هموم

كل الحمول متعلقه هموم
تعاندك في طريقك وسكتك
كل يوم مستني تنشف دمعتك

سباح وعايش غريق في الغيوم
حبال تكتف خطوتك ما تمشيش
غصنك يموت أرضك ماترتويش

مُخلص لناس ماتعرف الإخلاص يوم
على الرجولة أتربيت ماتُغدُر  ولا تخون
ولا يوم العشرة عليك في مرة تهون

عاشرت ناس مش أي ناس بينهم موهوم
على نفسك كتير بتيجي عشان تراضيهم
من جنس عملهم ربك راح يوم يجازيهم

عايش في حِما ربك يا مظلوم
واثق إن ربك راح يردلك حقك بعد حين
ربك يوم يسلط الظالمين على الظالمين

حسن سعيد ابراهيم

#ايكادولي