جالك قلب

وجالك قلب تبعد
من غير سلام
حتى حرام
يموت  بينا الغرام

جالك قلب
عني بسهوله تغيب
طيب قول سلام
بعيونك حتى
وخبي فيهم الهيام
قولي إنك جرحي
مش طبيب

حتى حرام
كل اللي  عشناه في لحظات
حسينا إنه رَجع لينا عمر فات
رَجعتني ليك ليه  غريب
مش هو ده الوعد يا حبيب

كان عهدنا اللي نقربه
تاني مانِبعدهوش
إن الدموع أبدا ماتعرف رموش
والألم الألم عنا يروح ولا نِفتكرهوش

مفيش بينا أبدا خِصام
بِكُل حال إنت مني
قريب زي ضلي
رفيق طريق يا خلي
زي زمان

فاكر زمان اللي كان من يومين
ماهما  أطول من الشهور والسنين
ليه عني تغيب

صَعب عليك أعيش سعيد
و ارسم على خدك فرحة عيد
ليه كده كل ده
حرام تغيب من غير سلام

حسن سعيد ابراهيم
#أيكادولي