رعب أحلامنا
يا شبح الخوف ليه ساكن أحلامنا
ليه كوابيس الرعب متعلقه أُدامنا
يا حِبال الوِصَال مشنوقه فيكي أيامنا
خطاوينا ماشيه سِكة ظلام مرعوبه الخطاوي
والغول واقف شاهد علينا متابع كل الحكاوي
طريق مسدود مهما يطول الحكي من الراوي
على ربابة الزمن أحكي يا عمنا عن حِلم الأموات
عن شباب راح رعب و خوف بنين و كمان بنات
كان بيحلم يوم يعيش الهنا وينسى أيام الفتات
رغم اِلأسى والهموم
لسه بنحلم يجي يوم
نلاقي فيه الظالم مظلوم
والحق يبان واضح معلوم
يا صاحب الحق صلي و صوم
وفي ليلك أسجد ناجي ربك قوم
عالِم سُبحانه بيك رحيم يا مرحوم
تتبدل أيامك رضا و نور بعد الغيوم
أوعاك يوم تفقد اِلأمل
خليك طويل البال
مهما طال اِلأجل
خليك مع ربك أعدل من عَدل
مفيش أبداً معاه مُحال
إن ضاق بيك الحال عليه البَدل
حسن سعيد ابراهيم
#ايكادولي
تعليقات
إرسال تعليق