحسين نشاطك ولا حتى التحدث مع عقلك الباطن.  في يوم الأجازة مع إيقاف التنفيذ محتاج تخرج من حالة الروتين محتاج تنهي متطلبات بيتك محتاج لروحك محتاج ترتاح بدنيا و ذهنيا.  لكل منا أسلوبه في ذلك طبعا حسب متطلبات بيتك و وقتك وحالتك النفسيه والمادية.  منا من يغلق عليه بابه بين جدران بيته لا يريد الأحتكاك أو التعامل مع أسلوب البشر الذي تعدى لفظ الفجاجة والبجاحة في كل مناحي الحياة وتعاملاتها.  منا من يذهب بعيدا في رحلة صيد سمك أو غيره لكن صعب جدا أن تجده في إنتظار صيده يفكر في غير مسؤولياته.  هذه هي الدنيا وكلنا نعلم ذلك فلِما نقسوى على بعض وكلنا لنا نفس الأحتياج.  أن نتعامل بهدوء نفسي وأخلاق راقية محترمة لا تمد عينيك لما متعنا به غيرك.  حتى لو أخذ من حقك فعند الله ال...
قراءة المزيد